ရေမြောင်းများသည် အမှိုက်ပုံးမဟုတ်...

Shin Paing @ Piscey Wang • 03/08/2023

သင်ပစ်လိုက်တဲ့အမှိုက်တစစီက လူသတ်နေတာသိပါသလား?

အောက်ပါပုံထဲက ဂေဟစနစ်ထဲမှာ ဘယ်လိုငါးမျိုး ရှင်မယ်ထင်လဲ ဖြေပေးကြပါဉီးဗျာ?

ပုံထဲကနေရာမှာ ရန်ကုန်မြိုရဲ့ မြို့ပြနေရာနဲ့ အလှမ်းဝေးတဲ့ ဆင်ခြေဖုံးနေရာဒေသတစ်ခုရဲ့ ရေမြောင်းတစ်ခုဖြစ်ပါတယ်။ မြို့ပြင်နီးပါးရောက်တဲ့နေရာမှာတောင် ရေမြောင်းက ဒီအနေအထားရောက်နေရင် မြို့ထဲနေရာတွေကို တွေးကြည့်စေချင်ပါတယ်။

ကျွန်တော်တို့ငယ်စဉ်က ရေမြောင်းတော်တော်များများက သန့်ရှင်းပြီး ရေစီးရေလာကောင်းသလို ရေထဲမှာလည်း ငါးအမျိုးအစား စုံလင်စွာနေထိုင်နိုင်ခဲ့ပါတယ်။ ငါးမော့တော့၊ ငါးဇင်ဇတ်၊ ငါးဇင်ရိုင်း၊ ငါးဖောင်ရိုး၊ ငါးရံ့ တို့မှအစ ပုစွန် အသေးအကြီးပါ နေထိုင်နိုင်ခဲ့တဲ့ ကျန်းမာသော ဂေဟစနစ်ကလေးတွေ ဖြစ်နေခဲ့ပါတယ်။

အခုချိန်မှာတော့ ဒါတွေဟာ လူကြီးတွေက လူငယ်တွေကို လက်ဆင့်ကမ်းစရာ စကားများအဖြစ်သာရှိပါတော့တယ်။

ကျွန်တော်တို့တွေဟာ ဂေဟနစ်အတွက် အကြောင်းပြုကာ ဘတ္ထရီရှော့တိုက်ငါးဖမ်းခြင်း၊ မိုင်းခွဲငါးဖမ်းခြင်း၊ Chemical (ဓာတုပစ္စည်းများ) အသုံးပြု၍ ငါးဖမ်းခြင်းတို့ကို ရပ်တန့်ဖို့ အသံကောင်းဟစ် လော်ဘီပေးနေကြပေမဲ့ တစ်ဖက်မှာတော့ ကိုယ့်ပတ်ဝန်းကျင်အနီးနားက ဂေဟနစ်တွေကို ကိုယ်ကိုယ်တိုင် အဆိပ်တွေခပ်နေဆဲပါ။

ကိုယ့်လက်ထဲကနေ ကိစ္စမရှိပါဘူးဆိုပြီး မြောင်းထဲပစ်လိုက်တဲ့ အမှိုက်တစ်စက ကိုယ့်လိုလူပေါင်းများစွာရှိလာတဲ့အခါ ကြီးမားတဲ့ညစ်ညမ်းမှုတွေ ဖြစ်လာပါတော့တယ်။ အမှိုက်တွေစုလာတဲ့အခါ ရေမြောင်းတွေပိတ်ဆို့မှုကြောင့် ရေစီးရေလာနည်းလာပြီး ရေတွေစတင် ပုပ်လာပါတယ်။

ငါးတွေ မနေထိုင်နိုင်တဲ့ ပုပ်ပွနေတဲ့ရေမြောင်းထဲမှာ ခြင်မျိုးစုံပေါက်ဖွားနိုင်တာ သိကြပါသလား။ ပိုးလောက်လန်းတွေကိုစားမယ့် ငါးတွေမရှိတော့တဲ့အခါမှာ ခြင်တွေ ထိန်းမနိုင်ဖြစ်လာပြီး သွေးလွန်တုပ်ကွေး၊ ငှက်ဖျားနဲ့ ဦးနှောက်အမှေးရောင် ရောဂါတွေဖြစ်လာနိုင်ပါတယ်။

