ကန်အတွင်း မြေဩဇာထည့်သွင်းခြင်းနှင့် ရေအရည်အသွေးစစ်ဆေးခြင်း

(က) မြေဩဇာထည့်ရန်အချိုးအဆ (ဂ) မြေဩဇာထည့်ရမည့်အချိန် နေသာသောနံနက်ပိုင်းတွင် ရေတိမ်ရေစပ်များတွင် ရေတွင်ဖျော် ထားသော မြေဩဇာများကို ပက်ဖြန်းပေးရမည်။

(ဃ) မြေဩဇာထည့်ရန် စဉ်းစားရမည့်အချက်များ - ရှေးတွင် ဖော်ပြထားပြီးဖြစ်သည်။

 (၄) ရေအရည်အသွေးစစ်ဆေးခြင်း

(က) ရေအနက်

- ငါးမွေးကန်ရေအနက်သည် ၄ပေ မှ ၆ပေအတွင်း ရှိသင့်ပါသည်။ ကန်အတွင်း အချို့နေရာများတွင် ရေ အနက်ပိုမိုပါက သင့်တော်ပါမည်။ ရေအနက် သုံးပေအောက်ရှိပါက ရေအပူချိန်မြင့်မားလာစေရန် လွယ်ကူပြီး ရေတွင်ပျော်ဝင်လျက်ရှိသော အောက်ဆီဂျင် လျော့နည်းစေပြီး pH မှာလည်း အက်ဆစ် အသွင် ကူးပြောင်းခြင်းကိုဖြစ်စေခြင်း၊ ကာဗွန်ဒိုင် အောက်ဆိုက်ရေတွင်ပျော်ဝင်မှု မြင့်မားခြင်း ဖြစ်စေ နိုင်ပါသည်။

(ခ) ရေကြည်ခြင်း၊ ရေနောက်ကျိခြင်း

- ကန်ရေနောက်ကျိခြင်း သို့မဟုတ်ရေမျက်နှာပြင်တွင် ရေမှော်ရေညှိများ ဖုံးလွှမ်းခြင်းရှိပါက ကန်ရေ တွင် အောက်ဆီဂျင်ပျော်ဝင်မှု လျော့နည်းစေပါသည်။ ပုံမှန်အားဖြင့် ကန်ရေကြည်နှုန်းမှာ (၁၀ -၁၂) လက်မ(သို့မဟုတ်) (၂၅-၃၀) စင်တီမီတာအတွင်းရှိပါက သက်ရှိအစပေါက်ပွားမှုပုံမှန်ရှိနေကြောင်း ဖော်ပြလျက်ရှိပါသည်။ ငါးကန်ရေသည် နောက်ကျိမနေသင့်ပါ။

(ဂ) နေရောင်ခြည်ရရှိခြင်း

ကန်ရေပြင်သို့ နေရောင်ခြည်ကောင်းစွာရရှိရန် ကန်ဘောင်တွင် သစ်ပင်ကြီးများ အုပ်ဆိုင်းခြင်းမရှိရန် ဆောင်ရွက်ရပါမည်။ သစ်ပင်ကြီးများ ရှိနေပါက အကိုင်းအခတ်များကို ဖယ်ရှားရပါမည်။

(ဃ) ငါးကန်ရေအပူချိန်

- ငါးမွေးထားသောကန်ရေအပူချိန်မှာ ၂၈ ဒီဂရီစင်တီဂရိတ် မှ ၃၂ ဒီဂရီစင်တီ ဂရိတ်တွင်း ရှိသင့်ပါသည်။ ရေအပူချိန်၃၅ ဒီဂရီစင်တီဂရိတ်အထက် (သို့မဟုတ်) ၁၀ဒီဂရီစင်တီဂရိတ် မှ ၁၂ ဒီဂရီစင်တီဂရိတ်အောက်တွင်ငါးများ ပုံမှန်သက်ရှင်ကြီးထွားမှု မရှိနိုင်ပါ။၊

