ဈေးကွက် ဦးမော့လာသည့် သကြား၊ ပြောင်း၊ နှမ်း

အယ်နီညိုရာသီဥတုကို ရင်ဆိုင်ရန် ပြင်ဆင်နေသည့် အာဆီယံ နိုင်ငံအချို့၏ ဝယ်လိုအား ကမ်းလှမ်းချက်များကြောင့် မြန်မာနိုင်ငံ၏ စိုက်ပျိုးရေး ထုတ်ကုန်များဖြစ်သော သကြား ၊ ပြောင်း ၊နှမ်း ဈေးကွက် ပြန်လည်ဦးမော့လာပါတယ်။

ဗီယက်နမ်နိုင်ငံ၏ သွင်းကုန်အခွန်သက်သာခွင့်ကြောင့် တင်ပို့ရောင်းချရေး တိုးမြှင့်မည့် သကြား၊
ထိုင်း၊ တရုတ်၊ ဗီယကိနမ်နိုင်ငံတို့နှင့် နားလည်မှုစာချွန်လွှာ ရေးထိုးနိုင်ခဲ့သော ပြောင်း
တရုတ်နိုင်ငံမှဝယ်လိုအားရှိနေသောနှမ်းတို့က လက်တလော ပြည်တွင်းဈေးကွက်မှာ ဈေးအတက်ဘက်ကို ဦးတည်နေပါတယ်။

သကြားဈေးကွက်

နိုင်ငံတကာဈေးကွက်တွင် သကြားဈေးမြင့်တက်ချိန် နိုင်ငံအတွင်း သကြားလက်ကျန်နည်းနေခြင်းကြောင့် ပြည်တွင်း သကြားဈေးနှုန်းပါအနည်းငယ် လိုက်ပါမြင့်တက်လာပါတယ်။
ထိုကြောင့် ရန်ကုန်ဈေးကွက်မှာ သကြားတစ်ပိဿာကို ၃၈၇၀ ကျပ်မှ ၃၉၀၀ ကျပ်ဈေးပေါက်လာနေပြီး လက်လီဈေးကွက်မှာ ၅၀၀၀ ကျပ်အထိ ရှိနေပါတယ်။
မြန်မာ့သကြားကို ဝယ်ယူဖို့ ဗီယက်နမ်နိုင်ငံက ကုမ္ပဏီတွေက ထပ်မံကမ်းလှမ်းတာတွေရှိလာလို့ ဒီနှစ်မှာ ပြည်ပကို သကြားတင်ပို့မှုအပိုင်း အရင်နှစ်ကထက်ပိုတိုးပြီး ပို့ဆောင်ဖို့ မျှော်မှန်းထားပါတယ်။
ပြည်ပကို သကြားတင်ပို့မှု မြင့်တက်လာမှုနဲ့အတူ မြန်မာ့သကြားဈေးကလည်း အများကြီးကျဆင်းနိုင်ဖွယ်မရှိသလို ထပ်မံမြင့်တက်လာနိုင်ဖွယ်လည်းမရှိကြောင်း ၊ ပြည်ပတင်ပို့ရာမှာလည်း ပြည်တွင်းစားသုံးမှုဖူလုံပြီး ပိုလျှံသည့် ပမာဏကိုသာတင်ပို့တာဖြစ်လို့ ပြည်တွင်း လိုအက်ချက်လည်းပြည်မီမှာ ဖြစ်တယ်လို့သိရပါတယ်။
မြန်မာ့သကြားဈေးကွက်ဟာ ကမ္ဘာ့သကြားဈေးအတက်အကျနဲ့ ပြည်တွင်း သကြားလက်ကျန်အနည်းအများအပေါ်မူတည်ပြီးသာ ဈေးနူန်း အပြောင်းအလဲရှိနေတာဖြစ်ပါတယ်။

