ဒုတိယကမ္ဘာစစ်အတွင်း ဖက်ဆစ်ဂျပန်တို့ကိုတော်လှန်ခဲ့ကြတဲ့ သူရဲကောင်းမိကျောင်းကြီးတို့အကြောင်း

Shin Paing @ Piscey Wang • 23/08/2023

ဒုတိယကမ္ဘာစစ်ကာလအတွင်း မြန်မာနိုင်ငံဟာ ဖက်ဆစ်ဂျပန်တို့ကို တိုက်ထုတ်ခဲ့ကြရာမှာ မြန်မာ့လွတ်လပ်ရေးတပ်မတော်နဲ့ မဟာမိတ် အင်္ဂလိပ်အမေရိကန်တပ်တွေတင်မဟုတ်ဘဲ မြန်မာနိုင်ငံမှာနေထိုင်ခဲ့တဲ့ ဌာနေမျိုးရင်း ရေငန်မိကျောင်းကြီးတွေပါ ပါခဲ့တယ်ဆိုတာ မသိကြဘူးဟုတ်..?

ဒီဖြစ်ရပ်မှန်ဟာ တစ်ကယ်ဖြစ်ခဲ့ပြီး ကမ္ဘာပေါ်ရှိလူနဲ့တိရစ္ဆာန်တို့ရဲ့ အကြီးမားဆုံးတိုက်ပွဲတွေထဲကတစ်ခုအဖြစ် သမိုင်းဝင်မှတ်တမ်းတင်ခဲ့ပါသေးတယ်။

ဖြစ်စဥ်ကတော့ဒီလိုပါ...

၁၉၄၅ ခုနှစ်အတွင်းမှာ ဂျပန်စစ်တပ်ဟာ မြန်မာပြည် အောက်ပိုင်းအတွင်းစစ်ဆင်ရေးပြုလုပ်နေချိန်မှာ မဟာမိတ်တပ်ဖွဲ့များဆီကနေ အဖက်ဖက်ကပိတ်ခံရပြီး အရေးနိမ့်နေခဲ့တဲ့အတွက် ဂျပန်စစ်သားအယောက် ၁၀၀၀ နီးပါး ရှိတဲ့တပ်ဖွဲ့ကြီးဟာ အသေခံမလား ဒါမှမဟုတ် ၁၀ မိုင်ခန့်အကွာအဝေးရှိတဲ့ ဒီရေတောရေဝပ်တဲ့ ရေအိုင်တောကြီးကိုဖြတ်မလားဆိုတဲ့ အကျပ်ရိုက်မှုတွေရှိခဲ့ပါတယ်။ အညံ့ခံမယ့်အစား ခက်ခဲတဲ့လမ်းကိုရွေးချယ်မယ်ဆိုပြီး ရေမကူးတတ်တဲ့ဂျပန်တွေဟာ ရေအိုင်ထဲခြေလျင်ဖြတ်ကျော်ရပါတော့တယ်။

ဒီရေတောကြီးထဲမှာ ဂျပန်စစ်သားတွေဟာ အိမ်ရှင်ရေငန်မိကျောင်းကြီးတွေနဲ့ တွေ့ဆုံခဲ့ကြရပါတယ်။ မိကျောင်းတို့ရဲ့ သားရဲတွင်းထဲရောက်နေတဲ့အတွက် ဆာလောင်မွတ်သိပ်နေတဲ့ မိကျောင်းကြီးတွေရဲ့အမဲလိုက်ခြင်းကိုခံရပါတော့တယ်။ ရေငန်မိကျောင်းကြီးတွေဟာ ၁၆ ပေ အထိကြီးနိုင်ကြတဲ့ ဧရာမမိကျောင်းကြီးတွေပါ။ နာရီပေါင်းများစွာကြာတဲ့အထိ ဂျပန်စစ်သားတွေရဲ မိကျောင်းတွေနဲ့လုံးထွေးသံ၊ ရိုင်ဖယ်သေနတ် ပစ်ဖောက်တိုက်ခိုက်ရတဲ့အသံ၊ ဒဏ်ရာရနေတဲ့စစ်သားတွေရဲ့ အားပြင်းလှတဲ့မိကျောင်းကြီးတွေရဲ့ပါးစပ်တွေကြား ခြေလက်တွေကိုက်ဖြတ်ခံရလို့ နာကျင်စွာအော်ဟစ်နေတဲ့အသံတွေပြည့်နှက်နေခဲ့ပါတယ်။ သားကောင်ကိုကိုက်ခဲပြီး ခန္ဓာကိုယ်ကိုလှိမ့်ပတ်လူးလိမ့်ကာ အသားတွေဆွဲဖဲ့တဲ့မိကျောင်းကြီးတွေရဲ့မြင်ကွင်းနဲ့အတူ ဒီရေတောထဲကရေအိုင်ကြီးဟာ သွေးရောင်တွေနဲ့ ဖုံးလွှမ်းသွားပါတော့တယ်။ ကံကောင်းတဲ့စစ်သားအနည်းငယ်ကသာ သစ်ပင်တွေပေါ်တွယ်တက်ပြီးရှင်ကျန်ခဲ့ပါတယ်။

