" IMO ဘိုကာရှီမြေဆွေးပြုလုပ်နည်း "

#IMO ဘိုကာရှီမျိုးစေ့ပြုလုပ်ပုံ
(1) ရေမြောင်းမှ မြေကြီး
(2) ဝါးပင်အောက်မှ မြေကြီး
(3) ယာမြေမှ မြေကြီး
(4) လယ်ကွင်းထဲမှ မြေကြီး
(5) သစ်တောသစ်ပင်ကြီးမှ မြေကြီး
(6) ချောင်းကန် များမှ မြေကြီး
(7) ကောက်ရိုးပုံ အမှိုက်ပုံများမှ မြေကြီး
(8) နွားချေးပုံဟောင်းများမှ မြေကြီး

#ပြုလုပ်နည်း
(1) မြေနမူနာတစ်မျိုးလျှင် (၁ ကီလိုဂရမ်)စီ ရယူပါ။ ၎င်းမြေကြီးများကို ဖွဲနုနှင့်ဆတူ(သို့) (၂း၁) ရော၍ ဆန်ဆေးရေ၊ ထန်းလျက်ရေနှင့် အစိုဓာတ်ရှိရုံ ရောပြီး အစိုဓာတ် ၄၀ ရာခိုင်နူန်း ရရှိအောင် ပြုလုပ်ကာ အေးသောနေရာတွင်ထားပါ။
(2) ဒုတိယနေ့တွင် အပူများထွက်လာမည်။ ပုံးထဲမှသွန်ချပြီး လေသလပ်ခံ (အအေးခံ) ပြီးပြန်ထည့်ပါ။
(3) တတိယနေ့တွင် ပူပါက ဒုတိယနေ့ကဲ့သို့ ပြန်လုပ်ပါ။
(4) နောက်ဆုံးမျိုးမျှင်များ ထွက်လာမှ ၎င်းမြေကြီး+ဖွဲနု+ထမင်းဆုပ်တို့ကို ရောခြင်းဖြင့် လည်းကောင်း၊ လွှစာ+ဖွဲနု+နှမ်းဖတ် (3kg+3kg+2kg) နှင့်ရော၍လည်းကောင်း ရောမွှေပေးပြီး အရိပ်ထဲတွင် လေသလပ်ခံ (အခြောက်ခံပြီး) (14% ရှိလျှင်) ပလပ်စတစ်အိတ်ဖြင့် သိုလှောင်ခြင်း ရောင်းချခြင်း ပြုလုပ်နိုင်ပါသည်။ (အစိုဓာတ်တိုင်း ကိရိယာသုံးစွဲရမည်)
(5) ထန်းလျက်ရည်ကို ကျိုပြီးအသုံးပြုလျှင် ထန်းလျက် တစ်ပိသာ ရေ တစ်လီတာနှင့် ရောကျိုပြီး အအေးခံကာ အသုံးပြုရမည်။ (တင်လဲရေမရလျှင် ထန်းလျှက်ရည် အသုံးပြုနိုင်ပါသည်)

#မှတ်ချက်
ကနဦးတွင် IMO မျိုးစေ့ပြုလုပ်ရာ၌ အပူချိန် မြင့်လွန်းခြင်း (50°-60°c ထိ ရရှိနိုင်ပြီး) ထို့နောက် တဖြေးဖြေး လျော့လျော့ကျလာကာ (40°c)တွင် မှိုများပွားများပြီး အလုပ်လုပ် (သို့) အသုံးပြုနိုင်ပြီ ဖြစ်ပါသည်။

#IMOဘိုကာရှီမျိုးစေ့တွင်
(1) တေဆး (Yeast)
(2) Bacteria
(3) Mold ဟူ၍(3)မျိုး အဓိကပါဝင်သည်။
၎င်းသုံးမျိုးတွင် ရှေးဦးစွာ mold က အလုပ်လုပ်ပြီး အချိုရည် ထုပ်လုပ်ပေးသည်။ ၎င်းအချိုရည်ကို bacteria များက glucose စားသုံးကာ သက်ရှိများ၏ ဘဝစက်ဝန်း လည်ပတ်၏။ အဲ့ဒိအချိန်မှာ အပူထွက်လာပါသည်။ အပူချိန် မြင့်မားလာပြီးနောက် တဖြေးဖြေး လျော့ကျကာ နောက်ဆုံး၌ yeast (တဆေး)က အလုပ်လုပ်ပါသည်။
(4) ထို့ကြောင့် IMOဘိုကာရှီ မျိုးစေ့များသည် ဤပစ္စည်းသုံးမျိုး ပါဝင်ပတ်သက်နေပြီး နောက်ဆုံးတွင် IMO ဘိုကာရှီမြေသြဇာအမြစ်များ ပွားကာ သဘာဝမြေသြဇာများ ထုပ်လုပ်သုံးစွဲနိုင် ပါသည်။
(5) ထို့အပြင် ကောက်ရိုး (straw) ကို တစ်ဧကလျှင် ဘိုကာရှိမျိုးစေ့ပိသာ(200)ထည့်ပေးနိုင်လျှင် စပါးအထွက် (6)တင်း ပိုမိုရရှိကြောင်း လေ့လာသိရှိ ရပါသည်။
(6) ထို့ကြောင့် ကောက်ရိုး(စင်းပြီး) ထည့်သွင်း ပေးနိုင်ပါကလည်း နွားချေး မြေသြဇာ (သို့) IMO ဘိုကာရှီ မြေသြဇာ ပွားများစွာ ရရှိနိုင်ပါသည်။

#OISCA သင်တန်းကျောင်းမှ သင်ကြားသော IMO ဘိုကာရှီ မြေဆွေး ပြုလုပ်နည်းဖြစ်ပါသည်။
#ဦးထင်အောင်ရှိန် (ဖိုးရာဇာ) ရေးသားထားသော စာအုပ်မှ ပြန်လည် ကောက်နူတ်ဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...