နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 49 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 847

အကျိုးရှိစေမယ့် သဘာဝ ပိုးသတ်ဆေး

Green Way • 16/01/2018

တမာရွက်စိမ်ရည်

တမာရွက် (၂၅) ကျပ်သားကို နုတ်နုတ်စင်းပြီး ရေ (၁) ဂါလံ တွင် တစ်ညစိမ်ပါ။ ၎င်း စိမ်ရေကို ရေ (၄) ဂါလံ လျှင် နို့ဆီခွက် (၁) ခွက် ထည့်ပြီး ဖျန်းပေးပါက ပိုးမွှားများတိုးပွားမှုကို လျော့နည်းစေသည်။

ဩဇာရွက်စိမ်ရည်

ဩဇာရွက် (၂၅) ကျပ်သားကို နုတ်နုတ်စင်းပြီး ရေ (၁) ဂါလံ တွင် တစ်ညစိမ်ပါ။ ၎င်းစိမ်ရည်ကို ရေ (၄) ဂါလံ လျှင် နို့ဆီခွက် (၁) ခွက်၊ ဆပ်ပြာမှုန့် ထမင်းစားဇွန်း(၁) ဇွန်း နှင့် ငရုတ်သီးမှုန့် ထမင်းစားဇွန်း (၁) ဇွန်း ရောထည့် ပြီး ဖျန်းပေးပါက ပိုးမွှားများကို လျော့နည်းစေသည်။

ပဲစိမ်းစားအရွက်

အပင်နှင့် အရွက်(၂၅) ကျပ်သားကို ရေ(၁)ဂါလံဖြင့် ပြုတ်ကာ ရေ(၄) ဂါလံ လျှင် နို့ဆီခွက်(၁) ခွက်ထည့်ပြီး ဖျန်း ပေးပါက ပိုးမွှားများ လျော့နည်းစေသည်။

ဆေးရွက်ကြီး

ဆေးရွက်ကြီး အမှုန့် (၁) ပိဿာကို ရေ(၃) ဂါလံတွင် တစ်ညစိမ်ပါ။ ၎င်းစိမ်ရေကို ရေ (၄) ဂါလံ လျှင် (၁) လီတာ ထည့်ပြီး ဖျန်းပေးပါက ပိုးမွှားများကို လျော့နည်းစေသည်။ (ငရုတ်၊ ကြက်သွန်နီ၊ ကြက်သွန်ဖြူပင် များတွင် ဖျန်း ပေးပါက အထူးကောင်းပါသည်။

လောက်သေ

အပင် နှင့် ဥ (၂၅) ကျပ်သား နုတ်နုတ်စင်းပြီး ရေ (၁) ဂါလံ တွင် တစ်ညစိမ်ပါ။ ၎င်းစိမ်ရေကို ရေ(၄) ဂါလံ လျှင်(၁) လီတာ ထည့်ပြီး ဖျန်းပေးပါက ပိုးမွှားများကို လျော့နည်းစေသည်။

လက်ဖက်စေ့

လက်ဖက်စေ့ အမှုန့် (၂၅) ကျပ်သား ကို ရေ(၁) ဂါလံ တွင် တစ်ညစိမ်ပါ။ ၎င်းစိမ်ရေကို ရေ (၄) ဂါလံ လျှင် နို့ဆီခွက် (၂) ခွက် ထည့်ပြီး ဖျန်းပေးပါက ခရုများကို လျော့နည်းစေသည်။

ဆေးလိပ်တို

ဆေးလိပ်တို အခု (၃၀) ကို ရေ (၁) လီတာ ဖြင့် တစ်ညစိမ်ပါ။ ၎င်းစိမ်ရေကို ရေ(၄) ဂါလံ လျှင် နို့ဆီခွက် (၂)ခွက် ထည့်ပြီး ဖျန်းပေးပါက ပိုးမွှားများကို သေစေသည်။

