ငရုတ်ပင်ရွက်သေးထိုးပီး လိပ်ထော်နေတယ်ဗျာ ကုသလို့ရပါသလား ဘယ်လိုကုရမလဲ မဖြစ်သေးတဲ့အပင်တွေဘယ်လိုကာကွယ်ရမလဲဗျာ အပင်...

စုပ်စားပိုးတစ်မျိုးမျိုးကြောင့်ဖြစ်တဲ့ အရွက်တွန့်ဗိုင်းရပ်စ်ရောဂါ ကျရောက်နေတာပါ။ ရောဂါလက္ခဏာ ဆိုးဆိုးရွားရွားပြနေတဲ့ အပင်တွေကို နှုတ်ယူပြီး စိုက်ခင်းနဲ့ဝေးရာမှာ မြေမြှုပ်တာ ဒါမှမဟုတ် မီးရှို့ဖျက်ဆီးပစ်ပါ။ ပိုးမွှားတွေ ခိုအောင်းနိုင်တဲ့ ပေါင်းမြက်တွေကို စိုက်ခင်းထဲမှာ မရှိအောင်ရှင်းလင်းပါ။ အထက်ကဆရာကြီးဖြေကြားပေးသည့် ဆေးများဝယ်ယူမရပါက Acetamiprid ,Abamectin,Spinetoramပိုးသတ်ဆေးတစ်မျိုးမျိုးလည်းဖျန်းပေးနိုင်ပါတယ်။ ပိုးကို နိုင်အောင်ထိန်းချုပ်နိုင်ပြီလို့ယူဆရပါက အပင်ပြန်လည်လန်းဆန်းလာဖို့အတွက် အမိုင်နိုအက်ဆစ် (Amino Acid) ပါတဲ့ အပင်အားဆေးနဲ့ ရွက်ဖျန်းမြေသြဇာတွေကို ဖျန်းပေးနိုင်ပါတယ်။