နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 62 အာဟာရနှင့် ကျန်းမာရေး 550 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 585 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 591

ငါးကြင်းသားပေါက် (ငါးမှုံ/ငါးသန်) ပြုစုပျိုးထောင်ခြင်း စီမံခန့်ခွဲမှု

Green Way • WorldFish • 12/09/2019

ငါးသားပေါက်ပြုစုခြင်း

ငါးကန်ငယ်များတွင် ဥမှပေါက်ပြီးစ ငါးမှုံများကို လက်ချောင်းအရွယ် (ငါးသန်) အထိ ပြုစုမွေးမြူခြင်းဖြစ်သည်။ သာမာန်အားဖြင့် ငါးသားပေါက်ပြုစုခြင်း (၂) မျိုးရှိပါသည်။

(က) ငါးကန် (၂) ကန်တွင် အဆင့် (၂) ဆင့်ခွဲခြားပြုစုခြင်း (ငါးမှုံပြုစုကန်နှင့် ငါးသန်ပြုစုကန်)

(ခ) ငါးကန်တစ်လုံးတည်းတွင် ငါးမှုံများကို ၁၀ -၁၅ ရက် ပြုစုပြီးပါက ငါးသန်ဖြစ်လာသည်။ ထိုငါးသန်များကို ကန်ရွှေ့ပြောင်းခြင်းမပြုပဲ ၎င်းကန်ထဲ၌ပင် ဆက်လက်ပြုစုခြင်း။

က။ အဆင့် (၂) ဆင့်ခွဲခြားပြုစုခြင်း

ငါးမှုံပြုစုကန်

ကန်ဧရိယာ ၀.၁၀ – ၀.၂၅ ဧက၊ ရေအနက် ၂.၅ – ၃ ပေ ရှိကန်တွင် ငါးမှုံများကို ၁၀ -၁၅ ရက် ပြုစုပြီး ၁ လက်မအရွယ် ငါးသန်များထုတ်လုပ်ခြင်းဖြစ်ပါသည်။

ငါးသန်ပြုစုကန်

ကန်ဧရိယာ ၀.၂၅ – ၁.၀ ဧက၊ ရေအနက် ၃.၀ – ၃.၅ ပေ ရှိကန်တွင် ၁ လက်မအရွယ် ငါးသန်များကို ၁.၅ – ၂ လမွေးမြူပြီး ၃ – ၃.၅ လက်မအရွယ် ငါးသားပေါက်များထုတ်လုပ်ခြင်း ဖြစ်ပါသည်။

က။ (၁) ပြုစုကန်ထိန်းသိမ်းစောင့်ရှောက်ခြင်း

ပြုစုကန် ပြင်ဆင်ခြင်း

ငါးသားပေါက်မထည့်မီ ငါးကန်ကိုအခြောက်ခံပါ။ ရွှံ့များကိုဖယ်ရှားပါ။ ကန်အောက်ခြေကို ရေပြင်ညီအောင်ညှိပါ။ကန်ဘောင်ပေါ်ရှိ ပေါင်းပင်များကိုလည်းရှင်းလင်းပါ။ ငါးကန်ကို မြေကြီးအက်ကွဲသည်အထိ ၁ – ၂ ပတ်ကြာ အခြောက်ခံပါ။ ထို့နောက်…

ထုံးဖြူးခြင်း - ငါးရိုင်းများနှင့် ရောဂါပိုးများကို ရှင်းလင်းရန် ကန်အတွင်း ရေမသွင်းမီ ၀.၀၁ ဧကလျှင် ၆၂.၅ ကျပ်သားနှုန်းထည့်ပါ။

ရေသွင်းခြင်း - ငါးရိုင်းများ၊ မြွေများ၊ ဖားများနှင့် ဂဏန်းများ မဝင်ရောက်နိုင်ရန် ရေဝင်ပေါက်တွင် ရေစစ်ဇကာ စနစ်တကျတပ်ဆင်ပြီး ရေသွင်းပါ။

ကန်ရေတွင် ထုံးထည့်ခြင်း - ကန်တွင်း ရေသွင်းပြီးပါက ၀.၀၁ ဧကလျှင် ထုံး ၁၆-၁၉ ကျပ်သားနှုန်း ထည့်ပါ။

မြေဩဇာထည့်ခြင်း - ထုံးထည့်ပြီး ၄-၅ ရက်ကြာပါက ၀.၀၁ ဧကလျှင် ယူရီးယား (သို့) ပုလဲဓာတ်မြေဩဇာ ၄.၇ ကျပ်သား၊ တီစူပါ ၉.၄ ကျပ်သားထည့်ပါ။ မြေဩဇာထည့်ပြီး ၄ ရက်ကြာထားပါ။

