အေဇိုလာ အဇိုလာ

အေဇိုလာဆိုတာဘာလဲ?

ရေထဲမှာ ပေါက်ရောက်ကြတဲ့ အကိုင်းဖြာပြီးပေါ်နေတတ်တဲ့ အပင်လေးတွေပါ။ သူက တိရစ္ဆာန်တွေအတွက် အာဟာရတွေအများကြီးပါဝင်တာကြောင်မို့ နောက်ပိုင်းမှာ ခေတ်စားလာတဲ့ အပင်လေးတွေဖြစ်ပြီးတော့ တိုးချဲ့စိုက်ပျိုးလာကြပါတယ်။ လယ်ခင်းထဲမှာပေါက်ရင်တောင် စပါးပင်တွေအတွက် နိုက်ထရိုဂျင်ကို ထောက်ပံ့ပေးနိုင်ပါသေးတယ်။ အဲ့လိုကြောင့် အေဇိုလာဆိုရင် စပါးခင်းထဲမှာ ဇီဝမြေသြဇာအဖြစ်တောင် ထည့်ကြတာဖြစ်ပါတယ်။ စိမ်းပြာရောင်ရှိတဲ့ အေဇိုလာလေးတွေက နိုက်ထရိုဂျင်ဖမ်းယူပေးတာကိုလည်း ကူညီပေးတယ်ဆိုတော့ကာ ဘာလိုသေးလဲ။

ဘယ်နေရာတွေမှာ ပေါက်ကြလဲ?

ကန်တွေ၊ မြောင်းသွယ်လေးတွေ၊ စပါးခင်းရှိတဲ့ အပူချိန်နွေးနွေးနဲ့ သမပိုင်းနေရာတွေအထိ ပေါက်ရောက်စိုက်ပျိုးနိုင်ပါတယ်။

ဘယ်နေရာတွေမှာ သုံးလို့ရနိုင်မလဲဆိုတော့ ကျွဲ၊ နွား၊ ကြက်၊ ငါး စတဲ့ မွေးမြူရေးတိရစ္ဆာန်တွေအတွက်လည်း အာဟာရပြည့်တဲ့အစာတွေအဖြစ် ထုတ်လုပ်ပေးနိုင်တာကြောင့်မို့ စိုက်ပျိုးကြတာဖြစ်ပါတယ်။

ဒါဆိုရင် အေဇိုလာကို သိပ္ပံနည်းကျဘယ်လိုခွဲခြမ်းထားသလဲဆိုတာကို လေ့လာကြည့်ရအောင်။

Family name – Salviniaceae

Botanical/Scientific Name – Azolla filiculoides

အေဇိုလာရဲ့ အကျိုးကျေးဇူးတွေ

(၁) နေရာဒေသသိပ်မရွေးပဲ စိုက်နိုင်ပျိုးနိုင်တဲ့အပြင်ကို ဖန်လုံအိမ် မှန်လုံအိမ်ထဲမှာတောင် စိုက်လို့ပျိုးလို့ရတဲ့ အမျိုးအစားဖြစ်ပါတယ်။

(၂) ပမာဏများများကို စိုက်ပျိုးလို့ရပြီးတော့ သုံးလို့ရတဲ့နေရာကလည်း များပါတယ်။

(၃) အေဇိုလာက လေထုထဲကကာဗွန်ဒိုင်အောက်ဆိုဒ်နဲ့ နိုက်ထရိုဂျင်ကို ကာဗွန်ဟိုက်ထရိတ်နဲ့ အမိုးနီးယားအဖြစ် ပြောင်းလဲပေးနိုင်တာကြောင့် အပင်တွေအတွက် သစ်စိမ်းမြေသြဇာ အဖြစ် အသုံးပြုပေးဖို့ သင့်တော်ပါတယ်။

(၄) အေဇိုလာကို အရည်ဖျော်ပြီးသုံးမယ်ဆိုရင်တော့ ဇင့်၊ အိုင်းယွန်းဓာတ်နဲ့ မဂ္ဂနိစ့် ကို စပါးအတွက် ဖြည့်တင်းပေးနိုင်မှာဖြစ်ပါတယ်။

(၅) တစ်ချို့နိုင်ငံတွေရဲ့စပါးခင်းထဲမှာ အေဇိုလာတွေကိုသုံးပြီးတော့ ပေါင်းပင်တွေကိုနှိမ်နင်းဖို့အတွက် သုံးကြပါသေးတယ်။

(၆) သဘာဝအတိုင်းဆိုရင်တောင် အေဇိုလာက အပင်ကြီးထွားဖို့လိုအပ်တဲ့ ဗီတာမင်နဲ့ အပင်ကြီးထွားမှုကို လှုံ့ဆော်ပေးတဲ့ပစ္စည်းတွေကို ထုတ်လုပ်ပေးနိုင်ပါတယ်။

(၇) အဲ့လိုလုပ်ပေးနိုင်တာကြောင့် သီးနှံအထွက်နဲ့ အရည်အသွေးကို ကောင်းမွန်စေပါတယ်။

(၈) အေဇိုလာနဲ့ ရေမျက်နှာပြင်ကို အကာအကွယ်လို လုပ်ထားပေးတာကြောင့် ရေငွေ့ပျံတာကိုလည်း ထိန်းချုပ်နိုင်ပါတယ်။ အဲ့လိုဆိုတော့ အပင်တွေလည်း ရေငွေ့ခံရတာ သက်သာတာပေါ့။

(၉) နို့စားတိရိစ္ဆာန်လေးတွေကို ကျွေးတယ်ဆိုရင် နို့အထွက်တိုးအောင် ကူညီပေးနိုင်ပါသတဲ့။

ကဲ ဒါကတော့ အေဇိုလာနဲ့ ပတ်သက်တဲ့ဗဟုသုတကို ဖော်ပြပေးတာပါ။ အေဇိုလာစိုက်ပျိုးနည်းကိုတော့ နောက်ဆောင်းပါးမှာ ဆက်လက်စောင့်မျှော်ပေးကြပါဦး။

ထွန်းဝင်းကျော်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...