အစိမ်းရောင်လမ်း
Greenovator
ဂန့်ဂေါမြို့နယ်အတွင်း စိုက်ပျိုးရေးဆိုင်ရာအလေ့အကျင့်ကောင်းများ GAPစနစ်ဖြင့် စိုက်ပျိုးထားသော မိုးနှမ်းစိုက်ခင်းများတွင် နှမ်းရိုးမည်းအပါအဝင် မှိုရောဂါများကို ကာကွယ်နှိမ်နင်းနိုင်ရန် ထရိုင်ကိုဒါးမားအကျိုးပြုအဏုဇီဝမှိုကို စမ်းသပ်အသုံးပြုသွားမည် ဖြစ်ကြောင်း၊ အကျိုးပြုအဏုဇီဝမှို ထရိုင်ကိုဒါးမားမှိုကို နွားချေး၊ ဖွဲနုတို့ဖြင့်ရောနှော၍ ပွားများခြင်းကို ဇူလိုင်လ ၂ရက်နေ့က နှမ်းခါးကျေးရွာ၊ တောင်ယာပြင်ကျေးရွာနှင့် ရေရှင်မကျေးရွာတို့တွင် ဆောင်ရွက်ခဲ့ပြီး နောက်တစ်ပါတ်ကြာလျှင် ယခုပွားများထားသည့် ထရိုင်ကိုဒါးမား မြေဆွေးများအား နှမ်းပင်တန်းများကြား မြေကြီးထဲသို့ ထည့်သွင်းအသုံးပြုသွားမည် ဖြစ်ကြောင်း မြို့နယ်စိုက်ပျိုးရေးဦးစီးဌာနမှ သိရှိရသည်။
ဂန့်ဂေါမြို့နယ်အတွင်း နှမ်းနက်သီးနှံ ၁၇၂၀ ဧက ကို ကျေးရွာအုပ်စု ၂၁အုပ်စုတွင် စိုက်ပျိုးရေးဆိုင်ရာအလေ့အကျင့်ကောင်းများ GAPစနစ်နှင့်အညီ စိုက်ပျိုးဆောင်ရွက်ရာ မြောက်ခင်ရန်းရွာ၊ နှမ်းခါးရွာ၊ ရေရှင်မရွာ၊ တောင်ယာပြင်ရွာနှင့် မြောက်ကုန်းရပ်ကွက် တို့ရှိ မိုးနှမ်းGAPစံပြကွက်များတွင် ထရိုင်ကိုဒါးမားမှိုကို စမ်းသပ်အသုံးပြုသွားမည်ဖြစ်သည်။ ထရိုင်ကိုဒါးမားမှို၏ နှမ်းရိုးမည်းအပါအဝင် မှိုရောဂာများအား ကာကွယ်နှိမ်နင်းနိုင်စွမ်းအပေါ် တောင်သူများ လက်တွေ့သိမြင်ပြီး ထရိုင်ကိုဒားမားမှို ကို တောင်သူများ အကျွမ်းတဝင်သုံးစွဲလာစေရန် စမ်းသပ်စံပြကွက်များအဖြစ် ဆောင်ရွက်ပြသခြင်းဖြစ်ကြောင်းသိရသည်။
စိုက်ပျိုးရေးဦးစီးဌာန
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}