လူသုံးအများဆုံး လူမှုမီဒီယာများ
မင်္ဂလာပါ
ယခင်အပတ်က လူမှုမီဒီယာအကြောင်းကို ဖတ်ပြီးကြမယ်လို့ယုံကြည်ပါသည်။ ဒီနေ့မှာတော့ ကမ္ဘာပေါ်ရှိ လူသုံးအများဆုံး လူမှုမီဒီယာတွေအကြောင်းကို ဗဟုသုတအနေဖြင့် မျှဝေပေးချင်ပါသည်။ ပုံစံမျိုးစုံသော လူမှုမီဒီယာတွေကို ကမ္ဘာ့ဒေသအသီးသီးရှိ လူမျိုးပေါင်းစုံမှ စီးပွားရေး၊ လူမှုရေး၊ ကျန်းမာရေး၊ ပညာရေး စသည်ဖြင့် ရည်ရွယ်ချက်အမျိုးမျိုးဖြင့် အသုံးပြုနေကြပါသည်။ အဲ့ဒီအမျိုးမျိုးသောလူမှုမီဒီယာ တွေထဲမှာမှ ၂၀၂၃ ခုနှစ် မတ်လအထိကို လူအသုံးပြုမှုအများဆုံး လူမှုမီဒီယာများကတော့

1. Facebook
- ပိုင်ဆိုင်သည်ကုမ္မဏီ - Meta
- အခြေပြုသောနိုင်ငံ - United States of America
- စတင်သည့်ခုနှစ် - 2004
Facebook ကိုနေ့စဉ် လူဦးရေ သန်း၁၉၀၀ နီးပါးမှ ဝင်ရောက်အသုံးပြုနေကြပြီး တစ်လပျှမ်းမျှ လူဦးရေ သန်း ၂၉၆၀ နီးပါမှ အသုံးပြုနေကြသော ကမ္ဘာအကြီးမားဆုံး လူမှုကွန်ယက်ဝက်ဘ်ဆိုက်ဖြစ်သည်။ ကမ္ဘာလူဦးရေ၏ ၃၇ ရာခိုင်နှုန်းခန့်သည် Facebook အသုံးပြုနေကြသူများ ဖြစ်သည်။
Facebook သည် သုံးစွဲသူများ အသုံးပြုရလွယ်စေရန် လွယ်ကူရိုးရှင်းသော ဒီဇိုင်းများဖြင့်ဖန်တီးထားပြီး အသက် ၁၃ နှစ်ပြည့်ပြီးသော E-mail ရှိသူတိုင်းအသုံးပြုနိုင်သည်။ Facebook ပေါ်တွင် သူငယ်ချင်းများ မိသားစုများ အသိုင်းအဝန်များဖြင့် ဆက်သွယ်ခြင်း / စီးပွားရေးစာမျက်နှာများဖန်တီး၍ သုံးစွဲသူ၏စီးပွားရေးလုပ်ငန်းများကိုကြော်ငြာခြင်း၊ စီးပွားရေးအသိုင်းအဝန်းများချဲ့ထွင်ခြင်း / မိမိကိုယ်တိုင်ဖန်တီးထားသော ဓာတ်ပုံများ ဗီဒီယိုများ အကြေင်းအရာများ သိမ်းဆည်းခြင်း၊ မျှဝေခြင်း စသည့်တိုကို လွယ်ကူစွာပြုလုပ်နိုင်သည်။
စီးပွားရေးလုပ်ငန်းပေါင်း သန်း ၂၀၀ ကျော်(အများဆုံးမှာ တပိုင်တနိုင်စီးပွားရေးလုပ်ငန်းများ) သည် Facebook ကို အသုံးပြု၍ ဈေးကွက်ရှာဖွေခြင်း၊ သက်ဆိုင်ရာစီးပွားရေးလုပ်ငန်းအလိုက် အသိုင်းအဝန်းချဲ့ထွင်ခြင်းများ ပြုလုပ်နေကြသည်။
မည်သို့ပင် စီးပွားရေးလုပ်ငန်းများများပြားစေကာမှု Facebook သည် သူငယ်ချင်းအပေါင်းအသင်းများ၊ မိသားစုများ၊ အသိုင်းအဝန်းများနှင့် ဆက်သွယ်ရန်၊ ချိတ်ဆက်ရန်၊ မျှဝေရန်ကို အဓိကဖန်တီးပေးနေဆဲနေသော နေရာတစ်ခုဖြစ်ပါသည်။
ယခုဆောင်းပါးကို ဖတ်ရှုနေကြသူများရော Facebook ကိုဘယ်လိုအသုံးပြုနေကြသလဲဆိုတာ အောက်မှာမှတ်ချက်များ ရေးပေးသွားကြပါဦး။

2 . YouTube
- ပိုင်ဆိုင်သည့်ကုမ္မဏီ - Alphabet
- အခြေပြုသောနိုင်ငံ - United States of America
- စတင်သည့်ခုနှစ် - 2005