လိုင်းဆာဖာအနှစ်

လိုင်းဆာဖာကျိုပြီး ကျန်အနှစ်များကို နေပူလှမ်းပြီး အမှုန့် ပြုလုပ်ပေးပါ။ ၎င်းအမှုန့်ကို မြေထယ်ထိုးပြီးချိန်တွင် (၁) ဧကလျှင် (၁)ပိဿာ ပက်ပေးပါက မြေအောင်းပိုးများကို ကာကွယ်နိုင်သည်။

စပါးလင်ပင်၊ ထပ်တရာပန်းပင်

စပါးလင်ပင်၊ ထပ်တရာ ပန်းပင်တို့ကို ခြံအလယ်တွင် စိုက်ပေးခြင်းဖြင့် ပိုးများမလာအောင် တားပေးပါသည်။ ရေမြောင်းများ၏ ဘောင်ပေါ်တွင် စိုက်ပေးခြင်းဖြင့် မြေပြိုမှုကို ထိန်းပေးပါသည်။

စပါးလင်ပင်

စပါးလင်အပင် (၂၅) ကျပ်သား ကို ထောင်းပြီး ရေ (၁) ဂါလံတွင် တစ်ညစိမ်ပါ။ ၎င်းစိမ်ရေကို ရေ(၄) ဂါလံ လျှင် (၁)လီတာ နှင့် ဆပ်ပြာမှုန့် ထမင်းစားဇွန်း (၂) ဇွန်း ထည့်ပြီး ဖျန်းပေးလျှင် ပိုးများ မလာအောင် တားဆီး ပေးပါသည်။ ၎င်းစိမ်ဖက်များကို ကြွက် (သို့) ပွေး တွင်းဝတွင် ချထားပေးခြင်းဖြင့် ကြွက်၊ ပွေးများကို ကာကွယ်ပေးနိုင်ပါသည်

ခေါင်အဖက်(သို့) ကစော်ဖတ်

ခေါင်အဖတ် (သို့) ကစော်ဖတ်ကို ရေသန့်ဘူးခွံ၏ (၃ ပုံ ၁ ပုံ) ထည့်ပြီး ရေ(၃ ပုံ ၂ ပုံ) ထည့်ကာ ရေသန့်ဘူးခွံ၏ အပေါ်ဖက်တွင် အပေါက်လေးများဖောက်ကာ စိုက်ခင်းများနှင့် စင်များပေါ်တွင် ချိတ်ဆွဲ ထားခြင်းဖြင့် ပိုးမွှား များကို ထောင်ချောက်ဆင်ပြီး ဖမ်းနိုင်သည်။ နေရာစိပ်စိပ် ထားပေးခြင်းသည် ပိုမိုထိရောက်ပါသည်။

ပုဇွန်အခွံ

အခြောက်လှန်းထားသော ပုဇွန်အခွံ (၇၅) ကျပ်သားကို ဝါး (သို့) စပါးခွံပေါင်းခံရည် (၁) ဂါလံ ဖြင့် (၁) လ စိမ် ထားပါ။ ၎င်းစိမ်ရည်ကို ရေ (၄) ဂါလံလျှင် နို့ဆီခွက်တစ်ဝက် ရောပြီးဖျန်းပေးပါက ပိုးမွှားကို သေစေနိုင်ပါသည်။

ကြက်သွန်ဖြူ (သို့) ငရုတ်သီးအမှည့်

ကြက်သွန်ဖြူ (သို့) ငရုတ်သီးအမှည့် (၁၅) ကျပ်သားကို ထောင်းပြီး ချက်အရက်ပြင်း(၁) လီတာဖြင့် ရောပြီး (၁) လ စိမ်ထားပါ။ ၎င်းစိမ်ရေကို ရေအဆ (၂၀ မှ ၃၀) ရောပြီးဖျန်းပေးပါ။

ထင်းပြာ

ထင်းပြာကို ခြေအိတ် (သို့) အဝတ်ပါးထဲတွင် ထည့်ပြီး လိပ်ခုံးပိုးကျနေသော သီးနှံပင် (သို့) အရွက်ပေါ်သို့ နံနက်ပိုင်းတွင် ခါချပေးခြင်းဖြင့် လိပ်ခုံးပိုးများကို ကာကွယ်နိုင်သည်။

