အရသာ ရှိတဲ့ ရှောက်သီး မားမလိတ်လေး ပြုလုပ်ကြရအောင်

လိုအပ်သော ပစ္စည်းများမှာ -

- ရှောက်သီး - ၅-၆ လုံး၊ အရွယ် အလတ်စား၊ ရှောက်ခွံ အတွင်းသားသည် ဖော့ကဲ့သို့ အသားမထူလွန်းသောမျိုး

- သကြား - ၆၀% ရှောက်ခွံ အလေးချိန်အပေါ်

- ထုံး(ကွမ်းစား) - ၁ % ရှောက်ခွံ အလေးချိန်အပေါ်

- ဆား - ဇွန်း သေး ၁/၄ ပိဿာ

- ကပ်စီးနှဲ - ဇွန်ကြီး ၁ ပိဿာခွဲ

ရှောက်သီးကို အလယ်မှ ပိုင်းဖြတ်ပြီး အစေ့ထုတ်၊ အူတိုင်ဖယ်၍ အရည်ညှစ်ရသည်။ ထို အရည်တစ်ဝက်ခန့်ကို ကျိုချက်ရာတွင် ပြန်လည် အသုံးပြုပါသည်။ ရှောက်ခွံကို ထုံးကြက်တက်ရည်တွင် ၁၂ နာရီခန့် စိမ်ထားရသည်။ ထုံးကြက်တက်ရည်မှ ဆယ်ယူပြီး ပွက်ပွက်ဆူအောင် ရေနှင့် ပြုတ်၍ သွန်ပစ်ရသည်။ ထိုသို့ ရေနှင့် ပြုတ်၍ ၂-၃ ကြိမ်လုပ်မှ ရှောက်ခွံ၏ အခါးဓာတ် သက်သာသည်။ ထို့နောက် ရှောက်ခွံပျော့သွားအောင်ပြုတ်ရသည်။ ရှောက်ခွံ ပျော့သွားပါက အအေးခံပြီး၊ နုတ်နုတ်စင်း၍ ဖြစ်စေ၊ သေးသေးရှည်ရှည်လှီး၍ ဖြစ်စေ လိုရာပုံစံရအောင် လှီးဖြတ်ရသည်။

ထိုရှောက်ခွံကို ချိန်တွယ်၍ ရသော အလေးချိန်၏ ၆၀ ရာခိုင်နူန်းကို သကြားထည့်ရသည်။ ချန်ထားသော ရှောက်ရည်တစ်ဝက်ကိုပါ ထည့်၍ မီးအေးအေးဖြင့် ကျိုရသည်။ ထိုယိုထဲသို့ ကပ်စေးနှဲနှင့် ဆားတို့ကို ထည့်ရသည်။ အရောင်ထည့်လိုပါက ယိုဖြစ်ပြီး မီးဖိုပေါ်မှ ချပြီးနောက်မှ ထည့်ရသည်။ ယိုထိုးသည့် အိုးသည် မျက်နှာဝကျယ်သော စတီးအိုးဖြစ်သင့်သည်။ ဒန်အိုးကို မသုံးသင့်ချေ။ ပျစ်ပြီး အရောင်ပြောင်းလာပါက ယိုဖြစ်ပြီ။ ယိုထိုးနေစဉ်တူးခြင်း၊ ကပ်ခြင်းမရှိအောင် မကြာမကြာမွှေနေရသည်။

ကိုးကား - သီးနှံစျေးကွက်တိုးချဲ့ဖို့ တာရှည်ခံအောင် လုပ်ကြစို့

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်