ခရမ်းချဉ် ပင်ညိုးရောဂါ

11/01/2018 16:36 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ခရမ်းချဉ် ဘက်တီးရီးယား ပင်ညှိုးရောဂါကို အင်္ဂလိပ်အမည် Bacterial wilt ဟု ခေါ်ဆိုကြပါသည်။ Ralstonia solanacearum ဟုခေါ်သော ဘက်တီးရီးယားကြောင့် ဖြစ်ပွားပါသည်။

ရောဂါလက္ခဏာ

ရောဂါရအပင်၏ ထိပ်ပိုင်းရွက်နုများသည် အဝါရောင်ပြောင်းလဲခြင်းမရှိဘဲ စတင်ညှိုးလာသည်။ နောက်(၂-၃) ရက် အကြာတွင် တစ်ပင်လုံး ညှိုးလာသည်။ မြေပြင်နှင့်ကပ်လျှက် ရှိသည့် ပင်စည်ပိုင်းကိုဖြတ်၍ရေကြည်ကြည် ထည့်ထားသည့် ဖန်ခွက်တွင် စိမ်ကြည့်ပါက ဘတ်တီးရီးယား စိမ့်ထွက်ရည်များကို နို့နှစ်ရောင်၊ အဖြူရောင် အမျှင်တန်းများအဖြစ် တွေ့ရသည်။ ခွဲကြည့်လျှင် ပင်စည်အတွင်းရှိ အစာကြော၊ ရေကြောများ အညိုရောင်ပြောင်းလဲနေသည်။

ကူးစက်ပျံ့နှံ့ပုံ

မြေဆောင်ရောဂါတစ်မျိုး ဖြစ်သည်။ ရောဂါဖြစ်သော ဘက်တီးရီးယားသည် မြေကြီးထဲတွင် နေထိုင်ပြီး ပြောင်းရွှေ့စိုက်ပျိုးရာတွင် ဖြစ်ပေါ်သော အမြစ်ဒဏ်ရာများ၊ မြေတွင်းအောင်း နီမဟုတ် အပါအဝင် အခြားအင်းဆက်ပိုးမွှားများ ကိုက်ဖြတ်စားသောက်ခြင်းမှ ဖြစ်သော ဒဏ်ရာများမှ အပင်တွင်း ဝင်ရောက်၍ရောဂါ ဖြစ်စေသည်။ မြေတွင်းအစိုဓာတ်များခြင်းသည် ဘက်တီးရီးယားများ ရှင်သန်ပေါက်ပွားမှု၊ ရောဂါဖြစ်စေမှု၊ မြေကြီးတွင်းပျံ့နှံ့မှုကို ပိုမိုဖြစ်စေသည်။ မြေချဉ်ငန်ဓာတ် (၇) အောက်တွင် ပိုမိုပွားများသည်။

ကာကွယ်နှိမ်နှင်းနည်းများ

_ ခံနိုင်ရည်ရှိသော မျိုးကို သုံးပါ။

_ ရောဂါရအပင်ကို ချက်ချင်းနှုတ်ယူ ဖျက်ဆီးမီးရှို့ပါ။

_ မြေတွင်းအောင်း အင်းဆက်ပိုးမွှားများနှင့် နီမတုတ်များကို ကြိုတင်ကာကွယ်ပါ။

_ ပြောင်းရွှေ့စိုက်ပျိုးစဉ် အမြစ်များ ဒဏ်ရာမရအောင်ဆောင်ရွက်ပါ။

_ စိုက်ဘောင်၊ စိုက်ခင်းရေမဝပ်စေရန်ဆောင်ရွက်ပါ။

_ ခရမ်းချဉ်မျိုးရင်းမဟုတ်သည့် သီးနှံများဖြစ်သော စပါး၊ ပြောင်း၊ ပဲ၊ ပဲပုပ်၊ ဂေါ်ဖီထုပ်၊ ကြံ၊ ဝါ စသည်တို့နှင့် သီးလှည့် စိုက်ပျိုးပါ။

_ မြေချဉ်ငန်ဓာတ်( ၇.၅_ ၇.၆) ရရှိစေရန်ဆောင်ရွက်ပါ။ ထုံးထည့်ပေးပါ။

_ ထယ်နက်နက်ထိုးပြီးမြေလှန်ပေးပါက မြေကြီးအပေါ်သို့ရောက်ရှိလာသော နီမတုတ်များသည် မြင့်မားသော အပူချိန်ကြောင့် သေစေသည်။

ကိုးကား-ခရမ်းချဉ် ပိုးမွှားရောဂါနှင့် ကာကွယ်နှိမ်နင်းနည်းများ


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်