ဆိတ်ချေး

ဆိတ်ချေး (၁) ပြည်ကို ရေ(၁) ဂါလံဖြင့် တစ်ညစိမ်ပေးပါ။ ၎င်းစိမ်ရေကို ရေ(၄) ဂါလံတွင် နို့ဆီခွက်(၂) ခွက် ထည့်ပြီး ဖျန်းပေးပါ။ (ဆိတ်တို့ကောင်နိုင်ဆေး)

မျှစ်ချဉ်

မျှစ်ချဉ် (၂) ပိဿာကို လယ်ကွက်၏ရေဝင်ပေါက်တွင် ပီနံအိတ်ဖြင့် ထုတ်ပြီး ချထားပေးလျှင် စပါးခင်းတွင် ကျရောက်တတ်သော ပိုးမွှားများကို ကာကွယ်ပေးပါသည်။

ကိုးကား - သဘာဝစိုက်ပျိုးသူ တောင်သူဦးကြီးများလက်စွဲ

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ကိုယ်တိုင်လုပ်ပိုးသတ်ဆေးများ

nyeinchan

လွန်ခဲ့သော ၃ နှစ် က

ကြက်သွန်‌ခင်း‌ကောသုံးလို့ရလားဗျ

ကိုဆန်းတင့်

လွန်ခဲ့သော ၄ နှစ် က

လယ်ခင်း သန္ဒေဝင်ခါစကြွက်တွေကိုက်လို့ ရေထဲကိုဆင်းကိုက်တာ ဘယ်လိုဆေးဖျန်းရမလဲ ဖြေကြားပေးပါဦး

May Chaw

လွန်ခဲ့သော ၅ နှစ် က

ပန်းတွေမှာတွေရတဲ့ပိုးအမျိုးအစားကိုသိချင်ပါတယ်

ဆက်စပ်ဆောင်းပါးများ

စိုက်ပျိုး ဗဟုသုတ

မီးတောင်ပေါက်ကွဲမှုနောက်ကွယ်က စိုက်ပျိုးရေးအကျိုးကျေးဇူး

စုမြတ်မြတ်မိုး

စိုက်ပျိုး ဗဟုသုတ

သီးလှည့်စိုက်ပျိုးခြင်းဖြင့် ရေရှည်အကျိုးအမြတ်ရယူနည်း

သော်ဇင်

စိုက်ပျိုး ဗဟုသုတ

မတ်ပဲမျိုးစေ့ကို ထုံးဘာလို့ လူးကြတာလဲ

Thein Soe Min

ဆက်စပ်မေးခွန်းများ

ယင်ဖြူနဲ့ဖူးစားပိုးရွက်စားပိုးနဲ့မှုိရောဂါတွေအတွက်ဘယ်လို့ထိထိရောက်ရောက်ရောဖျန်းရမလဲဖျန်းရမဲ့အတွဲလေးသိရင်ဖြေပေးပါလားဆရာတို့တချု့အရွက်တွေယင်ဖြူကြောင့်မဲတာပြောင်အောင်ဘယ်လို့လုပ်ရ

မောပ်တိုးတတ် • ဖြေကြားချက် 3 ခု

မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။

Kyaw Soe Naing • ဖြေကြားချက် 1 ခု

ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ

Sa Paing Ko Ko Win • ဖြေကြားချက် 4 ခု

ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။

U Win Zaw • ဖြေကြားချက် 3 ခု

နှမ်းခင်းထဲကမှာ မြက်မရှိပါဘူး တောဇီးပူ ပဲရှိတာ တောဇီးပူ သေတဲ့ ရွေးချယ် ပေါင်းသတ်ဆေး‌ရှိပါသလားခဗျ လမ်းညွှန်ပေးပါကြဦး

khant zin • ဖြေကြားချက် 1 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