နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 846

စပါးအထွက်တိုးရေး မြေသြဇာကျွေး

Soe Myint • Greenovator • 13/02/2020

‌ မြေသြဇာဟုဆိုရာတွင် အပင်များကလိုအပ်သည့် အာဟာရဓာတ်များပါဝင်သော မြေဆီလွှာသို့ ထည့်ပေးရသည့် (သို့မဟုတ်) အပင်သို့ပက်ဖျန်းပေးရသည့် ပစ္စည်းအားလုံးကို ဆိုလိုခြင်းဖြစ်သည်။ ဤတွင် သဘာဝ‌မြေသြဇာနှင့် ဓာတ်မြေသြဇာနှစ်မျိုးစလုံး အကျုံးဝင်ပါသည်။

သဘာဝ‌မြေသြဇာ

သဘာဝ‌မြေသြဇာသည် ပြုပြင်ဖော်စပ်ခြင်းမရှိဘဲ ဓာတုပစ္စည်းကင်းသည့် လယ်ယာလုပ်ငန်းမှ သဘာဝအလျောက်ရရှိနိုင်သော အာဟာရပစ္စည်းများဖြစ်သည်။ သဘာဝ‌မြေသြဇာတွင် နွားချေး၊ ကြက်ချေးစသည့် တိရိစ္ဆာန်မှရရှိသော ဆွေးမြေ့ပြီးသည့် အညစ်အကြေးများ၊ အပင်မှရရှိသည့်ရွက်ကြွေ၊ အပင်အကြွင်းအကျန်၊ သစ်ရွက်ဆွေး၊ ကောက်ရိုးဆွေး၊ သစ်စိမ်းမြေသြဇာစသည်တို့ပါဝင်သည်။

သဘာဝမြေသြဇာများသည် မြေစေးကိုဖွယ်စေ၍ သဲမြေကိုစေးစေကာ ‌မြေဆီလွှာ၏ ရုပ်သဘာဝကို ပြုပြင်ပေးသည်။ ထူးခြားသည်မှာ ဓာတ်မြေသြဇာများက ဖြည့်ဆီးမပေးနိုင်သည့် စပါးပင်အတွက် လိုအပ်သော အနည်းလိုအာဟာရဓာတ်များနှင့် အခြား ကြီးထွား ဖွံ့ဖြိုးရေးအထောက်အကူများကို ပံ့ပိုးပေးသည်။

သဘာဝမြေသြဇာကို စပါးမစိုက်မီ အနည်းဆုံး သီတင်းနှစ်ပတ်ကျော် ထွန်းရေး တမန်းပြုပြင်စဉ်ကပင် လယ်ကွက်အတွင်း ညီညာစွာပက်ကြဲ၍ မြေနှင့်သမအောင် ထွန်မွှေ ထည့်သွင်းရန် ဖြစ်ပါသည်။

သဘာဝမြေသြဇာတွင် စပါးပင်မှလိုအပ်သည့် အာဟာရဓာတ်များ ပါဝင်သော်လည်း ပမာဏမှာ အနည်းငယ်မျှသာဖြစ်သည်။ အထွက်နှုန်းမြင့်မားရေးအတွက် လိုအပ်သည့် အာဟာရဓာတ်များရရှိရန် သဘာဝ‌မြေသြဇာကိုသာ သုံးစွဲမည်ဆိုလျှင် ပမာဏများစွာ ထည့်သွင်းရမည်ဖြစ်သည်။ ဤမျှများပြားသည့် ပမာဏကိုရရှိရန် ခဲယဉ်းသကဲ့သို့ စိုက်ခင်းတွင် ထည့်သွင်းရန်လည်း လွယ်ကူမည်မဟုတ်ချေ။ ထို့ကြောင့် မိမိလယ်ယာလုပ်ငန်းခွင်မှရရှိသည့် သဘာဝမြေသြဇာများကို ဓာတ်မြေသြဇာများနှင့်တွဲဖက်၍ မိမိစပါးစိုက်ခင်းတွင် ထည့်သွင်းအသုံးပြုရန် အကြံပြုလိုပါသည်။

ဓာတ်မြေသြဇာ

ဓာတ်မြေသြဇာသည် ဓာတုဗေဒနည်းဖြင့် ဖော်စပ်ထုတ်လုပ်သော အပင်အတွက် လိုအပ်သည့် အာဟာရဓာတ်များပါဝင်သော ဓာတ်ပစ္စည်းများဖြစ်သည်။ မြန်မာနိုင်ငံတွင် နိုက်ထရိုဂျင်မြေသြဇာအဖြစ် ယူရီးယားဓာတ်မြေသြဇာကိုလည်းကောင်း၊ ဖော့စဖားရပ် မြေသြဇာအဖြစ် ထရစ်ပယ်စူပါဖော့စဖိတ် ဓာတ်မြေသြဇာကိုလည်းကောင်း၊ ပိုတက်စီယံမြေသြဇာအဖြစ် မြူရိရိတ်အော့ဖ်ပိုတက် ဓာတ်‌မြေသြဇာကိုလည်းကောင်း၊ ယခုအခါ နာမည် အမျိုးမျိုးဖြင့်လည်းကောင်း ဝယ်ယူရရှိ သုံးစွဲကြောင်းသိရသည်။

