အစေ့မှကန်ဇွန်းစိုက်ပျိုးနည်း

အစေ့မှကန်ဇွန်းစိုက်ပျိုးနည်း

၁။စိုက်ပျိုးဒေသ

အောက်မြန်မာနိုင်ငံဒေသအနှံ့အပြားတွင်စိုက်ပျိုးနိုင်ပါသည်။

၂။စိုက်ပျိုးခြင်း

(၁)မြေပြုပြင်ခြင်း

ထယ်(၂)စပ်ထိုးပြီး၊ ထွန်(၆-၈)စပ်မွှေပါ။ ရေသိုလှောင်ထိန်းနိုင်သောမြေဖြစ်လျှင် ကန်ဇွန်းစိုက်ရန် သင့်တော်ပါသည်။ တောင်ပေါ်ဒေသ၌ဆောင်းတွင်းစိုက်ရန် မဖြစ်နိုင်ပါ။ ထွန်ရေးညက်လျှင် ကန်းသင်းဖော်၍ အကွက်ဖေါ်ပါ။ ထို့နောက် ရေသွင်းပြီး ဆက်၍ထွန်မွှေပါ။ အခင်းသစ်တွင်မြေပြင်ချိန်၌နွားချေး(၁၀-၁၅)စီး ထည့်သွင်းပြီးမြေကြီးကို မစိုက်ခင် နှပ်ထားသင့်ပါသည်။

(၂)စိုက်ပျိုးခြင်း

မြေကိုထွန်ယက်ပြီး ၃ပေအကျယ်၊ အရှည်သင့်တင့်စွာထား၍ ၄လက်မအမြင့်ဘောင်များပြုလုပ်ပါ။ ဘောင်ပေါ်တွင် အစေ့များကိုပင်ကြား၊ တန်းကြား(၄x၆)လက်မထား၍ တစ်ကျင်းလျှင် မျိုးစေ့(၂-၃)စေ့ခန့်ကို လက်မဝက် အနက်မြုပ်၍ စိုက်ပါ။ ကျင်းများကိုမြေဖြင့်ဖုံး၍ကောက်ရိုးသို့မဟုတ်စပါးခွံ၂လက်မခန့် ထူထူဖုံးပေးပါ။ နှစ်ရက်၊ သုံးရက်အတွင်း အပင်များပေါက်လာပြီး (၃-၄)ပတ်သားတွင် အပင်ရင်းမှဖြတ်၍ စားသုံးရောင်း ချနိုင်သည်။ အပင်များဖြတ်ပြီးနွားချေး၊ မြေဆွေးစသည်တို့ ထည့်ပေးလျှင်နောက်ထပ်(၇-၁၀)ရက်အတွင်း ထပ်မံခူး ယူ နိုင် သည်။ ကန်ဇွန်းရွက်ကို(၃-၄)ကြိမ်မျှ ဆွတ်ခူးပြီးလျှင်နောက်ထပ်အသစ်ပြန်စိုက်နိုင်သည်။ အရွယ်အစား(၃x၂၀)ပေ၊ ဘောင်တစ်ဘောင်အတွက် မျိုးစေ့ နို့ဆီဘူးတစ်ဘူး လိုအပ်သည်။

(၃)အပင်ပြုစုစောင့်ရှောက်ခြင်း

အပင်ချစိုက်ပြီး(၁)လအတွင်းပေါင်းမြက်ပေါက်ပါက ရှင်းပေးရပါမည်။ လိုအပ်ပါက အပင်ကြီးထွားမှုအတွက် သင့်လျော်သော ရွက်ဖျန်းအားဆေးကို ပက်ဖျန်းပေးနိုင်ပါသည်။ သို့မဟုတ် ပုလဲဓါတ်မြေဩဇာ စတီးဇွန်း(၂)ဇွန်းခန့်ကို ရေ(၄)ဂါလံပုံး တစ်ပုံးတွင်ဖျော်၍ လောင်းပေးနိုင်ပါသည်။ကန်စွန်းသည်ရေကြိုက်သော သီးနှံဖြစ်သဖြင့်ရေမပြတ်ရန် အရေးကြီးပါသည်။

(၄)မြေဩဇာကျွေးခြင်း

(၂၀x၃)ပေစိုက်ဘောင်တစ်ဘောင်လျှင်-

- မြေပြုပြင်ချိန်တွင်နွားချေးတစ်တင်း

- မစိုက်မီ(၁-၂)ရက်အလိုတွင် ပုလဲဓါတ်မြေဩဇာနို့ဆီဗူး၁/၂ဗူး၊ တီစူပါဓါတ်မြေဩဇာနို့ဆီဗူး၁/၂ ဗူးနှင့်ပို တက် ရှ် ဓါတ်မြေဩဇာနို့ဆီဗူး၁/၂ဗူး

- စိုက်ပျိုးပြီးတစ်လအကြာတွင်ပုလဲဓါတ်မြေဩဇာနို့ဆီဗူး၁/၂ဗူး

၃။ ရိတ်သိမ်းခြင်း

စိုက်ပြီး(၂-၃)ရက်အတွင်း အပင်ပေါက်လာပြီး(၃-၄)ပတ်သားတွင်အပင်ရင်းမှ(၁-၂)လက်မချန်၍ စတင်ဖြတ်နိုင်ပါ သည်။ အပင်များဖြတ်ပြီး နွားချေး ၊မြေဆွေးစသည်တို့ ထည့်ပေးလျှင် နောက်ထပ်(၇-၁၀)ရက်အတွင်းထပ်မံခူးယူ နိုင်ပါသည်။ ကန်ဇွန်းရွက်ကို (၃-၄)ကြိမ်မျှဆွတ်ခူးပြီးလျှင် နောက်ထပ်အသစ် ပြန်စိုက်နိုင်ပါသည်။

၄။မျိုးစေ့ထုတ်လုပ်ခြင်း

ကန်ဇွန်းကိုအသီးများရင့်မည့်လာသည်အထိထားပြီး ကောင်းစွာခြောက်သွေ့သောအခါ မျိုးစေ့ထုတ်ယူနိုင်ပါသည်။ သို့ရာတွင် အသုံးပြုသော ကန်ဇွန်းမျိုးစေ့များသည်ဒေသမျိုး မဟုတ်ပါက မျိုးစေ့မထုတ်ယူနိုင်ပါ။

Greenway

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...