ငါးထည့်မည့်ကန်တွင် ဟာပါတပ်ဆင်ပြီး ငါးသန်အရွယ်သားပေါက် ၁၀ – ၁၅ ကောင်ခန့်ထည့်ပြီး ၄-၅ နာရီ စောင့်ကြည့်ခြင်းဖြင့် ရေတွင်အဆိပ်သင့်မှု ရှိ/မရှိ စစ်ဆေးပါ။

ငါးမှုံသားပေါက် စတင်ပြုစုခြင်း

၀.၀၁ ဧကလျှင် ငါးမှုံအလေးချိန် စုစုပေါင်း ၂-၃ ကျပ်သားနှုန်းထည့်ပါ။

ငါးသားပေါက်သယ်ယူခြင်း

- သန့်ရှင်းသောရေ ၁/၃ ပုံ၊ အောက်စီဂျင် ၂/၃ ပုံထည့်ထားသည့် ၂ x ၁.၅ ပေအရွယ် ပလတ်စတစ်အိတ်ဖြင့် ငါးသားပေါက် ၁၆ ကျပ်သားကိုထည့်၍ တင်းကြပ်စွာစည်းထားပြီး သယ်ယူပါက ၆-၈ နာရီကြာ သယ်ဆောင်နိုင်ပါသည်။

- မြေဩဇာထည့်ပြီး ၄ ရက်မြောက်နေ့ နံနက်ခင်းတွင် ငါးသားပေါက်များထည့်ပါ။

- ငါးသားပေါက်ထည့်ထားသည့် ပလတ်စတစ်အိတ်အတွင်းရှိရေနှင့် ငါးကန်အတွင်းရှိရေတို့၏ အပူချိန်များ မျှခြေရှိလာစေရန် ၂၅-၃၀ မိနစ်ခန့် ငါးကန်ရေတွင် ပလတ်စတစ်အိတ်ကို ဖွင့်မချပဲ မျောထားပါ။

- ပလတ်စတစ်အိတ်အတွင်းသို့ ကန်အတွင်းရှိရေကို ဖြည်းညှင်းစွာရောပေးပြီး ငါးများကို ဖြည်းညှင်းစွာလွှတ်ပါ။ ငါးများကို ပလတ်စတစ်အိတ်အပြင်သို့ ကူးခတ်၍ ထွက်သွားစေပါ။

ငါးသားပေါက်ထည့်ပြီးနောက် ဆောင်ရွက်ရန်ကိစ္စများ

- တစ်နေ့လျှင် ၂-၃ ကြိမ် အစာကျွေးပါ။

- မိုးအုံ့သည့်နေ့များတွင် အစာကျွေးခြင်း၊ မြေဩဇာထည့်ခြင်း မလုပ်ပါနှင့်။

- မနက်ခင်းတွင် ငါးသားပေါက်များ ရေပြင်ပေါ်တွင် လေရှူပါက ရေပန်းတပ်ဆင်ပါ (သို့) ရေထပ်ဖြည့်ပါ။ ထပ်ဖြည့်သည့်ရေကို ရေစစ်ဇကာဖြင့် ခံထားပါ။

ငါးကြင်းသားပေါက် ဖြည့်စွက်စာကျွေးမွေးခြင်း

ငါးစာကို တစ်နေ့အနည်းဆုံး ၂-၃ ကြိမ်ကျွေးပါ။

က။ (၂) ငါးသန်ပြုစုကန် ထိန်းသိမ်းခြင်း

ငါးကန်ပြင်ဆင်ခြင်း

ငါးမှုံကန်နှင့် ငါးသန်ကန်ပြင်ဆင်ခြင်း လုပ်ငန်းစဉ်များသည် အတူတူဖြစ်ပါသည်။ ၀.၀၁ ဧကတွင် ထည့်ရသည့် မြေဩဇာပမာဏသာ ကွာခြားပါသည်။

မြေဆွေး ၃ ပိဿာ ၇၅ ကျပ်သား - ၆ ပိဿာ ၂၅ ကျပ်သား
ယူရီးယား (ပုလဲ) ၆ -၉ ကျပ်သား
တီအက်စီ (တီစူပါ) ၆ -၉ ကျပ်သား
ပဲဖတ်/ နှမ်းဖတ် ၁၉ – ၃၁ ကျပ်သား

၀.၀၁ ဧကတွင် ပြုစုရမည့် ငါးသန်/ ငါးသားပေါက်ကောင်ရေ

ငါးမှုံပြုစုကန်မှ ငါးသန်/ ငါးသားပေါက်များကို ဖမ်းဆီးပြီး ငါးသန်ကန်အတွင်းသို့ နံနက်ခင်းတွင် ပြောင်းထည့်ပါ။

