ခေတ်မီစိုက်ပျိုးရေးစနစ်မှ ဓာတုကင်းလွတ် စိုက်ပျိုးရေးစနစ်သို့ ကူးပြောင်းခြင်း

Khant Zaw Htet • 23/01/2018

လက်ရှိ စိုက်ပျိုးရေးလုပ်ငန်းများကို modern farming ခေါ်တဲ့ ခေတ်မှီစိုက်ပျိုးရေးစနစ်ကို အခြေခံထား ပါတယ်။ တစ်နည်းအားဖြင့် အထွက်နှုန်း တိုးတက်ခြင်းကို ဦးစားပေး ဆောင်ရွက်ခြင်း ဖြစ်တယ်။ အဓိကအားဖြင့် အထွက်နှုန်းများများရခြင်းက ခေတ်မှီစိုက်ပျိုးစနစ်၏ ရည်းမှန်းချက်ဖြစ်ပါသည်။ ခေတ်မှီ စိုက်ပျိုးရေးစနစ်မှာ မျိုးစေ့ များ၊ ပိုးသတ်ဆေး၊ မှိုသတ်ဆေး၊ အပင်အားဆေး၊ မြေသြဇာ တို့က မဖြစ်မနေ လိုအပ်သော သွင်းအား စုများဖြစ်ကြသည်။ ဓာတုဗေဒဆေး၊ မြေသြဇာကို ပုံမှန်သုံးပြီး အထွက်ကောင်း အောင် ပြုလုပ်ရသောကြောင့် တစ်နှစ်ထက် တစ်နှစ် ပမာဏ ပိုမိုသုံးစွဲလာရပါသည်။ နောက်ဆုံး နှစ်ပေါင်းများစွာ ကြာလာတော့ ပိုးသတ်ဆေးဖျန်းနေပေမယ့် ဆေးယဉ်ပါးလာခြင်း၊ မြေသြဇာအသုံးများလာခြင်းကြောင့် မြေများ ပျက်စီးလာခြင်း၊ အထွက်နှုန်း ထိခိုက်လာခြင်း၊ အထွက်ပုံမှန်ရှိသော်လည်း ကုန်ကျစရိတ်နှင့် အကျိုးအမြတ် မညီမျှခြင်း စတဲ့ ပြသနာများနှင့် ရင်ဆိုင်လာရပါသည်။ နောက်ဆက်တွဲပြသနာတွေကတော့ လူသားမျိုးနွယ်စုမှာ အသက်အန္တရယ်ဖြစ်စေသော ဓာတ်ကြွင်းအာနိသင်များလာခြင်း၊ ပတ်ဝန်းကျင် ကို ထိခိုက် စေခြင်း၊ ဥပမာ ပျားနှင့်ငါးများ သေကြေ ပျက်စီးစေခြင်း စတဲ့ ဆိုးကျိုးများကို ခံစားရမည်။

