တိရစ္ဆာန်စွန့်ပစ်ပစ္စည်းများဖြင့် မြေသြဇာ ပြုလုပ်နည်း

ကျေးလက်ဒေသများတွင်မွေးမြူထားသည့် ကျွဲ၊ နွား၊ ကြက်၊ ဘဲ၊ ဝက်၊ ဆိတ်၊ သိုးများမှ စွန့်ပစ်ပစ္စည်းများကို စနစ်တကျ သိမ်းဆည်း၍ သဘာဝမြေသြဇာအဖြစ် အသုံးပြုနိုင်ပါသည်။

နွားချေးသိုလှောင်နည်း

အကျယ် ၁၀ ပေ ပတ်လည်ရှိသည့် ရေမဝပ်သည့်မြေနေရာတစ်ခုရွေးပါ။ ယင်းပတ်ပတ်လည်တွင် ၆ လက်မ အနက်၊ ၆ လက်မ အကျယ်ရေနုတ်မြောင်း တူးပါ။ အပူပိုင်းဒေသတွင်၂ ပေ x ၁၀ ပေ x ၁၀ ပေ ကျင်းတိမ် တူး၍ သုံးနိုင်ပါသည်။ နေဒဏ်၊ မိုးဒဏ်မှ ကာကွယ်ရန်အတွက် ယာယီ အမိုးငယ် တစ်ခု ပြုလုပ်ပေးပါ။ မိုးမများလွန်းပါက အရိပ်ကောင်းသော သစ်ပင်ရိပ်အောက်တွင် ပြုလုပ်နိုင်ပါသည်။

နွားတင်းကုပ်မြေပြင်ပေါ်တွင် အမှိုက်၊ ကောက်ရိုး၊ ရိုးပြတ်၊ မြက်ခြောက်၊ ကောက်မှော်ရရာတို့ကို ခင်း၍ နွားများကို သိပ်ပေးပါ။ တင်းကုပ် သန့်ရှင်းစဉ် နွားမစင်၊ ကျင်ငယ်ရည်တို့ရောနှောနေသော အမှိုက်များနှင့်မြေသားတို့ကို စုဆောင်းပါ။ ယင်းတို့ကို သိုလှောင်မည့်နေရာပေါ်တွင် ၆ လက်မ ထုခန့်ရှိ အလွှာအဖြစ် ဖြန့်ပေးပါ။ ယင်းအပေါ်မှ ထုံးမှုန့်၊ စားဖိုပြာ၊ စပါးခွံပြာများကို ပါးပါးဖြူးပေးပါ။ တီစူပါ၊ ကျောက်မှုန့်၊ လချေးမှုန့် ရရာကို နို့ဆီဗူးတစ်ဗူးခန့် ပါးပါးဖြူးထည့်နိုင်ပါက ပိုကောင်းမွန်ပါသည်။

ဤနည်းဖြင့် နွားချေးများကို နှစ်ပတ်လည် စုဆောင်းသွားနိုင်ပါသည်။ အကယ်၍ ထုထည်ကြီးလာပါက ပြိုမကျစေရန်ဘေးပတ်လည်မှ ယာယီ အကာအရံများ ပြုလုပ်ပေးပါ။ အစိုဓာတ်နှင့် အာဟာရများ ဆုံးရှုံးမှုလျော့နည်းစေရန် အပေါ်ဆုံးမှ အမှိုက် သစ်ရွက်ခြောက်၊ ထန်းရွက်ခြောက်၊ ကျူဖျာ၊ ဝါးထရံ စသည်တို့ဖြင့် လုံအောင် လုပ်ထားပေးပါ။

သုံးစွဲနည်း

တစ်ဧကလျှင် နွားလှည်း ၅-၁၀ စီးခန့်မြေပြုပြင်ချိန်တွင် ထည့်သွင်းပါ။ နွားချေး၊ မြေဆွေးထည့်ပြီးပါက ချက်ချင်းမြေဖြင့် ဖုံးအုပ်ထားပေးရန် လိုအပ်ပါသည်။ ဓာတ်မြေသြဇာများ ၁ ဆ၊ နွားချေးမြေဆွေး ၃ ဆရောနှော၍လည်း သုံးစွဲနိုင်ပါသည်။ ကောင်းစွာဆွေးမြေ့သော နွားချေးများကိုသာမြေသြဇာအဖြစ် သုံးစွဲပါ။

အာနိသင်နှင့် အကျိုးသက်ရောက်မှု

စနစ်တကျသိုလှောင်ထားသော နွားချေးဆွေးမြေသြဇာတွင်အောက်ပါ ဓာတ်ပစ္စည်းများပါဝင်ပါသည်။

အကျိုးကျေးဇူး

အပင် အဓိက အာဟာရဓာတ်စာများအပြင် သစ်ဆွေးဓာတ် ပါဝင်မှုကြောင့်မြေဆီလွှာ၏ ရုပ်ဂုဏ်သတ္တိကို ပိုမိုတိုးတက်ကောင်းမွန်စေ၍အောက်ပါအကျိုးကျေးဇူးများကို ရရှိနိုင်မည် ဖြစ်ပါသည်။

• စေးသောမြေကိုပွရွစေခြင်း။

• သဲဆန်သောမြေကိုစေးကပ်လာစေခြင်း။

• အစိုဓာတ်ထိန်းသိမ်းမှုကောင်းခြင်း။

• အပူအအေးမျှတစေခြင်း။

• အာဟာရဓာတ်များကို ကာလရှည်ကြာစွာ ထုတ်ပေးနိုင်ခြင်းတို့ဖြစ်ပါသည်။

အစိမ်းရောင်လမ်း စိုက်ပျိုးရေး အခမဲ့ ဖုန်းဆော့ဝဲလ်

ကိုးကား-မြေဆီလွှာ အကျိုးပြု သဘာဝမြေသြဇာ၊ ဇီဝမြေသြဇာ အမျိုးမျိုးပြုလုပ်သုံးစွဲနည်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...