ဆိတ်ကလေးမွေးချိန် သတိထားရမည့်အချက်များ

(၁) ဆိတ်မကြီးရဲ့ ကိုယ်ဝန်ဆောင်ကာလက ရက်ပေါင်း ၁၄၆ ရက်မှ ၁၅၆ ရက်ထိဖြစ်ပါတယ်။ ကလေး မွေးဖွားမယ့် ၂ ပတ်အလိုမှာ ဆိတ်မမွေးမယ့်နေရာကို ပြင်ဆင်ထားပေးသင့်ပါတယ်။ 

(၂) ကလေးမွေးမယ့် အခန်းနေရာက သန့်ရှင်းနေခြင်း၊ ခြောက်သွေ့နေခြင်း၊ လေဝင်လေထွက် ကောင်းမွန် နေစေခြင်းနဲ့ အောက်ခံအခင်းတွေကို အသစ်တွေပြုလုပ်ထားပေးရပါတယ်။

(၃) ဆိတ်ကလေးမွေးဖွားချိန်မှာ အသုံးပြုဖို့ အိုင်အိုဒင်းပုလင်းနဲ့ ပုဝါကို ဆောင်ပေးထားရပါမယ်။ 

(၄)ဆိတ်မကြီးရဲ့ နို့အုံ့က မမွေးဖွားမီ (၆)ပတ်မှ (၁)ပတ်အလို မှာ နို့တွေပြည့်တင်းပြီး ကြီးလာမှာဖြစ်ပါတယ်။

(၅) ဆိတ်မမွေးမယ့် အချိန်ကို သားတင်သားစပ်ပြုလုပ်ထားတဲ့ မှတ်တမ်းကိုကြည့်ပြီးတော့လည်း   သိရှိနိုင်ပါတယ်။

(၆) မွေးမယ့်အချိန် ၃-၄ ရက် အလိုမှာ ဆိတ်မကို မြက်ခြောက်၊ အသားဓာတ်ဖြည့်စွက်စာနဲ့ ရေတို့ကို  ထည့်ထားပေးရပါမယ်။

(၇) ဆိတ်မကြီးကို နေ့စဉ်ရေများများတိုက်ရန် လိုအပ်ပါတယ်။ မွေးမဲ့လက္ခဏာ စတွေ့တာနဲ့ ဆိတ်မအနားမှာ နေပေးသင့်ပါတယ်။ 

(၈) ဆိတ်မရဲ့ ညာဘက်မှာ ဆိတ်ကလေးရှိ၊ မရှိ စမ်းသပ်ပေးရပါမယ်။ အကယ်၍ လှုပ်ရှားနေတယ်လို့ ယူဆပါက အနည်းဆုံး၁၂နာရီထိ မမွေးနိုင်သေးပါ။ လူစောင့်ပြီးတော့မကြည့်နိုင်ရင် ဆိတ်ကလေး ရေပုံးထဲကိုမွေးချတတ်တဲ့ အတွက် ရေပုံးကို ဆိတ်ခြံထဲမထားခဲ့ဖို့က အရမ်းအရေးကြီးပါတယ်။

ဆိတ်ကလေးမွေးတော့မယ့် လက္ခဏာတွေကတော့..

(၁) ဆိတ်မအငြိမ်မနေဘဲ အခင်းများကိုခွာနဲ့ ရှပ်နေခြင်း

(၂) ဆိတ်မကြီးအမြီး အပေါ်ကိုမြှောက်နေခြင်း

(၃) ဆိတ်တွေအကြား မွေးမယ့်ဆိတ်မကြီး လဲလျောင်းနေခြင်း

(၄) ကလေးအပေါ် ခင်တွယ်မှုတွေ ပြလာခြင်း

(၅) အမတန်ဆာမှ အကျိအချွဲများကျလာခြင်း တို့ဖြစ်ပါတယ်..။

ရေမွှာပေါက်ပြီးနာရီပိုင်းအတွင်း ဆိတ်ကလေးမွေးဖွားလာနိုင်ပါတယ်။

ဆိတ်ကလေးပုံမှန်အနေအထားနဲ့မွေးတဲ့အနေအထားကတော့ (၂) မျိုးရှိပါတယ်..။ 

(၁) ရှေ့လက် နှစ်ဖက်ကြားမှာ ခေါင်းညှပ်လျက်အနေအထား 

(၂) မွေးဖွားတာနဲ့ နောက်ခြေနှစ်ဖက် အတူတွဲပြီး မွေးလာတဲ့အနေအထားတွေပဲ ဖြစ်ပါတယ်။ အဲ့ဒီလို မွေးတဲ့ပုံစံတွေမဟုတ်ရင်တော့ ပုံမှန်မဟုတ်တာဖြစ်ပြီး လူနဲ့ကူပေးဖို့လိုတဲ့အနေအထားဖြစ်ပါတယ်..။

Reference: စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးရေးသင်တန်းကျောင်းမှထုတ်ဝေသော ခေတ်မီမွေးမြူရေးနည်းပညာများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more