ပြောင်းဆံဈေးကွက်

မြန်မာ့ပြောင်းဆံဈေးနူန်းက ပို့ကုန်ရငွေ ၃၅ ရာခိုင်နူန်းကိုသာ ဗဟိုဘဏ်သတ်မှတ်ငွေလဲနူန်း ၂၁၀၀ ရာနဲ့ လဲလှယ်ဖို့ ဖြေလျှော့မှုအပြီးမှာ ဈေးပြန်တက်လာပါတယ်။
ထိုကြောင့်အရင်က ပြောင်းဆံတစ်ပိဿာကို ၁၀၅၀ မှ ၁၀၇၀ ဈေးတန်းရှိရာကနေ လက်ရှိရန်ကုန်ဘုရင့်နောင်ဈေးကွက်မှာ ပြောင်းဆံတစ်ပိဿာကို ၁၁၀၀ မှ ၁၁၂၀ ကျပ် ဈေးပေါက်လာပြီး ဈေးတက်လာတာဖြစ်ပါတယ်။
ဗဟိုဘဏ်ဖြေလျှော့မှုအပြီးမှာ မြန်မာနိုင်ငံပြောင်းလုပ်ငန်းရှင်တွေအသင်းနဲ့ ဗီယက်နမ်၊ ထိုင်း၊ တရုတ်က ကုမ္ပဏီ ၇ ခုအကြား ပြောင်းတန်ချိန် ၇ သိန်းတင်ပို့ဖို့လည်း MOU ရေးထိုးခဲ့ပါတယ်။
နှစ်စဉ်ပြောင်းဈေးကွက်အခြေအနေအရ ဒီဇင်ဘာလကုန်နှစ်ဆန်းပိုင်းအချိန်ဟာ ပြောင်းဈေးကွက် လှုပ်ခတ်လေ့ရှိတာကြောင့် မကြာခင် ပြောင်းဈေးကွက်က ထပ်ပြီးတက်လာနိုင်တယ်လို့ ပြောင်းကုန်သည်တွေကသုံးသပ်ပါတယ်။
ဗဟိုဘဏ်ကသာ ပို့ကုန်ရငွေအပေါ် ၃၅ % ၆၅ % စနစ်ကိုသာ ပယ်ဖျက်ပြီး လွတ်လပ်စွာ ရောင်းဝယ်ခွင့်ပြုလျှင် ပြောင်းဆံဈေးကွက်ကို ပိုပြီးတက်လာနိုင်သလို ထိုင်းကို ပြောင်းတင်ပို့မယ့် အခွန်ကင်းလွတ်ခွင့်ကာလဖြစ်တဲ့ ဖေဖော်ဝါရီမှာ မြဝတီ လမ်းကြောင်းပြန်ပွင့်ပြီး နယ်စပ်လမ်းကြောင်းကနေ တင်ပို့နိုင်မယ်ဆိုရင် ပြောင်းဈေးက အမြင့်ဆုံးကို ပြန်ရောက်လာနိုင်မယ်လို့ သုံးသပ်ကြပါတယ်။
နယ်စပ်လမ်းကြောင်းကသာ တင်ပို့ခွင့်မရရှိပါက ပင်လယ်ရေကြောင်းတစ်ခုတည်းကပဲ တင်ပို့နိုင်မှာဖြစ်လို့ ပြောင်းဈေးကွက်က စောင့်ကြည်ရမယ့်အခြေအနေဖြစ်တယ်လို့သိရပါတယ်။ ရှမ်းပြည်နယ် တောင်ပိုင်းမှာတော့ ပြောင်းဆံတစ်ပိဿာကို ၉၀၀ ကျော်၊ ရှမ်းမြောက် မှာတော့တစ်ပိဿာကို ၇၀၀ ကျော်သာဈေးပေါက်နေတယ်လို့ သိရပါတယ်။

နှမ်းဈေးကွက်

ပြည်တွင်းနှမ်းမျိုးစုံဈေးကွက်မှာ နှမ်းနက်စမုံနက်၊ နှမ်းဖြူရိုးရိုးနဲ့ နှမ်းညိုက ဈေးတက်လာပြီး နှမ်းဖြူ ဂျပန်ကတော့ ဈေးတန်းငြိမ်နေတယ်လို့ ကုန်စည်ဒိုင်တွေကသိရ တယ်။
နှမ်းဖြူကိုလည်း တရုတ်က အခွံချွတ်လုပ်ကိုင်သူတွေက ဝယ်ယူမှုရှိတာကြောင့် ဈေးတန်းကထပ်တက်လာတာဖြစ်တယ်လို့ ကုန်သည်အချို့ကပြောပါတယ်။
နှမ်းနက်စမုံကို တရုတ်ဝယ်လက်တွေက ဝယ်ယူရှိပေမယ့် လတ်တလောမှာ အရည်အသွေး၊ အရောင်၊ အက်ဆစ်လွတ်တဲ့နှမ်းကိုသာ ရွေးချယ်ပြီး ဝယ်ယူနေတဲ့အပြင် ဈေးချဝယ်ယူလာတာကြောင့် ဈေးပြန်ကျလာတာဖြစ်ပါ တယ်။
မန္တလေးဈေးကွက်မှာ နှမ်းစမုံနက် ၄၅ ပိဿာ တစ်အိတ်ကို ၃၆၅၀၀၀ ကျပ်၊ နှမ်းဖြူရိုးရိုးကတော့ ၄၅ ပိဿာ တစ်အိတ်ကို ၃၄၀၀၀၀ ကျပ် ၊ နှမ်းညိုက ၂၈၀၀၀၀ ကျပ် ဈေးဖြစ်လာလို့ တစ်အိတ်ကို ၅၀၀၀ ကျပ်စီပြန်တက်လာတာဖြစ်ပါတယ်။ နှမ်းဖြူဂျပန်ကတော့ တစ်အိတ်ကို ၃၆၀၀၀၀ မှ ၃၆၅၀၀၀ ကျပ်နဲ့ အရင်ဈေးတန်းမှာပဲ ငြိမ်နေပါတယ်။
နှမ်းကို တရုတ်ဘက်ကိုတင်ပို့မှုအနေနဲ့ တာချီလိတ်ကနေတဆင့် တရုတ်ဘက်ကို နယ်စပ်လမ်းကြောင်းကနေသာ တင်ပို့နေကြတာဖြစ်တယ်လို့သိရပါတယ်။
လက်ရှိမှာ မိုးနှမ်းအသစ်တွေက အညာဘက်ကနေသာ ဝင်ရောက်မှုရှိနေတာဖြစ်ပြီး လမ်းပန်းဆက်သွယ်ရေး အခြေအနေတွေကြောင့် မန္တလေးဈေးကွက်ကို ဝင်ရောက်မှုနည်းနေတဲ့အတွက် ဈေးတန်းကတက်မယ့် အလားအလာရှိတယ်လို့ ကုန်သည်တွေက ခန့်မှန်းထားကြပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...