Mango Hopper (သရက် ဖြုတ်ပိုး)

သရက်စိုက်ပျိုးရေးတွင် အဓိက ကျရောက်သော ဖျက်ပိုးတစ်မျိုး ဖြစ်သည်။ ၎င်းဖျက်ပိုးသည် သရက်ပင်များ ပန်းပွင့်ချိန်နှင့် အသီးဝင်ချိန်တွင် အများဆုံးကျရောက်သည်။ အထူးသဖြင့် ပူပြင်းသောနွေကာလတွင် ကျရောက်မှု များလေ့ရှိသည်။

သပ်ပုံသဏ္ဍာန်ရှိသော ဖြုတ်ပိုးအမသည် သရက်ရွက်အနု၏ အလယ်ကြောတွင် ဥအုလေ့ရှိသည်။ အမတစ်ကောင်လျှင် ဥ ၁၀၀ မှ ၂၀၀ ထိ ဥတတ်သည်။ ဥဘဝတွင် ၄ ရက်မှ ၁၀ရက် ကြာနေပြီး ဖြုတ်ပိုးအကောင်ငယ် (ပိုးမမည်) များပေါက်သည်။ ပိုးမမယ်ဘဝတွင် အရေခွံ ၂ ကြိမ်မှ ကြိမ်ထိ လဲ၍ အကောင်ကြီးဘဝသို့ ပြောင်းလဲလာသည်။

ဘဝစက်ဝိုင်း တစ်ပတ်လည်ရန် ၁၄-၁၉ရက်သာ ကြာသဖြင့် တစ်လတွင် သားဆက် ၂ ဆက်ထိ ပွားသည်။ ဖြုတ်ပိုးသည် စုပ်စားသော အင်းဆက်မျိုး ဖြစ်၍ သစ်ရည်များကို စုပ်စားကာ အရွက်အပွင့်အသီးတို့ကို အားနည်းပျက်စီးစေသည်။ အကောင်ငယ်ဘဝ (ပိုးမမည်) အကောင်ကြီး ဘဝ နှစ်ခုစလုံး ဖျက်ဆီးသည်။ အထူးသဖြင့် ပိုးမမည်ဘဝတွင် ပိုမို ဖျက်ဆီးအားကောင်းသည်။

သရက်ပင်၏ နုနယ်သောအရွက်၊ ပန်းခိုင်၊ အကိုင်းအနုများ၏ သစ်ရည်များကို ပြွန်ပုံနှုတ်သီးဖြင့် စုပ်ယူစားသုံးသောကြောင့် ညှိုးနွမ်း၊ တွန့်လိမ်၍ နောက်ဆုံးခြောက်သွေ့သေဆုံးကြရသည်။ ဖြုတ်ပိုး၏ သစ်ရည်စုပ်ယူမှုကြောင့် ပန်းခိုင်များ အသီး မတင်နိုင်တော့ချေ။ အသီးကင်းများတွင်လည်း ယင်းဖြုတတ်ပိုး၏ စုပ်ယူစားသုံးမှုခံရ၍ သီးကင်းများ ခြောက်သွေ့ကြွေကျကုန်သည်။ အသီးတင်မှုနည်းစေ၍ အထွက်နုူန်းကို လျော့ကျစေသည်။

ထို့ပြင် ဖြုတ်ပိုးများ၏ သွယ်ဝိုက်သော ဖျက်စီးမှု တစ်ရပ်မှာ ကြပ်ခိုးမှိုနှင့် ဖားဥမှိုရောဂါများ ထပ်ဆင့်ကျရောက်ခြင်းပင် ဖြစ်သည်။

ကာကွယ်နှိမ်နင်းခြင်း

၁။ ဖြုတ်ပိုးသည် သစ်ရည်ကို စုပ်စားသော အင်းဆက်ပိုးဖြစ်၍ ပင်လုံးပြန့်သတ္တိ ရှိသော ပိုးသတ်ဆေးများ အသုံးပြု ပက်ဖျန်းရမည်။

၂။ မိုနို ခရိုတိုဖော့ဆေး (monocrotophos) ဆေး ၂၅ စီစီ (ပရုတ်ဆီဘူးတစ်ဘူး)ကို ရေ၁၅လီတာဖြင့် ဖျော်စပ်၍ ပက်ဖျန်းပါ။

၃။ ဒီစစ်ဆေး ၆၀ စီစီ (ပရုတ်ဆီဘူးနှစ်ဘူး) ကို ရေ ၂၀ လီတာနှင့် ရောစပ်ပက်ဖျန်းပါ။

သတိပြုရန်မှာ ပိုးသတ်ဆေးများ ပက်ဖြန်းရာတွင် ပန်းမပွင့်မီအချိန်နှင့် သီးကင်းဝင်ပြီးစ အချိန်များတွင်သာ ပက်ဖြန်းရန် ဖြစ်ပါသည်။ ပန်းဖြိုင်ဖြိုင်ပွင့်ချိန်တွင် လုံးဝ ဆေးမဖြန်းသင့်ပါ။

ကိုးကား - သရက်စိုက်ပျိုးနည်း (စိုက်ပျိုးရေးဦးစီး ဌာန)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more