အပင်တွေအတွက် ရေပေးဖို့တကယ်လိုအပ်တဲ့အချိန်က ဘယ်အချိန်ဖြစ်မလဲခင်ဗျ? ကျွန်တော်ကဝါသနာပါလို့အိမ်မှာစိုက်ရုံပဲဆို...
အပင်တွေအတွက် ရေပေးဖို့တကယ်လိုအပ်တဲ့အချိန်က ဘယ်အချိန်ဖြစ်မလဲခင်ဗျ? ကျွန်တော်ကဝါသနာပါလို့အိမ်မှာစိုက်ရုံပဲဆိုတော့ တကယ့်တကယ်စိုက်ခင်းအတွေ့အကြုံတွေမရှိပါဘူး။ အစ်ကိုတွေ အစ်မတွေတင်တာနဲ့ စာဖတ်လေ့လာတာနဲ့ပေါင်းပြီး ဒီလိုပဲလျှောက်လျှောက်စဉ်းစားတတ်လို့ပါ။ ကျွန်တော်စဉ်းစားမိသလောက်က: ၁။ အချိန်အပေါ်မှာမူတည်သလားပေါ့ (မနက်ခင်းနေမထွက်ခင်တို့၊ ညနေစောင်းတို့၊ ညမလောင်းရဘူးတို့) ၂။ ရာသီဥတု (ပတ်ဝန်းကျင်အပူချိန်) နဲ့များဆိုင်မလားပေါ့ (မိုးတွင်းဆိုလျှော့လောင်းတို့၊ နေပူနေရင်မလောင်းနဲ့ဦးတို့၊ အရမ်းအေးနေတာမလောင်းရဘူးတို့) ၃။ ဒါမှမဟုတ် အပင်စိုက်ထားတဲ့မြေအပေါ်မှာမူတည်နေသလားပေါ့ (မြေခြောက်နေရင်လောင်းရမယ်တို့၊ မြေစိုနေသေးရင် လောင်းစရာမလိုဘူးတို့) ၄။ နောက်တမျိူးက အပေါ်ကအချက်တွေဘယ်လိုဖြစ်နေပါစေ သူ့လောင်းချိန်ကျလာရင်လောင်းရတာလားပေါ့ (ဥပမာ ၈နာရီခြားတခါတို့၊ ဘာတို့ပေါ့) ၅။ နောက်တစ်ခုက အပင်လဲလူတွေလိုပဲ အကြိုက်ကိုယ်စီရှိကြပြီး ရေကြိုက်ရင်ကြိုက်တဲ့အလျောက်ပိုလောင်းပေးရတာမျိုးလားပေါ့ (ဒါပေမယ့်အဲလိုအကြိုက်ဆောင်ပြီးလုပ်ပေးရတယ်ဆိုရင်တောင် ဘယ်အချိန်မှာလောင်းတာအကောင်းဆုံးလဲဆိုတာကို သိချင်တာကိုး) ၆။ ကျွန်တော်မစဉ်းစားမိတဲ့တခြားအချက်တွေအပေါ်မှာမူတည်တာလားပေါ့ အစ်ကို၊အစ်မတို့... ညီငယ်၊ ညီမငယ်တို့... ဆရာတို့... တစ်ချက်လောက်ရှင်းပြပေးပါဦးခင်ဗျ။