၁၅၀၀ - ၂၀၀၀ (တစ်လက်မအရွယ်)
၈၀၀ – ၁၀၀၀ (တစ်လက်မအထက်)

ငါးသားပေါက်များကို ပြုစုကန်ပတ်ဝန်းကျင်တွင် နေသားကျစေခြင်း

ငါးမှုံ ၁၀ -၁၅ ရက် ပြုစုပြီးပါက ငါးသန်ငယ်များ ရရှိနိုင်ပါသည်။ ထိုငါးသားပေါက်များကို ငါးသန်ကန်သို့ ရွှေ့ပြောင်းရာတွင် ပိုက်ဆွဲဖမ်းဆီးခြင်းနှင့် နေရာသစ်သို့ရွှေ့ပြောင်းခြင်းကြောင့် ဒဏ်သင့်ခြင်းမဖြစ်စေရန် ၂-၃ ရက်ခန့် ကြိုတင်လေ့ကျင့်ပေးရမည်။ ငါးငယ်များကို ခြင်ထောင်ဇာ (သို့) ဇာပြာပိုက်ဖြင့်ဖမ်းပြီး ပိုက်အတွင်း၌ မိနစ် ၂၀–၃၀ ခန့် လှောင်ထားရမည်။ ထို့နောက် ရေမျက်နှာပြင်ကို လှုပ်ရှားပက်ဖျန်းပေးပြီး ငါးများကို ပြန်လွှတ်ပေးရမည်။ ဤအတိုင်း ၃ ရက်ခန့် ဆက်တိုက်လုပ်ပေးပြီးမှ ငါးများကို ကန်ရွှေ့ပြောင်းရမည်။

ငါးကြင်းမျိုးများအတွက် ဖြည့်စွက်အစာကျွေးခြင်း

မှတ်ချက် - ငါးကန်တွင် သဘာဝအစာပေါများနေပါက ဖြည့်စွက်အစာကို လျော့၍ ကျွေးနိုင်သည်။

ငါးသားပေါက်ပြုစုထားစဉ် မြေဩဇာထည့်ခြင်း (အပတ်စဉ် ၀.၀၁ ဧကအတွက်)

မြေဆွေး ၃၁-၆၂.၅ ကျပ်သား
ယူရီးယား (ပုလဲ) ၆-၉ ကျပ်သား
တီအက်စ်ပီ (တီစူပါ) ၆-၉ ကျပ်သား

ငါးသားပေါက်များ ကန်အသစ်တွင် နေသားကျပြီး ပိုမိုသန်စွမ်းလာစေခြင်း

ပဲဖတ်/ နှမ်းဖတ် - နေ့စဉ် ၀.၀၁ ဧကလျှင် ၁၃-၁၉ ကျပ်သားကျွေးပေးပါ။

ငါးသားပေါက်မရောင်းချမီ ၂-၃ ရက် ကြိုတင်ဆောင်ရွက်ထားရန်

- နေ့စဉ် ငါးသားပေါက်များကို ပိုက်ဖြင့်ဖမ်းပြီး ၂၀-၃၀ မိနစ်ကြာ ငါးဖမ်းပိုက်အတွင်း လှောင်ထားပြီး ကန်ရေဖြင့် ပက်ဖျန်းပါ။ ပြီးလျှင် ကန်တွင်းသို့ ပြန်လွှတ်ပါ။

- သားပေါက်များကိုတင်ပို့ရန် ထုပ်ပိုးခြင်းမပြုမီ ၂၄ နာရီ ကြိုတင်အစာဖြတ်ထားပါ။

- ငါးသားပေါက်များကို အရွယ်အစားခွဲခြားထားပြီး ရောင်းချသင့်သောငါးကို ရွေးချယ်ပါ။

- ရောင်းချမည့်ငါးများကို ခွဲခြားပြီး ဟာပါတွင် ၄-၅ နာရီခန့် လှောင်ထားခြင်းဖြင့် ဝမ်းဗိုက်တွင်းရှိအစာဟောင်းများကို စွန့်ထုတ်ရန် အချိန်ပေးပါ။ ဤသို့ဖြင့် သယ်ယူပို့ဆောင်သောရေကို ပိုမိုသန့်ရှင်းမှု ရှိစေမည်ဖြစ်သည်။

မှတ်ချက် - ခရီးဝေးသယ်ဆောင်ပါက ငါးလှောင်ထားသောကန်တွင် ၀.၀၁ ဧကလျှင် ၉ ကျပ်သားနှုန်းဖြင့် ထုံးထည့်ပေးပါ။

