ကျောက်ကျောအမဲ (ခေါ်) လိပ်သဲ

လူအများသောက်သုံးနေကြတဲ့ မန်ကျည်းဖျော်ရည်၊ ကြံရည်၊ ဆေးကုလားမဖျော်ရည်၊ ဖာလူဒါ၊ နို့အေး၊ ရေခဲသုပ်၊ ရွှေရင်အေး အပြင် သီးသန့်ကျောက်ကျောဖျော်ရည်ဆိုပြီး သောက်ကြတဲ့ အမဲရောင်ကျောက်ကျောလေးတွေက 'ကျောက်ကျောပင်' ကရရှိကြတာဖြစ်ပါတယ်။

ကျောက်ကျောကို မွန်ပြည်နယ်ဘက်တွင် 'လိပ်သဲ' ဟုခေါ်ဆိုကြပြီး ရှမ်းပြည်ဘက်အခေါ်အရ "နမ့်ပင်တူး" ဆိုတဲ့ အပင်ကထုတ်ယူရရှိကြောင်းသိရပါသည်။ ကျောက်ကျော (ခေါ်) လိပ်သဲကို-

အင်္ဂလိပ်အမည်- Grass jelly plant

သိပ္ပံအမည်- Platostoma palustre ဟုသိရပါသည်။

အမဲရောင်ကျောက်ကျောပြုလုပ်နည်းမှာ-

၁။ ကျောက်ကျောပင်(ခေါ်) လိပ်သဲပင်ကို ရေစင်အောင်ဆေးကာ ကြိတ်ချေပြီး ဇကာဖြင့်တိုက်ကာ အရည်အနှစ်ကိုစစ်ယူရပါသည်။ အရည်တွေအကုန်ရအောင် ရေနည်းနည်းလောင်းထည့်ပြီး အရည်ကုန်အောင်ညှစ်ယူရပါသည်။

၂။ ရလာသောကျောက်ကျောအပင်မှအရည်ကို စစ်ယူပြီး အပူပေးကာ ကျိုချက်ရပါသည်။ အရည်အတော်လေးပျစ်လာပြီဆိုလျှင် ကော်မှုန့် (သို့) ဆန်မှုန့်ကိုလောင်းထည့်ပြီး မီးမျှင်းမျှင်းနဲ့ ကျိုရပါသည်။

၃။ ကျိုနေစဉ်မှာ လက်နဲ့အဆက်မပြတ်မွှေပေးနေရပြီး ပျစ်လာပြီဆိုပါက လင်ဗန်းတစ်ခုမှာထည့် အအေးခံပြီး နောက်တစ်ရက်ဆိုထားလို့ရပါပြီ။ (ကော်မှုန့်မပါဘဲ သူ့ချည်းသက်သက်ကျိုလျှင် ကျောက်ကျောမဖြစ်ပါ။ ကော်မှုန့်နဲနဲထည့်မှ ဓာတ်ပြုပြီး ကျောက်ကျောအမဲဖြစ်သည်ဟုသိရပါသည်။)

ကျောက်ကျောအမဲကို ရှမ်းပြည်နယ်နှင့်အထက် ချင်းတွင်းဘက်တွင် သုပ်စားကြပါသည်။ အောက်ပြည်ဘက်တွင် အအေးဖျော်ရည်၊ ဖာလူဒါ၊ ရေခဲသုပ်တို့တွင် ထည့်သွင်းစားသုံးကြပါသည်။

ကျောက်ကျောအမဲ၏ဆေးဖက်ဝင်ပုံ

၁။ အမျှင်ဓာတ် (fiber) ပါဝင်မှုများပြားသဖြင့် အစာချေဖျက်နှုန်းကောင်းမွန်စေပြီး ဝမ်းချုပ်ခြင်းကိုလည်း သက်သာစေပါသည်။

၂။ ကျောက်ကျောပင်မှာပါဝင်တဲ့ Compound တစ်မျိုးက လည်ပင်းနာတာကိုသက်သာစေပြီး ကလေးတွေအတွက် အိမ်သုံးဆေးအနေနဲ့လည်းတိုက်ကျွေးကြပါသည်။

၃။ Black grass jelly ဖြစ်တာမို့ သွေးတွင်း ကိုလက်စထရော (Cholesterol) ကိုလည်းလျှော့ကျစေနိုင်ပြီး သွေးတိုးကိုလည်းထိန်းညှိပေးနိုင်ပါသည်။

၄။ ကင်ဆာရောဂါကို ကာကွယ်ပေးနိုင်တဲ့ အန်တီအောက်စီးဒန့် (antioxidants) တွေလည်းပါဝင်ပါသည်။

၅။ ပိုပြီးစိတ်ဝင်စားစေတဲ့ နောက်တစ်ချက်က ဝိတ်ကျစေခြင်းဖြစ်သည်။ သွေးတွင်းကယ်လိုရီဓာတ်ကိုလည်း လျှော့ကျစေပြီး သူ့မှာပါဝင်တဲ့ သကြားဓာတ်က လူ့ခန္ဓာကိုယ်အတွက် အင်နာဂျီ အနေနဲ့ပဲ အသုံးပြုပါသည်။

၆။ ငှက်ဖျားဝေဒနာကို သက်သာစေပြီး ရောင်ရမ်းခြင်းကို လျှော့ကျစေပါသည်။

၇။ နှလုံးနဲ့ပတ်သက်တဲ့ ရောဂါများကိုလည်း သက်သာစေပါသည်။

၈။ ဆီးချိုရောဂါအတွက်လည်းအကျိုးပြုပါသည်။

၉။ ကိုယ်ခံအားကိုလည်း တိုးပွားစေပါသည်။

၁၀။ ဝမ်းပျက်၊ ဝမ်းလျှောခြင်းကိုလည်း သက်သာစေပါသည်။

ဒါ့ကြောင့် အကျိုးများပြားလှပြီး အဖိုးနဲတဲ့ ကျောက်ကျောဖျော်ရည်ကို မကြာခဏသောက်သုံးသင့်ပါတယ်။

ဗဟုသုတအနေဖြင့် ပင်လယ်ကထွက်တဲ့ ရေမှော်ကျောက်ကျော လည်းရှိကြပါသည်။ ထိုကျောက်ကျောမှာ ပင်လယ်ရေမှော် (red algae or brown algae) မျိုးစိတ်တစ်မျိုးကနေ ထုတ်လုပ်ခြင်းဖြစ်ကြောင်း သိရပါတယ်။

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်းကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...