(င) ပျော်ဝင်အောက်ဆီဂျင်

- ရေတွင်ပျော်ဝင်လျက်ရှိသော အောက်ဆီဂျင်ပမာဏမှာ ရေတစ်လီတာတွင် ၅မီလီဂရမ် မှ ၈ မီလီ ဂရမ် သို့မဟုတ် ၅၈ ppm ရှိပါက မွေးမြူထားသောငါးများ ပုံမှန်သက်ရှင်ကြီးထွားမှု ရှိပါသည်။ ရေတစ်လီတာတွင် ပျော်ဝင်သောအောက်ဆီဂျင် ၃ မီလီဂရမ် သို့မဟုတ် ၃ ppm အောက် လျော့နည်း ပါက ငါးများအတွက် အောက်ဆီဂျင် လုံလောက်စွာမရနိုင်သဖြင့် ရေပေါ်တွင် မျောပါကူးစက်ခြင်း၊ သေဆုံးသည့်အထိဖြစ်ခြင်းများ တွေ့ရှိရမည်ဖြစ်ပါသည်။ ငါးကန်ရေတွင် သက်ရှိအစာ အစိမ်းရောင် မျှောလှေးများ အလွန်အကဲပွားများသဖြင့် ဩဂဲနစ်ဒြပ်ပေါင်းများ ပြိုကွဲခြင်း၊ ရေအလွန်နောကကျိခြင်း ကြောင့် ငါးကန်ရေတွင် ပျော်ဝင်အောက်ဆီဂျင် လျော့နည်းစေနိုင်ပါသည်။

(စ) ရေတွင် အယ်ကာလီ(ဓာတ်) ပါဝင်မှု

- ရေတွင်မဂ္ဂနီဆီယမ်ကာဗွန်ဒိုင် သို့မဟုတ် ဘိုင်ကာဗွန်နိတ်နှင့် ထုံးဓာတ်ပါဝင်မှုကို ဖော်ပြခြင်း ဖြစ်ပါ သည်။ ငါးကန်ရေတွင် အယ်ကာလီပါဝင်မှု (၈ဝ မှ ၁၂၀) ppm ရှိသင့်ပါသည်။

(ဆ) ရေ၏ pH

- ငါးမွေးမြူရန် သင့်တော်သောရေ၏ pH မှာ(၇၈၅) ဖြစ်ပါသည်။ pH နိမ့်ခြင်း၊ မြင့်ခြင်းများကြောင့် ငါးကန်ရေတွင် သဘာဝအတပေါက်ပွားမှုမရှိခြင်း၊ မွေးမြူထားသောငါးများတွင် ရောဂါဖြစ်ပွားမှု ခံနိုင် ရည်အား ကျဆင်းခြင်း၊ ငါးများအစာစားမှုမရှိခြင်းကို ဖြစ်ပေါ်စေနိုင်ပါသည်။

(ဇ) ကာဗွန်ဒိုင်အောက်ဆိုဒ်

- ငါးကန်ရေတွင် ကာဗွန်ဒိုင်အောက်ဆိုဒ်ပျော်ဝင်မှုသည် ၁၀ကီလိုဂရမ်/လီတာ (သို့မဟုတ်) ၁၀ ppm အောက်နည်းရန် လိုအပ်ပါသည်။ ရေတွင်ပျော်ဝင်သော ကာဗွန်ဒိုင်အောက်ဆိုဒ် များလာသည်နှင့်အမျှ အောက်ဆီဂျင်ရေတွင် ပျော်ဝင်မှုမှာ လျော့နည်းလာမည်ဖြစ်ပါသည်။

(ဈ) အမိုးနီးယား

- ငါးကန်ရေတွင် အမိုးနီးယားပါဝင်မှု ဝ.ဝ၂၅ ppm သို့မဟုတ် ဝ.ဝ၂၅မီလီဂရမ်/ လီတာ ရှိပါက မွေးမြူထားသောငါးများကို သေစေနိုင်ပါသည်။

(ည) ဟိုက်ဒရိုဂျင်

ငါးကန်ရေတွင် ၀.၀၀၂ ppm သို့မဟုတ် ဝ,ဝဝ၂ မီလီဂရမ်/လီတာ ပါဝင်ပါက ငါးများကို သေစေနိုင်ပါ သည်။

(၄) ရေအရောင်အသွေး

ရေအရောင်အသွေး၊ သဘာဝအစာဖြစ်ပေါ်မှုနှင့် ငါးမွေးမြူရန် သင့်တော်သော ရေအမျိုးအစားကို အောက်ပါဇယားဖြင့် ဖော်ပြထားပါသည်။ ရေအရည်အသွေးထိန်းသိမ်းနိုင်ရန်အတွက်ပြုလုပ်ရမည့်အချက်များ

- အပတ်စဉ် ရေ၏ pHအား တိုင်းတာမှုပြုလုပ်ခြင်း၊ pH အရည်အသွေး ၇ မှ ၈.၅ ကြားတွင် ရှိရမည်။
- မွေးမြူရေးကန် အစိမ်းရင့်ရောင်ဖြစ်ပါက ဓာတ်မြေဩဇာအသုံးပြုမှုအား ရပ်ရမည်ဖြစ်သည်။

World Fish

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်