ဗီဒီယိုမျှဝေသောဝက်ဘ်ဆိုက်ဖြစ်သည့် YouTube တွင် လစဉ်အသုံးပြုသူပေါင်း ပျှမ်းမျှ သန်း ၂၂၀၀ ဝန်းကျင် ရှိသည်။ ကမ္ဘာတစ်ဝန်းရှိ YouTube အသုံးပြုသူများသည် နာရီ သန်းပေါင်း ၁၀၀၀ ကျော်သော ဗီဒီယိုများကို နေ့စဉ် ကြည့်ရှုနေကြသည်။
ကမ္ဘာပေါ်တွင် ဒုတိယအကြီးများဆုံးလူမှုမီဒီယာဖြစ်သော YouTube တွင် ဗီဒီယိုအမျိုးအစားများစွာ ရှိသည်။
YouTube တွင်မရှိသောဗီဒီယိုအမျိုးအစား မရှိဟုခေါ်ဆိုရလောက်အောင် လူမှုရေး၊ စီးပွားရေး၊ အပန်းဖြေစရာ၊ ဗဟုသုတပေါင်းများစွာ၊ အကြောင်းအရာများစွာကို ရှာဖွေကြည့်ရှုနိုင်သည်။ သို့သော် ၁၈+ များနှင့်၊ အစအဆုံးရုပ်ရှင်များတော့ YouTube တွင်မရှိပေ။
နေ့စဉ် YouTube သုံးစွဲသူများစွာသည် မိမိတို့ကျွမ်းကျင်ရာ ပညာရပ်များ၊ သိရှိထားသောဗဟုသုတများ၊ မျှဝေလိုသောအကြောင်းအရာများကို ဖန်တီး၍ YouTube တွင် မျှဝေနေကြသည်။ စိတ်အပန်းပြေဗီဒီယိုများသာမက ပညာရပ်တခုကို အစအဆုံး သင်ကြားနိုင်သည်အထိ ဗီဒီယိုများရှိသော YouTube သည် ယနေ့အချိန်ထိ ဗီဒီယိုမျှဝေသောဝက်ဘ်ဆိုက်များတွင် အကောင်းဆုံး ဝက်ဘ်ဆိုက်အဖြစ်ရပ်တည်လျက်ရှိသည်။
ယခုဆောင်းပါးကို ဖတ်ရှုနေကြသူများရော YouTube တွင် ဘယ်လို ဗီဒီယိုအမျိုးအစားတွေကို အများဆုံး ကြည့်ရှူဖြစ်လဲဆိုတာ အောက်မှာမှတ်ချက်ရေး၍ မျှဝေပေးသွားကြပါဦး။

3 . WhatsApp
- ပိုင်ဆိုင်သည်ကုမ္မဏီ - Meta
- အခြေပြုသောနိုင်ငံ - United States of America
- စတင်သည့်ခုနှစ် - 2009
စာတိုပေးပို့သောဆော့ဝဲလ် ဖြစ်သည့် WhatsApp သည် လစဉ်အသုံးပြုသူပေါင်း ပျှမ်းမျှသန်း ၂၀၀၀ နီးပါးရှိသည်။ ကမ္ဘာတစ်ဝန်းရှိ နိုင်ငံပေါင်း ၁၈၀ ကျော်တွင်အသုံးပြုနေပြီး နေစဉ်သန်းပေါင်း ၁၀၀၀၀၀ ကျော်သော စာတိုများကို WhatsApp တွင်ပေးပို့နေကြသည်။
WhatsApp သည် မိသားစုများ၊ သူငယ်ချင်းများနှင့် ဆက်သွယ်ရန် အပြင်ယခုအခါတွင် WhatsApp Business နှင့် WhatsApp API တို့သည် လုပ်ငန်းရှင်များအသုံးပြုရန်အတွက်ဖန်တီးထားသည်။ WhatsApp Business သည် စီးပွားရေးလုပ်ငန်းများ၏ထုတ်ကုန်များကို အမျိုးအစားများအလိုက်စာရင်းများ ဖန်တီးနိုင်ပြီး ဝယ်ယူသူများကို လျင်မြန်စွာ အကြောင်းပြန်နိုင်ရန် ပြုလုပ်ထားသည်။ထို့အပြင် အရေးကြီးသော သတိပေးချက်များနှင့်နောက်ဆုံးပေါ်အကြောင်းအချက်များကို WhatsApp API မှတဆင့် ဈေးဝယ်သူဖောက်သည်များကို ပေးပို့နိုင်သည်။
ကဲ စာဖတ်နေသူများရော WhatsApp ကိုအသုံးပြုနေကြပြီလားဆိုတာ အောက်မှာမှတ်ချက်လေး ပေးသွားကြပါဦး။
နောက်တစ်ပတ်မှာ နောက်ထပ်အသုံးများတဲ့ မီဒီယာတွေကို ပြောပြပေးသွားပါဦးမယ်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဆက်စပ်မေးခွန်းများ
ပဲပင်စည်ထိုးယင်ဝင်နေလို့ဗျား ဘယ်လိုဆေးတွေဖျန်းရမလဲဗျ အကူအညီလေးရအောင် ဖြေပေးကြပါအုံး...