ထို့ပြင် နိုက်ထရိုဂျင်၊ ဖော့စဖားရပ်၊ ပိုတက်ဆီယမ်နှင့် အခြားအာဟာရဓာတ်များ ပေါင်းစပ်ပါဝင်သော ကွန်ပေါင်းဓာတ်မြေသြဇာများကိုလည်း စျေးကွက်တွင် ဝယ်ယူရရှိ သုံးစွဲလျက်ရှိပါသည်။

နိုက်ထရိုဂျင်မြေသြဇာ

နိုက်ထရိုဂျင်သည် စပါးပင်ကြီးထွားဖွံ့ဖြိုးရေးအတွက် မရှိမဖြစ်သော အာဟာရဓာတ်ဖြစ်သည်။ သဘာဝအလျှောက် ရှိရင်းစွဲပမာဏသည် စပါးပင်အတွက် လုံလောက်မှုမရှိနိုင် သဖြင့် နိုက်ထရိုဂျင်ပါသော ဓာတ်မြေသြဇာကို မဖြစ်မနေ ထပ်မံဖြည့်စွက်ထည့်သွင်းရန် လိုအပ်ပါသည်။

နိုက်ထရိုဂျင်မြေသြဇာကို စပါးပင်အတွက် အလိုအပ်ဆုံးအချိန်များတွင် ကျွေးပေးရန်လိုသည်။ အပင်ပွားချိန်၊ မှို့ကပ်ချိန်နှင့် စပါးစေ့နို့ရည်တည်ချိန်တို့သည် နိုက်ထရိုဂျင် အာဟာရရရှိရေးအတွက် အရေးကြီးသည့်အချိန်များဖြစ်သည်ဟု သိထားပါသည်။

အပင်ပွားချိန်၏ အစောပိုင်းနှင့် အလယ်ပိုင်းကာလတို့တွင် ထည့်ပေးခြင်းသည် ပင်ပွားအများဆုံးကို ဖြစ်စေပြီး အနှံပါသော ပင်ပွားအရေအတွက်များစေသည်။ မှို့ကပ်ချိန် သည် စပါးအနှံလောင်းဖြစ်တည်ချိန်ဖြစ်သည်။ မှို့ကပ်ချိန်နှင့် အစေ့အဆံပြည့်ဖြိုးချိန်တို့တွင် နိုက်ထရိုဂျင်‌မြေသြဇာကို ကျွေးပေးခြင်းဖြင့် အနှံအရေအတွက်၊ တစ်နှံပါအစေ့အ‌ရေအတွက်နှင့် အောင်စေ့ကိုများစေသည်ဟု ဆိုပါသည်။

ထည့်သွင်းနည်းစနစ်

စပါးပင်သည် ၄င်း၏ ကြီးထွားအဆင့်အလိုက် နိုက်ထရိုဂျင်အာဟာရကို လိုအပ်ခြင်းကြောင့်လည်းကောင်း၊ နိုက်ထရိုဂျင်မြေသြဇာ၏ သဘောသဘာဝအရ လေလွင့်ဆုံးရှုံးနိုင်၍လည်းကောင်း၊ ယူရီးယားဓာတ်မြေသြဇာကို စပါးစိုက်ခင်း၌ ထည့်သွင်းရာတွင် တစ်ကြိမ်တည်းထည့်သွင်းရုံဖြင့် မလုံလောက်နိုင်ဟုသိရသည်။

မြေသြဇာ၏ အကျိုးအာနိသင် အပြည့်အဝရရှိစေရေးအတွက် အကြိမ်ကြိမ်လီ၍ ခွဲဝေထည့်သွင်းသင့်ပြီး လီ၍ကျွေးတိုင်း ထုထည်တူ မြေဆွေး (သို့မဟုတ်) နွားချေးဆွေးနှင့် သမအောင်ရော၍ တစ်ညနှပ်ထားကာ နောက်နေ့တွင် စိုက်ခင်းအတွင်း ညီညာစွာကြဲပက်သင့်ပါသည်။ သက်လျင်စပါးမျိုးများတွင် ကောက်လှန်ချိန်၊ ပင်ပွားချိန်၊ အနှံထွက်ချိန်တို့တွင် သုံးကြိမ်လီ၍လည်းကောင်း၊ သက်လတ်စပါးမျိုးများတွင် ကောက်လှန်ချိန်၊ ပင်ပွားချိန်၊ အနှံလောင်းဖြစ်တည်ချိန်နှင့် အနှံထွက်ချိန်တို့တွင် လေးကြိမ်လီ၍လည်းကောင်း၊ ယူရီးယားဓာတ်မြေသြဇာကို ထည့်သွင်းပေးရန် လိုအပ်ကြောင်း သိထားပါသည်။