အဆုံးသတ်မှာ ဒီရေတောရေအိုင်ကြီးထဲ ခြေလျင်ဖြတ်ခဲ့တဲ့ ဂျပန်စစ်သား ၁၀၀၀ နီးပါးကနေ အယောက် ၂၀ သာ အသက်ရှင်လျက် ပြန်ရှာတွေ့ခဲ့ပါတယ်။ ဒီလက်ကျန် ၂၀ ကိုလည်း သူတို့ထွက်ပြေးဖို့ကြိုးစားခဲ့တဲ့ ရန်သူမဟာမိတ်တပ်ဖွဲ့တွေကပဲ ဖမ်းဆီးကယ်တင်ပေးခဲ့ရတာပါ။ ဒါကတော့ မဟာမိတ်ဘက်မှမှတ်တမ်ဖြစ်ပြီး တကယ့်စစ်သား ၂၀၀ - ၃၀၀ ခန့်သာ သားရဲတွင်းကနေရော ဖမ်းဆီးခံရတဲ့ဒဏ်ကနေလွတ်သွားတယ်လို့ ဂျပန်ဖက်ကမှတ်တမ်းမှာတွေ့ရပါတယ်။

ဒါကတော့ ဒုတိယကမ္ဘာစစ်အတွင်းက နာမည်ကြီးခဲ့တဲ့ မြန်မာနိုင်ငံအတွင်းရှိဒီရေတောကြီးတွေကို ကြီးစိုးခဲ့တဲ့ သားရဲ ရေငန်မိကျောင်းကြီးတွေရဲ့ ရာဇဝင်ပဲဖြစ်ပါတယ်။

အခုချိန်မှာတော့ လူနေထူထပ်လာမှု၊ နယ်မြေချဲ့ထွင်မှုတွေကြောင့် တိမ်ကောလာတဲ့ ဒီရေတောတွေနဲ့အတူ ဒီရေတောအတွင်းနေထိုင်ကြတဲ့ သတ္တဝါမျိုးစိပ်ပေါင်းများစွာနဲ့ ရာဇဝင်မှာ တိုက်ပွဲဝင်ခဲ့တဲ့ သူရဲကောင်းရေငန်မိကျောင်းများရဲ့အရေအတွက်ဟာလည်း နည်းပါးလာပြီဖြစ်ပါတယ်။

ဒီရေတောများဟာ ကျွန်တော်တို့ မြစ်ဝကျွန်းပေါ်ကမ်းခြေဒေသများကို လေထုညစ်ညမ်းမှု၊ လှိုင်းကြီးရိုက်ခတ်မှု၊ ဒီရေနှင့် ကမ်းပါးရေတိုက်စားပြိုကျမှုများကနေ ကာကွယ်ပေးထားပါတယ်။ သဘာဝကဖန်ဆင်းပေးထားတဲ့ ရေကာတာတံတိုင်းကြီးတွေဖြစ်တဲ့အပြင် ဒီရေတောအတွင်းနေထိုင်တဲ့ သက်ရှိဇီဝမျိုးကွဲပေါင်းများစွာရဲ့နေထိုင်ရာအိမ်ကြီးတွေဖြစ်တဲ့အတွက် ဒီရေတောများမတိမ်ကောအောင် အားလုံးဝိုင်းဝန်း စောင့်ရှောက်သင့်ပါတယ်နော်။

Article By Shin Paing @ Piscey Wang
မူရင်းလင့်ခ် >>> https://m.facebook.com/story.php?story_fbid=pfbid02oeZPWbs8hc8XrS5brx9np1CHcHCSxtorPGNaBrEQjXN6NWZUoZGyF4TgaH9PV5Jgl&id=100063616784373&mibextid=Nif5oz

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ဂေဟစနစ်

ဆက်စပ်ဆောင်းပါးများ

ဂေဟစနစ်

ဂေဟစနစ်ကို ကောင်းကျိုးပြုသော ဘီလုံးငှက်များ

နှင်းဖြူဖြူ

ဂေဟစနစ်

ဝူလုံသဘာဝရှုခင်းများကြားက သစ်တစ်ပင်နှင့် ဂေဟစနစ်ထိန်းသိမ်းရေးသင်ခန်းစာ

Khaing Kyi Thit

ဂေဟစနစ်

မြေအောင်းသတ္တဝါဖြစ်တဲ့ ပွေးကောင်တို့အကြောင်း

ဇင်ထူးနိုင်

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 0 ခု

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 0 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 0 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