အဲဒါကြောင့် ဘယ်လိုကုစားရမယ် ဆိုတာကို သိရှိရန် စိုက်စနစ်၊ ပိုး၊ ရောဂါအကြောင်း၊ ရာသီဥတု တို့ကို နားလည် ကျွမ်းကျင်မှသာ Organic Farming ကိုလုပ်ဆောင်နိုင် ပါလိမ့်မည်။ Substainable Agriculture သည် ဆန့်ကျင်ဘက်အရာ နှစ်ခုကို ပြောင်းလဲပေးနိုင်သော ပေါင်းကူးဖြစ်သည်။ ရေရှည်ခံ စိုက်ပျိုးရေးစနစ်တွင် အခြေခံအားဖြင့် ပတ်ဝန်းကျင် လူသား မျိုးနွယ်တို့ကို ဘေးအန္တရယ် မဖြစ်အောင် ဓာတုပစ္စည်းများကို စနစ်တကျ ကိုင်တွယ် ဖြေရှင်းခြင်း၊ ပုံမှန်သုံးနေသောနှုန်းထားထက် လျော့ချအသုံးပြုခြင်း၊ Organic နည်းများပါ ရောနှော အသုံးပြုလာခြင်း စသည့်အချက်များ ပါဝင်လာပါသည်။ ဥပမာအားဖြင့် မြေသြဇာ ၂အိတ်သုံးပါက ၁အိတ်နှင့် Organic မြေသြဇာပြုလုပ်ပြီး ရောထွေးအသုံးပြုခြင်း၊ ပိုးမွှားများကို ဖျက်ဆီးခြင်း၊ ဆေးကိုလိုအပ်မှသာဖျန်းခြင်း ကိုဆိုလိုပါသည်။ စိုက်စနစ်တွင် ပိုးရောဂါများ ပျံ့နှံ့ခြင်းမှ ကာကွယ်ရန် လေကာပင်များ စိုက်ပေးခြင်း၊ ပိုးရောဂါများကို ထောင်ချောက်ပင်များစိုက်ပြီး ကာကွယ်ခြင်း၊ Predator ခေါ် သားရဲပိုးများကိုမွေးမြူထားရှိပြီး ပိုးများကို နှိမ်နင်းခြင်းတို့ပါဝင်သည်။

ရာသီ နှင့်ကိုက်ညီပြီး ခံနိုင်ရည်ရှိသော မျိုးများ ကိုသာ စိုက်သင့် သည်။ ဘယ်ရာသီ အခြေအနေဆို ဘယ်ပိုး ဘယ်ရောဂါ ကျတတ်သည်။ ဘယ်ဆေးကို ထိရောက်အောင် ဖျန်းရမည် စသည်တို့ကို ကျွမ်းဝင်မှု ရှိရပါမည်။ အထက်ပါ အချက် များသည် Substainable Agriculture ရဲ့ အကြမ်းဖျင်း အချက်အလက်များ ဖြစ်သည်။ Substainable Agriculture အကြောင်းကို မသိဘဲ Organic Farming ပြောင်းရန် မလွယ်ကူပါ။ အခြေခံအကျဆုံး အချက်ကတော့ Organic Farming စနစ်ကို အဓိက ထားပြီး Morden Farming စနစ်ကို တတ်နိုင်သမျှ လျှော့ချခြင်းဖြင့် Substainable Agriculture စနစ် ကိုသွားနိုင်ပြီး Organic Farming စနစ်ကို လွယ်ကူစွာ အောင်မြင်ပါလိမ့်မည်။

အခြေခံမခိုင် ပဲ Organic Farming စနစ်ကူးပြောင်းပါက အခက်အခဲပေါင်းများစွာ ကြုံတွေ့နိုင်ပါသည်။ Organic Farming ကိုရရန် ကျွန်တော်တို့ မြန်မာစိုက်ပျိုးရေးသမားတိုင်းဟာ Modern Farming အဆင့်ကနေ Substainable Agriculture ကို အဆင့်ဆင့်ပြောင်းလဲပြီးOrganic Farming ကို တဆင့်ချင်းသွားသင့်ပါတယ် လို့တင်ပြချင်ပါတယ်။

Khant Zaw Htet

ဆက်စပ်ဆောင်းပါးများ

အတွေးအမြင်ဆောင်းပါး

ကျန်းမာရေးနှင့်ညီညွတ်သော အစာစားနည်းများ (အပိုင်း-၄)

ဒေါက်တာမျိုးကြွယ်

အတွေးအမြင်ဆောင်းပါး

ဆီအုန်းနှင့် ကျန်းမာရေးအတွက်စားသုံးဆီ (အပိုင်း-၂)

ဒေါက်တာမျိုးကြွယ်

အတွေးအမြင်ဆောင်းပါး

စိုက်ပျိုးရေးဆိုင်ရာ ရေထုတ်နည်းပညာ

ဒေါက်တာမျိုးကြွယ်

ဆက်စပ်မေးခွန်းများ

မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်

Sawsamson • ဖြေကြားချက် 0 ခု

trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်

Khing Hein • ဖြေကြားချက် 1 ခု

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 5 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