နေကောင်းကျန်းမာအောင် ဗီတာမင်စီပြည့်အောင်နေရမယ်

နေမကောင်းတာတွေ ကြားရတော့ စိတ်ပူရတယ် အမျိုးတွေကို....

အဲ့တော့ နေကောင်းကျန်းမာအောင် ဘာလုပ်ရမလဲဆိုတော့ ဗီတာမင်စီ ပြည့်အောင်နေရမယ်။ ဟိုကြော်ငြာလေးလိုပဲ "စီလင်းတိုက်ကျွေးမေ့ရင်သွေး ရောဂါမျိုးစုံကာကွယ်ပေး" ဆိုတာလိုမျိုး စီလင်းသောက်လို့မရတော့တဲ့ မေ့ရင်သွေးမဟုတ်တော့တဲ့အရွယ်မှာ ကျန်းမာနေဖို့ဆို အာဟာရပြည်အောင်နေရမှာပေါ့။ အာဟာရဆိုလို့လည်း ဈေးကြီးတာတွေ စားရမယ်လို့ မဆိုလိုပါဘူးနော်။

ဟော..နေရောင်ခံလိုက်ရင် ဗီတာမင် ဒီ ကိုရရော။ တစ်နေကုန် နေပူထဲတော့ ထွက်မထိုင်ကြနဲ့ပေ့ါ့။ နေထွက်ချိန် မနက်စောစောပိုင်း လမ်းထလျှောက် နေရောင်လေးခံလိုက်တာက ဗီတာမင်ဒီကို ရစေသတဲ့။ ထားပါတော့ လမ်းကလွဲသွားပြီ...။

ခုက ဗီတာမင် စီ (ဗိုက်တာမင်ပေါ့လေ) ကို ဖြည့်တင်းပေးထားတဲ့ ခန္ဓာကိုယ်ဟာဆိုရင် ဘာတွေဖြစ်မလဲဆိုတော့

(၁) ကိုယ်ခံစွမ်းအားကို မြှင့်တင်ပေးပါတယ်။ တော်ရုံတန်ရုံဆို နေမကောင်းမဖြစ်တော့ဘူးပေါ့။

(၂) အဖျားတွေ တိုက်ဖျက်ဖို့လည်း အကောင်းဆုံးဖြစ်ပါတယ်။

(၃) အနာတွေဆိုရင်လည်း မြန်မြန်ကျက်စေပါတယ်။

(၄) အရိုး နဲ့ သွားတွေကိုလည်း ကောင်းမွန်စေပါတယ်။

(၅) သံဓာတ် စုပ်ယူနိုင်စွမ်းအားကို ကောင်းစေပါတယ်။

ကဲ တစ်နေ့ကို မိန်းကလေးဆိုရင် ၇၅ မီလီဂရမ်၊ ယောကျ်ားလေးဆိုရင် ၉၀ မီလီဂရမ် စားကိုစားပေးရမယ်တဲ့။ မြန်မာလို (၁) ကျပ်သားဆိုရင် ၁၆ ဂရမ် ကျော်ရှိပါတယ်။ (၁) ဂရမ်မှာ (၁၀၀၀) မီလီဂရမ် ရှိပါတယ်။ အဲ့တော့ သူပြောတဲ့အတိုင်းဆို တစ်ကျပ်သားတောင်မလိုပါဘူး နည်းနည်းဖြစ်ဖြစ် စားလိုက်ရင် ကျန်းမာရေးကောင်းနေပါပြီ။ စားတော့မယ်လို့ အပီအပြင်ခဲထားရင် ဘာတွေစားရမလဲဆိုတာ ဆက်သာကြည့်လိုက်တော့

(၁) မာလကာသီး

မာလကာသီးကိုစားပါ။ သူက တစ်ခွက်မှာ မီလီဂရမ် (၃၇၆) တောင်ပါပါတယ်။ ကယ်လိုရီဆိုရင်လည်း (၁၁၂) လောက်ပဲ ပါပါတယ်။

(US က တစ်ခွက်ဆိုတာ (၂၅၀) မီလီလီတာ (သို့) ၂၅၀ ဂရမ်လောက်ရှိပါတယ်။)