ငါးသားပေါက်ဖမ်းဆီးခြင်းနှင့် ရောင်းချခြင်း

ငါးသားပေါက်များကို နူးညံ့သောပိုက်စိပ် (သို့) ဒိုင်းကွင်းဖြင့် ဖမ်းယူခြင်းဖြင့် ထိခိုက်ဒဏ်ရာ မရှိနိုင်ပါ။ ထုပ်ပိုးခြင်းမပြုမီ ငါးသားပေါက်များကို ရေတစ်လီတာတွင် ဆား ၀.၂ ကျပ်သားပါသော ဖျော်ရည်၌ ၁ မိနစ်စိမ်ပေးခြင်းဖြင့် ပိုးသတ်ပါ။

ခ။ အဆင့်တစ်ခုတည်းဖြင့် ငါးသားပေါက်ပြုစုခြင်း

၎င်းနည်းသည် ငါးကန်တစ်လုံးတည်းတွင် ငါးမှုံပြုစုပြီးပါက ငါးသန် ဆက်လက်ပြုစုသည်။ ကန်ပြုပြင်ခြင်း၊ ဖြည့်စွက်စာကျွေးမွေးခြင်းသည် အဆင့် (၂) ဆင့်တွင် ဆောင်ရွက်သည့်အတိုင်းဖြစ်သည်။

ဤနည်းတွင် ငါးမှုံ ၁၀- ၁၅ ရက် ပြုစုပြီး ငါးသန်ကန်သို့ ရွှေ့ပြောင်းခြင်း မပြုလုပ်ပါ။ (၁) ဆင့်နည်းသည် (၂) ဆင့်နည်းနှင့် နှိုင်းယှဉ်ပါက ရှင်သန်နှုန်းနှင့် ထုတ်လုပ်မှုများမှာ နည်းပါသည်။

ယခုဆောင်းပါးအား INLAND MYSAP မှ ပူးပေါင်းပါဝင်ပံ့ပိုးပေးထားပါသည်။

ဆက်စပ်ဆောင်းပါးများ

မွေးမြူရေး ဆောင်းပါးများ

ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ

နှင်းဖြူဖြူ

မွေးမြူရေး ဆောင်းပါးများ

မြန်မာနိုင်ငံတွင်းရှိ အင်းချောင်းလုပ်ငန်းများအကြောင်း

ကိုမောင်မောင်(သုဝဏ္ဏ)

မွေးမြူရေး ဆောင်းပါးများ

လူ့အမြင်..နွားအမြင်

သက်ခိုင်

နည်းပညာမိတ်ဖက်အဖွဲ့

WorldFish

WorldFish သည် သုတေသနလုပ်ငန်းအဖွဲ့အစည်းနှင့် သိပ္ပံဌာန (၁၅) ခု ပူးပေါင်းဖွဲ့စည်းထားသော “ နိုင်ငံတကာ စိုက်ပျိုးရေးနှင့် မွေးမြူရေး သုတေသနာ အတိုင်ပင်ခံ ပညာရှင်အဖွဲ့ - Consultancy Group for international Agricultural Research- CGIAR” တွင် အဖွဲ့ဝင်ဖြစ်ပါ ကြောင်း၊ CGIAR ၏ အဓိကဝန်ဆောင်မှုမှာ ရည်မှန်းချက်မှာ (၁) ကျေးလက်ဆင်းရဲနွမ်းပါးမှုလျော့နည်းရေး၊ (၂) ရိက္ခာဖူလုံမှုတိုးတက်ရေး (၃) ကျမ်းမာရေးနှင့် အာဟာရပြည့်ဝစွာဖြည့်ဆည်းရရှိရေး (၄) သဘာဝသယံဇာတများကို ရေရှည်သုံးစွဲနိုင်ရန် ထိန်းသိမ်းစောင့်ရှောက်ရေး စသည်တို့ ဖြစ်ပါသည်။ WorldFish ၏ သီးသန့်ဝန်ဆောင်မှု ရည်မှန်းချက်မှာ ဆင်းရဲနွမ်းပါးမှုနှင့် ဆာလောင်မွတ်သိပ်မှု လျော့နည်းစေရန် ငါးမွေးမြူခြင်း၊ ငါးလုပ်ငန်းဆောင်ရွက်ခြင်း၊ နည်းလမ်းများဖြင့် ဖော်ဆောင်သွားရန်ဖြစ်သည့်အတွက် ယခုအခါ ငါးမွေးမြူသူတောင်သူများ လေ့လာနိုင်ရန် Green Way - အစိမ်းရောင်လမ်း စိုက်/မွေး ဖုန်းဆော့ဝဲလ် နှင့် ပူးပေါင်းကာ မွေးမြူရေးနည်းပညာများ ဖော်ပြပေးလျက်ရှိသည်။

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 1 ခု

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 2 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 2 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