ခြင်အန္တရာယ်အပြင် ရေစီးရေလာမကောင်းမှုကြောင့် ရေကြီးရေလျှံရာကနေ ညစ်ညမ်းတဲ့ရေကြောင့် ဝမ်းပျက်ဝမ်းလျှောရောဂါကလည်း ကလေးသူငယ်တွေအတွက် အသက်အန္တရာယ်အထိခြိမ်းခြောက်ပါသေးတယ်။

ငါးနဲ့ ဖြေရှင်းမရတဲ့အခါ ခြင်ဆေးဖြန်းကြသော်လည်း ခြင်ဆေးရဲ့ ခြင်များအပေါ်ထိရောက်မှုကိုအသာထား၊ လူတွေအားလုံးရဲ့ အဆုတ်အပေါ် သက်ရောက်တဲ့ ဆိုးကျိုးကတောင် ပိုများပါတယ်။ အခုလို ယန္တရားပုံမှန်လည်ပတ်ချိန်မဟုတ်တဲ့အခါမှာ ကျန်းမာရေးစောင့်ရှောက်မှုအလွန်အားနည်းနေချိန် လိုအပ်တဲ့ဆေးကုသမှုမရရှိနိုင်တာတွေ နဲ့ နှစ်စဉ်မြောင်းရှင်းဖို့ ကိုယ်ထူကိုယ်ထလုပ်ကြရတဲ့အခါ ကုန်ကျစရိတ်ကိုတော့ ဘယ်သူမှအကုန်မခံချင်ကြဘူးမလား?

ကျွန်တော်တို့နေထိုင်နေတဲ့ ကမ္ဘာကြီးရဲ့ ဂေဟစနစ်ဟာ သူ့အလိုလို ဟန်ချက်ညီညီ လည်ပတ်နေပြီး လူသားတွေကသာ နည်းပေါင်းစုံနဲ့ ဟန်ချက်ပျက်စေတာပါ။ ကျွန်တော်တို့အားလုံးပြုလုပ်ခဲ့တဲ့ အကျိုးဆက်တွေကို အရင်ဆုံးခံစားရတာ သတ္တဝါတွေဖြစ်နေပေမဲ့ အဆုံးသတ်မှာ ကျွန်တော်တို့ဆီ ဆိုးကျိုးတွေရောက်လာမှာပါ။

လူတွေဟာ သတ္တဝါတွေကို မသနားရင်တောင် ကိုယ့်ကိုယ်ကိုယ်တော့ သနားကြတယ် မဟုတ်လား...

ဒါကြောင့် ပလတ်စတစ်အသုံးပြုမှုတွေကိုလျှော့ချပြီး၊ အလွန်ရုပ်ဆိုးအကြည်းတန်ဖွယ်ရာ စည်းကမ်းမဲ့ အမှိုက်စွန့်ပစ်ခြင်းကို ရပ်တန့်သင့်ပါပြီ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Aung Myo

လွန်ခဲ့သော ၃ နှစ် က

👍🏻

ဆက်စပ်ဆောင်းပါးများ

ပတ်ဝန်းကျင်ဆိုင်ရာ

သဘာဝကိုလေ့လာ၊ ရာသီဥတုကိုကာကွယ်၊ အနာဂတ်ကိုကယ်

Thu Ra Nyi Nyi

ပတ်ဝန်းကျင်ဆိုင်ရာ

ဇီဝမျိုးစုံမျိုးကွဲများ ပေါကြွယ်ဝသော လန်ပိအဏ္ဏဝါအမျိုးသားဥယျာဉ်

နှင်းဖြူဖြူ

ပတ်ဝန်းကျင်ဆိုင်ရာ

၁၂ ကြိမ်မြောက် ကမ္ဘာ့မြေဆီလွှာနေ့

Green Way

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 0 ခု

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 0 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 0 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