(၂) ငရုတ်ပွသီး အနီရောင်နဲ့ အစိမ်းရောင်

ဗီတာမင်စီဆိုရင် ချဉ်တာလေးလို့ သိထားကြတာကိုး၊ ခုက ငရုတ်သီး ၂၅၀ ဂရမ်ဆိုရင် ဗီတာမင် စီ (၂၈၄) မီလီဂရမ် ပါပြီးတော့ ကယ်လိုရီဆို (၄၀) ပဲပါတယ်။ စားကြပါ။

အရောင်ကွာတဲ့ အစိမ်းရောင်ကတော့ (၁၂၀)မီလီဂရမ်ပါပါတယ်။ ကယ်လိုရီက (၃၀) ဖြစ်ပါတယ်နော်။ ချက်လိုက်ရင်တော့ (၁၀၂) ပဲ ကျန်တော့မှာဖြစ်ပါတယ်။ အနီနဲ့ အစိမ်းပဲ ကွဲပေမဲ့ ပါဝင်တာတွေ ကွာသွားပါတယ်။

(၃) ကီဝီသီး

အူးလေးကြီးကတော့ မကြိုက်ဘူး။ ဒါပေမဲ့ ကီဝီသီး ခပ်လတ်လတ်တစ်လုံးမှာ ဗီတာမင် စီ (၇၀) မီလီဂရမ် ပါပြီးတော့ ကယ်လိုရီ (၄၆) ပဲဖြစ်ပါတယ်။

(၄) လိမ္မော်သီး

ပုံမှန် အသီးတစ်လုံးမှာဆိုရင် (၇၀)မီလီဂရမ် နဲ့ ကယ်လိုရီ (၆၂) ပါပါတယ်။ ဖျော်ရည်သောက်မယ်ဆိုရင် ၂၅၀ မီလီလီတာ တစ်ခွက်မှာ ဗီတာမင် စီ (၁၂၄) မီလီဂရမ် ပါဝင်ပြီးတော့ ကယ်လိုရီ (၁၀၀) ကျော်လောက်ပါဝင်မှာ ဖြစ်ပါတယ်။

(၅) ဂရိတ်ဖရုသီး

သူကလည်း တစ်လုံးမှာ (၇၈) မီလီဂရမ်ပါပြီးတော့ ကယ်လိုရီ (၁၀၄) ပါပါတယ်။ ဖျော်ရည်ဆိုရင် တစ်ခွက်မှာ (၆၄) ကနေ (၉၂) မီလီဂရမ်ပါပါတယ်။ ကယ်လိုရီကတော့ (၉၂) ကနေ (၁၀၀) ပါပါတယ်နော်။

(၁၀) စတော်ဘယ်ရီ

အကြိုက်ဆုံးတွေဖြစ်နေကြပြီ မဟုတ်လား။ သူက အမျှင်ဓာတ်ရော၊ တစ်ခြား ဓာတ်တိုးဆန့်ကျင်ပစ္စည်းတွေလည်း ပါဝင်ပါတယ်။ စတော်ဘယ်ရီ ၂၅၀ ဂရမ်မှာ ဗီတာမင် စီ (၉၈) ပါပြီးတော့ ကယ်လိုရီ (၅၄) ပါဝင်ပါတယ်။

(၁၁) ပိုက်သခွား (သို့) သခွားမွှေးသီး

အနေတော်တစ်စိတ်မှာတင် ဗီတာမင် စီက (၄၇) မီလီဂရမ် တောင်ပါပြီးတော့ ကယ်လိုရီကတော့ (၅၁) ပါပါတယ်။

စားစရာတွေကလည်း အသီးတွေမို့ စိတ်ညစ်သွားပြီလား။ မပူနဲ့ အမြဲစားနေတဲ့ အစားအစာထဲက ဗီတာမင် စီ ရနိုင်တဲ့ အစားအစာတွေကတော့ သရက်သီး၊ သင်္ဘောသီး၊ နာနတ်သီး၊ ဖရဲသီး၊ ဂေါ်ဖီပန်းပွင့်၊ ဟင်းနုနွယ်၊ ဂေါ်ဖီထုပ်၊ ခရမ်းချဉ်သီး စတဲ့ ဟင်းသီးဟင်းရွက်တွေလည်း ပါပါတယ်။

ကဲ အဲ့ဒါဆို စားကြမယ် မဟုတ်လား…….

ထွန်းဝင်းကျော်

Ref; https://medlineplus.gov/ency/article/002404.htm

https://www.goodhousekeeping.com/health/diet-nutrition/g1926/top-sources-vitamin-c-44102808/?slide=1

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...