နေရောင်အောက်က ဘဝသမား • ဖြေကြားချက် 0 ခု
အရင်နှစ်ကမြစ်ခြောက်ဆွေးရောဂါတေကြောင့်အပင်တေသေပါတယ် ဘယ်လိုမျိုးစေ့လူးနယ်ဆေးကိုသုံးရမလဲဗျ ပဲတီစိမ်းကိုထွန်ခင်းလုပ်မှာပါ
ဦးစောမောင်ဌေး • ဖြေကြားချက် 4 ခု
ဆရာတို့ခင်ဗျာ ပြောင်းပင်များ ပြောင်းဖူး ဖူးချိန်တွင် မုန့်ဖုတ်ဆော်ဒါအား အပင်ခြေပုံခြင်း ဖြင့်လည်းကောင်း အရည်ဖျော်၍ ဖျန်းပေးခြင်းဖြင့်လည်းကောင်း အဖူးထွားသည်ဟု ပြောကြပါသည်။ သို့ဖြစ်ပါ၍ ထိုအယူအဆမှာ မှန်ကန်ခြင်း ရှိ/မရှိ သိပါရစေဗျာ။ ပြောင်းစိုက်ပျိုးရေးအတွက် အသင့်တော်ဆုံးဖြစ်မယ့် မြေသြဇာကိုလည်း သိပါရစေခင်ဗျာ။ အောက်ပါပုံတွင် ပါရှိသော ပြောင်းပင်တွင်ကျရောက်နေသည့် မှိုရောဂါအတွက် မည်သို့ကုသရမည် ဆိုသည်ကိုလည်း ညွှန်ကြားပေးပါခင်ဗျာ။
ဦးနိုင်လင်းထွန်း • ဖြေကြားချက် 2 ခု
သဘာဝမြေသြဇာကို ကိုယ်တိုင်ထုတ်လုပ်ရောင်းချချင်တာပါ။ဘယ်လိုအရာတွေကိုပေါင်းစပ်ထုတ်လုပ်ရမလဲဗျ နည်းပညာသိသူများမျှဝေပေးပါဦး
YeMinZaw • ဖြေကြားချက် 4 ခု
ထရိုင်ကိုဒါးမားဘယ်မှာဝယ်ရမလဲ မှုံရွာကပါ မှိုကြချိန်အသုံးပြုလို့အဆင်ပြေးလားဗျ
ko moe • ဖြေကြားချက် 1 ခု
နောက်ဆုံး ဆောင်းပါးများ
တစ်ပတ်စာ ဈေးကွက်သုံးသပ်ချက် (၁၆-၂၀.၁၁.၂၀၂၆)
20/11/2026
စိုက်ခင်းအတွင်း နွားချေးအစိမ်း သုံးမိရင် ကြုံရမယ့် အန္တရာယ် ၃ မျိုး
20/11/2026
ရှမ်းပြည်ထွက် ကုန်စိမ်းများ ဈေးတက်နေ
19/11/2026
အရည်အသွေးကောင်းပြီး အထွက်နှုန်းမြင့်သည့် သီးနှံစိုက်ခင်းများကို ရရှိစေသည့် ဇီဝမြေဩဇာဆိုသည်
19/11/2026
ဝက်ခြံဖမ်းဈေး ကျဆင်းသော်လည်း အသားဈေး ကျပ် ၃၀,၀၀၀ အထက်တွင် ရှိနေ
18/11/2026
More from Okkar
အားလုံး