‌မြေသြဇာအကျိုးရှိရေး

ထည့်ပေးလိုက်သော နိုက်ထရိုဂျင်မြေသြဇာကို အကျိုးရှိစေရန်အတွက် အရေးကြီး သောအချက်များမှာ (၁) စိုက်ခင်းတွင် ရေထိန်းသိမ်းမှု ကောင်းမွန်စေခြင်း၊ (၂) ပေါင်းမြက် ကင်းစင်စေခြင်းနှင့် (၃) ပိုးမွှားရောဂါများ ကျရောက်မှုမရှိစေခြင်းတို့ဖြစ်ပါသည်။

စပါးခင်းကို ရေမပြတ်စေရန် ဂရုစိုက်ပေးရပါမည်။ အထူးသဖြင့် လယ်ကွက်များ ခြောက်သွေ့ပြီး ပက်ကြားအက်ပါက နိုက်ထရိုဂျင်သည် အငွေ့အဖြစ်ပို၍ ဆုံးရှုံးနိုင်ပါသည်။

စပါးခင်းတွင် ပေါင်းမြက်များရှိပါက ၄င်းတို့သည် စပါးအတွက်ထည့်ပေးလိုက်သော နိုက်ထရိုဂျင်ကို ယှဉ်ပြိုင်လုယူ စားသုံးနိုင်သဖြင့် စပါးခင်းတွင် ပေါင်းမြက်ကင်းစင်အောင် ဆောင်ရွက်ပြီးမှသာ မြေသြဇာကို ထည့်ပေးသင့်ပါသည်။

အလားတူပင် စပါးပင်ကို ပိုးမွှားနှင့် ရောဂါကျရောက်မှုမှ ကာကွယ်ပေးခြင်းဖြင့် ထည့်ပေးလိုက်သော နိုက်ထရိုဂျင်မြေသြဇာကို စပါးပင်မှ အပြည့်အဝရယူစားသုံးနိုင်ပါသည်။

ဖော့စ်ဖရပ်မြေသြဇာ

စပါးတွင် နိုက်ထရိုဂျင်‌မြေသြဇာကဲ့သို့ပင် ဖော့စ်ဖရပ်မြေသြဇာကိုလည်း ထည့်ပေး ရန်လိုသည်။ ဖော့စ်ဖရပ်သည် အပင်ငယ်ကြီးထွားစဉ်ကာလအတွင်း အထူးလိုအပ်သည်။ ၄င်းသည် အမြစ်ပိုင်းကြီးထွားဖွံ့ဖြိုးရေး၊ ပင်ပွားပွားစည်းရေးနှင့် ပန်းပွင့်ချိန်စောရေးတို့ကို အားပေးသည်။ ဖော့စ်ဖရပ်မြေသြဇာကို မြေခံအဖြစ် စပါးမစိုက်မီ နောက်ဆုံး ထွန်ရေးတမန်းပြင်ချိန်တွင် ထည့်သွင်းပေးရန်လိုပါသည်။

ပိုတက်ဆီယမ်‌မြေသြဇာ

စပါးတွင် ပိုတက်ဆီယမ်‌မြေသြဇာကို အပင်ပွားချိန်နှင့် မှို့ကပ်ချိန်တွင် ထည့်ပေး နိုင်သည်။ ပိုတက်ဆီယမ်သည် ပင်ပွားများစေပြီး စပါးစေ့အရွယ်အစားနှင့် အလေးချိန်ကို တိုးစေသည်။

ပိုတက်ဆီယမ်မြေသြဇာကို အနည်းငယ်သာ အသုံးပြုနိုင်ပါက ပင်ပွားဖြိုင်ချိန်တွင် တစ်ကြိမ်တည်း ကြဲပက်ပေးခြင်းသည် အကောင်းဆုံးဖြစ်သည်။ အလီလီခွဲကျွေးမည်ဆိုပါက အသုံးပြုမည့် ပိုတက်ဆီယမ်‌မြေသြဇာကို နောက်ဆုံးထွန်ရေးပြင်ချိန်တွင် တစ်ကြိမ်၊ ကျန်မြေသြဇာကို အနှံလောင်းဖြစ်တည်ချိန်မတိုင်မီအထိ တစ်ကြိမ် (သို့မဟုတ်) ထို့ထက်ပို၍ ကြဲပက်ပေးနိုင်ကြောင်း သိရပါသည်။

