IOD အပေါင်းလက္ခဏာကူးပြောင်းနေလို့ မိုးနှောင်းမိုးကောင်းနိုင်

လက်ရှိရာသီဥတုအခြေအနေက ENSO(El Niño–Southern Oscillation)က အယ်လ်နီညိုမဟုတ် လာနီညာမဟုတ် - ကြားနေ(NEUTRAL)ဖြစ်လာပြီး IOD+ (Indian Ocean Dipole)က အပေါင်းလက္ခဏာဘက်ကို ကူးနေပါတယ်။

ဆိုလိုချင်တာက အယ်လ်နီညိုသက်ရောက်မှုက ပြီးဆုံးခဲ့ပြီး ကြားနေကာလ(NEUTRAL)အတွင်းမှာ ရာသီဥတုက ပုံမှန်အခြေအနေပြန်ဖြစ်လာနေချိန် IOD POSITIVE က အစပျိုးနေတာဖြစ်ပါတယ်။ INDIAN OCEAN DIPOLE(IOD)ဟုခေါ်သည့် ဖြစ်စဉ်ကို Indian Niño "အိန္ဒိယနီညို" ဟုလည်းခေါ်ကြသည်။ ယေဘုယျအားဖြင့် အိန္ဒိယသမုဒ္ဒရာ အနောက်ခြမ်းနှင့် အရှေ့ခြမ်းပင်လယ်ရေမျက်နှာပြင်များတွင် ပုံမှန်မဟုတ်သည့် အပူချိန်ပြောင်းလဲမှုများ ဖြစ်ပေါ်လာခြင်းကြောင့် IOD ဖြစ်စဉ်ဖြစ်ပေါ်လာပြီး ဤဖြစ်စဉ်တွင် အခြေအနေ ၃ မျိုးခွဲခြားတွေ့ရသည်။

IOD အခြေအနေသည် NEUTRAL(ပုံမှန် သို့မဟုတ် ကြားနေအခြေအနေ)၊ Positive(အပြုသဘောဆောင်သည့်အခြေအနေ) နှင့် Negative(အပျက်သဘောဆောင်သည့်အခြေအနေ)ဟူ၍ ၃ မျိုး သတ်မှတ်နိုင်သည်။

IOD Negative(အပျက်သဘောဆောင်သည့်အခြေအနေ)တွင် အိန္ဒိယသမုဒ္ဒရာ အနောက်ဘက်ပင်လယ်များမှ ပင်လယ်ရေအပူချိန်မြင့်တက်လာပြီး ရေခိုးရေငွေ့များစွာပါဝင်သည့် အနောက်လေစီးကြောင်းက ဩစတေးလျတိုက်အနောက်မြောက်ခြမ်း Timor ပင်လယ်အထိရောက်အောင်တိုက်ခတ်လာသည်။ ထိုလေစီးကြောင်းနှင့်ပါလာသည့် ရေခိုးရေငွေ့များကြောင့် ဩစတေးလျတိုက်ပေါ်သို့ ရွာသွန်းသည့်သည့် မိုးရေချိန်ပိုမိုလာပြီး အိန္ဒိယသမုဒ္ဒရာမြောက်ဘက်ခြမ်းတွင် မိုးရွာသွန်းမှုလျော့ကျသွားသည်။

ဆန့်ကျင်ဘက်အားဖြင့် IOD Positive(အပြုသဘောဆောင်သည့်အခြေအနေ)တွင် ပင်လယ်ရေမျက်နှာပြင်အပူချိန် သည်လျော့ကျနေပြီး အရှေ့ဘက်မှတိုက်ခတ်လာသည့်လေစီးကြောင်းနှင့်အတူပါလာသည့် ရေခိုးရေငွေ့များကြောင့် အိန္ဒိယသမုဒ္ဒရာမြောက်ခြမ်းပင်လယ်များ(အာရေဗျပင်လယ်၊ ဘင်္ဂလားပင်လယ်၊ ကပ္ပလီပင်လယ်)နှင့်ထိစပ်လျှက်ရှိသည့်နိုင်ငံများတွင် မိုးရွာသွန်းမှုပိုမိုလာကာ ဩစတေးလျတိုက်သို့ မိုးရွာသွန်းမှုလျော့နည်းသွားလေသည်။ ဤအခြေအနေတွင် အာဖရိကတိုက်အရှေ့ခြမ်း၌ မိုးသည်ထန်ခြင်းရေကြီး၊ ရေလွှမ်မိုးခြေင်းများကို ဖြစ်စေသည်။

IOD Positive အခြေအနေသည် အနောက်တောင်မုတ်သုံလေအားကောင်းစေရန်လည်း တွန်းအားပေးသဖြင့် IOD Positive ကာလအတွင်း မုတ်သုံအားကောင်းနေတတ်သည်။

"IOD Positive အခြေအနေသည် အနောက်တောင်မုတ်သုံလေအားကောင်းစေရန်လည်းတွန်းအားပေးသဖြင့် IOD Positive ကာလအတွင်း မုတ်သုံအားကောင်းနေတတ်သည်။" လို့ ရှင်းပြထားတာလဲ တွေ့ရပါမယ်။ ပြီးခဲ့တဲ့အယ်လ်နီညိုကြောင့် ကျနော်တို့နိုင်ငံမှာ ပူပြင်းခြောက်သွေ့နေခဲ့တာပါ။ ဒီအခြေအနေဆိုးကြီး လျော့ပါးသွားအောင် မုတ်သုံကိုအားကောင်းစေနိုင်တဲ့ IOD Positive က လာမဲ့မုတ်သုံကာလမှာ မိုးလယ်ကာလအတွက် မိုးရွာသွန်းအောင်အထောက်အကူပေးလာနိုင်ပါလိမ့်မယ်။ ပြီးရင်တော့ မိုးနှောင်းရာသီ(စက်တင်ဘာလဆန်းအတွင်း)ဖြစ်လာမဲ့ လာနီညာနဲ့ ဆက်သွားပြီး မိုးနှောင်းကောင်းနိုင်မဲ့ အခြေအနေတွေ ဆက်လက်ဖြစ်ပေါ်နိုင်စေမယ်လို့" ကြိုတင်ခန့်မှန်းချက်များရှိခဲ့ပြီးလည်း ဖြစ်ပါတယ်။

ကမ္ဘာကြီးပူနွေးလာပြီး ရာသီဥတုတွေမမှန်တော့တာကို ရွှေစိတ်တော်ညိုငြင်နေတဲ့ မိုးနတ်မင်းကြီးက ဝမ်းနှုတ်ဆေးကျွေးလိုက်၊ အားဆေးကျွေးလိုက်လုပ်နေတာ ခံနေရတာပေါ့ဗျာ။ ကွီးယားတွေလိုအားလုံးအတွက်ဆက်ပြောရရင် .. ဖိုက်တင်း !! ပေါ့။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