ဂျင်းနက် (Black Ginger) နဲ့ နနွင်းနက် (Black Turmeric) တူပါသလား?

    စာတွေလိုက်ဖတ်ကြည့်တဲ့အခါ သူတို့နှစ်ခုက မတူပါဘူး။ ဒါကို တော်တော်များများသောသူတွေလဲ ဒွိဟဖြစ်နေကြတယ်လို့လဲ မြင်မိပါတယ်။ 

    သူတို့ကို သုတေသနလုပ်ထားကလည်း တော်တော်နည်းနေပါသေးတာကိုလည်း တွေ့ရပါတယ်။ သူတို့ရဲ့ကွာခြားချက်တွေကိုသိရှိဖို့ လေ့လာကြည့်လိုက်ကြရအောင်နော်။

နနွင်းနက် (Black Turmeric)

မြန်မာအမည်    - နနွင်းနက် (သို့) ဆနွင်းနက် 

အင်္ဂလိပ်အမည် - Black Turmeric or Black Zedoary 

သိပ္ပံအမည်       - Curcuma caesia 

မျိုးပေါင်းစု      - Zingiberaceae 

    နနွင်းနက်ဟာ နှစ်ရှည်ခံပင်မျိုးဖြစ်ပြီးတော့ အတွင်းသားဟာ နက်ပြာရောင်ရှိပါတယ်။ သူရဲ့မူရင်းဒေသကတော့ အရှေ့မြောက်အိန္ဒိယဒေသပဲ ဖြစ်ပါတယ်။ သူ့မှာ antioxidants (အရွယ်တင်နုပျိုစေတဲ့ဓာတ်)တွေ အများကြီးပါဝင်တာဖြစ်ပါတယ်။

    သူ့ကို အမှုန့်ကြိတ်ပီး ရေနဲ့ရောသောက်ပါက လေပွတဲ့ရောဂါတွေအတွက် ကောင်းတယ်လို့လည်း သိရပါတယ်။ တခြားကောင်းကျိုးတွေလဲ အများကြီးရှိတာတွေ့ရပါတယ်။ ဒါပေမဲ့လဲ သူ့ကိုဝယ်ယူဖို့ အခက်ခဲတွေအများကြီးရှိနေတာလဲဖြစ်ပါတယ်။

Reference - wekipedia & food.ndtv.com

ဂျင်းနက် (Black Ginger)

မြန်မာအမည်    - ဂျင်းနက်

အင်္ဂလိပ်အမည် - Black Ginger (or)Thai ginseng (or) krachi dum

သိပ္ပံအမည်       - Kaempferia parviflora 

မျိုးပေါင်းစု      - Zingiberaceae

မူရင်းဒေသ      - ထိုင်းနိုင်ငံ 

    သူရဲ့ထူးခြားချက်တော့ ဂျင်းနဲ့တူတဲ့အပြင် အတွင်းသားကတော့ ခရမ်းရင့်ရောင် ဖြစ်နေတာပါပဲ။ သူ့ကို တိုင်းရင်းဆေးတွေမှာ ထည့်သုံးတာများလို့ ထိုင်းမှာဆိုရင် ထိုင်းဂျင်ဆင်းလို့တောင် တင်စားခေါ်ဝေါ်ကြတာပဲဖြစ်ပါတယ်။

    နေရာအတော်များများမှာတော့ သူ့ကို သက်သက်စိုက်ပျိုးတာမဟုတ်ဘဲ သီးညှပ်အနေနဲ့ သစ်သီးခြံတွေကြားမှာ စိုက်ပျိုးကြတာများပါတယ်။ 

    သူ့ကိုစိုက်ပျိုးမယ်ဆိုပါက မိုးမကျမီစိုက်ပျိုးပေးပြီး ၁ - ၂ နှစ်လျှင်တစ်ကြိမ် တူးနိုင်ပါတယ်။ တူးရာမှာလည်း ပထမနှစ်ဥသည် အထဲကအရောင်ဖျော့ပြီး ၂ နှစ်မြောက်ဥဟာ အထဲမှ ခရမ်းရင့်ရောင်တောက်တာကိုလည်း တွေ့ရှိရပါတယ်။ 

သူ့ကို စားသုံးပေးပါက 

- သွေးလည်ပတ်မှုအားကောင်းခြင်း

- ခွန်အားတိုးခြင်း (မောပန်းနွမ်းနယ်မှု လျေ့ာနည်းခြင်း)

- အာရုံကြောအဖွဲ့အစည်းကို အားကောင်းစေခြင်း

- သွေးတိုးရောဂါကို လျေ့ာကျစေခြင်း

- ဆီးချိုရောဂါ ကာကွယ်ခြင်း

- နှလုံးရောဂါ၊ အဆီပိုတွေများခြင်းကို လျော့ကျစေနိုင်ခြင်း

- အိုမင်းရင့်ရော်မှုကို လျော့ပါးစေခြင်း စတဲ့အကျိုးကျေးဇူးတွေ များတာပဲဖြစ်ပါတယ် ။ အများအားဖြင့် - မြန်မာပြည်မှာတော့ ဂျင်းနက်ကို ပျားရည်နဲ့စိမ်သောက်ကြတာများတာကို တွေ့ရပါတယ်။ 

    မြန်မာအခေါ်အဝေါ်တွေအနေနဲ့ကတော့ ဂျင်းနက်ကို ဆနွင်းနက်လို့ခေါ်ကြပြီး ဆနွင်းနက်ကို ဂမုန်းတိမ်ပြာလို့လည်း ခေါ်ကြ သိကြတာကို တွေ့ရပါတယ်။ 

အောက်က ပုံလေးတွေကဆင့် ကွဲပြားချက်ကို သိရှိနိုင်ပါတယ်။ 

Reference https://bbp.aseanbiodiversity.com

Photos - Google 

ဆောင်းပါးများ/သတင်းများ ပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်