အချုပ်အားဖြင့် အထွက်နှုန်းမြင့်မားရန် စပါးစိုက်ပျိုးရာတွင် မြေသြဇာသုံးစွဲပါ။ မြေသြဇာဆိုရာတွင် သဘာဝမြေသြဇာနှင့် ဓာတ်မြေသြဇာနှစ်မျိုးလုံးကို တွဲဖက်အသုံးပြုပါ။ နည်းစနစ်မှန်စွာ သုံးစွဲခြင်းဖြင့် ဝင်ငွေအကျိုးအမြတ် ပိုမိုရရှိစေဖို့ ဖြစ်ပါသည်။

ဆင်းသီဟ

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

စပါးပင်နှင့်အာဟာရ

အကြောင်းအရာ 2

စပါးမြေသြဇာကျွေးနည်း

အသုံးပြုနိုင်သည့် သွင်းအားစုများ (ကြော်ငြာ)

မာလာမြိုင်မန်းဂိုး ၁၀ဂရမ်

မာလာမြိုင် ကုမ္ပဏီ

အမ်ဂျီအက်စ်အိုဖိုး ၁ ကီလို

မာလာမြိုင် ကုမ္ပဏီ

မာလာမြိုင်တောနစ် ၁၀စီစီ

မာလာမြိုင် ကုမ္ပဏီ

ဟိုက်ပါအမ်ပီကေ ၁ ကီလို

မာလာမြိုင် ကုမ္ပဏီ

ဘိုင်ကိုမိုင်း ၃၀စီစီ

မာလာမြိုင် ကုမ္ပဏီ

ဂျစ်ဆမ် ၉၇% ၁ ကီလို

မာလာမြိုင် ကုမ္ပဏီ

အမ်အိုပီ

မာလာမြိုင် ကုမ္ပဏီ

မာလာမြိုင်တောနစ် ၁၀၀စီစီ

မာလာမြိုင် ကုမ္ပဏီ

U win Zaw

လွန်ခဲ့သော ၂ နှစ် က

ဆရာခင်ဗျရက်ကိုးဆယ်စပါးပြုစုပျိုးထောင်နည်းသိဘရစေခင်ဗျ။

mg khant kyaw zaw

လွန်ခဲ့သော ၃ နှစ် က

စပါးအနှံထွက်ချိန်မှာဘာဆက်ပြီးလုပ်သင့်လဲ

မောင်ရဲသူအောင်

လွန်ခဲ့သော ၄ နှစ် က

ဘယ်နလသား‌ေမြသြဇာစကျွေးရလဲဗျ

ကျော်ဟိန်း

လွန်ခဲ့သော ၄ နှစ် က

မေးပါရစေ

ဆက်စပ်ဆောင်းပါးများ

အပင်အာဟာရ

ဘိုင်အိုချာလား.. ပြာလား..

Htunn Winn Kyaw

အပင်အာဟာရ

ကြက်သွန်နီဥကို အလေးချိန်စီးပြီး အထွက်နှုန်းများစေမယ့် အာဟာရဓာတ်များ

သော်ဇင်

အပင်အာဟာရ

စပါးအထွက်နှုန်း ၃၀ % အထိ တိုးစေမယ့် လျှို့ဝှက်ချက်

Thein Soe Min

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

မိဘတွေလက်ထပ်ကတည်းက စပါးစိုက်ခဲ့တာပါ ရလည်းရပါတယ် ဒါပေမယ့် အဖေမရှိတော့တဲ့နောက်ပိုင်း နားမလည်လို့ ဖြစ်သလို လုပ်ခဲ့ရပါတယ် ဒီနှစ်တော့ နည်းစနစ်မှန်မှန်လေး စိုက်ပျိုးပြီး အကျိုးဖြစ်ထွန်းချင်ပါတယ် ဒါကြောင့် စပါး ၃မျိုး ဆင်းသုခ မနောသုခ ဧရာမင်း ဘယ်နှရက်သားမှာ NPK ဘယ်လောက်ထည့်သင့်တယ်ဆိုတာလေး ဖြေပေးစေချင်ပါတယ်ရှင်

လဲ့လဲ့လွင် • ဖြေကြားချက် 2 ခု

ဂျီဗာမရုသမ်ဆေးရည်က များရင် အပင်လောင်တက်သလား .ကွမ်းခြံအတွက် အပင်ခြေလောင်းချင်လို့ပါ ဆေးရည်က ဖျော်တာ များနေလို့ မလောင်ရင် အကုန်အသုံးပြုချင်လို့ပါ

Khing Hein • ဖြေကြားချက် 3 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