အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
ပဲပိစပ်နဲ့ပဲပုပ်

ပဲပိစပ်နဲ့ပဲပုပ်

Green Way
Green Way • 15/01/2018

စိုက်ပျိုးရေးဘွဲ့ရတွေက တော်တော်များများသိကြပါတယ်။ ခက်တာကပြင်ပလုပ်ငန်းရှင်တွေ၊ ကျွန်တော်လည်း အမှားတွေ့ရင်မနေတတ်ဘူး၊ ပဲဆီကြော်ငြာတွေဖတ်မိကတည်းက ရင်ထဲမှာကလိကလိဖြစ်နေတာ။ အဲဒါနဲ့ ဘုရင်နောင်က ဆီစက်ရုံးခွဲကို လယ်ယာစီးပွားမှာပါတဲ့ ခင်လေး (YAU)ရဲ့ ပဲပိစပ်နဲ့ပဲပုပ်အကြောင်း ဆောင်းပါးကို ကူးပြီး စာတိုက်က မှတ်ပုံတင်ပို့ခဲ့တယ်၊ ရောက်ရဲ့လားတော့မသိ။ ပဲပုပ်ကို ဘာလို့ပဲပိစပ်လို့မှားကြတာလဲ၊ အဖြေရှာတော့ ဦးထွန်းငြိမ်းအဘိဓါန်ကစတာ အဲဒီမှာ Soy bean ကို ပဲပိစပ်လို့ ဘာသာပြန်ထားတာလေ၊ ဆရာကြီးက စိုက်ပျိုးရေးသမားမဟုတ်လို့ ပညာရှိသတိဖြစ်ခဲနေမှာပါ။ ဒါကိုဆက်ပြီးတော့ စိုက်ပျိုးရေးလည်းမသိ ပိုက်ဆံဘဲသိတဲ့ ဆွေမျိုးပေါက်ဖေါ်အစစ်တွေရော ကပြားတွေရော ဆက်မှားကြတယ်။ ပဲပိစပ်ဆီစက်ရုံဖွင့်ပွဲတဲ့ အကြီးအကဲတွေ ဖဲကြိုးဖြတ်ခဲ့ကြတယ်။ ဗီနိုင်းတွေကြော်ငြာတွေမှာ ပဲပိစပ်ဆီသန့်တဲ့၊ TV မှာပါကြော်ငြာတာနော်။ လောလောဆယ်တွေ့တာက ရွှေသြဇာ ကြော်ငြာစာအုပ်မှာ၊ ပဲပိစပ်(ပဲပုပ်)ပင်လို့ စာမျက်နှာ (၇)မှာ ဓါတ်ပုံနဲ့ပြထားတာ။ ပဲပိစပ်ကိုဆီကြိတ်လို့ ဆီမထွက်တာသူတို့မသိကြ၊ ပဲပိစပ်က ညောင်ဦးမှာ ပုန်းရည်ကြီးလုပ်တာလေ၊ ပဲပိစပ်နဲ့ လုပ်တဲ့ ပုန်းရည်ကြီးကမှ ကောင်းတာ။ မှတ်မိသေးတယ် ကျွန်တော်ဒုတိယတန်းအရွယ် ၁၉၆၇ ခုနှစ်ဘဲထင်တယ်၊ အညာမှာဆန်ဝယ်မရတော့ ပဲပိစပ်ကို ပြုတ်နေလှန်းပြီး ထမင်းမှာခု (ရော)ပြီးချက်တယ်။ နှစ်လွန်းတင်ပေါ့။ တစ်ချို့လည်းဆန်ရယ် ပြောင်းဆန်ရယ် ပဲရယ် ရောချက်ကြတယ်။ သုံးလွန်းတင်ပေါ့။ ပိုဆိုးလာတော့ ဆန်ပြုတ်သောက်ရတယ်။ ပြန်စဉ်းစားရင် စိုက်ပျိုးရေးနိုင်ငံကအညာတောင်သူတွေဘဝ ရင်နာစရာ။ ရေးရင်းနဲ့လမ်းလွဲသွားအုံးမယ်၊ ပြောချင်တာက ပဲပုပ်ကို ပဲပိစပ်လို့လွဲရေး လွဲသိနေတဲ့ကိစ္စပါ။ သိနေတဲ့ စိုက်ပျိုးရေးပညာရှင်တွေက ပြင်ပေးစေချင်တဲ့စေတနာပါ။ ပဲပုပ်ကဘဲ ဆီကြိတ်ရတာ။ တကယ်ဆို ပဲငပိလို့ ရေးရင်တော်သေး၊ မြန်မာ့စိုက်ပျိုးရေးလုပ်ငန်း (စိုက်ပျိုးရေးဦးစီးဌာန)၊ စီမံကိန်းဌာနခွဲ က ထုတ်တဲ့” မြန်မာနိုင်ငံအတွင်းရှိ အရေးကြီးပင်များ၏ ရုက္ခဗေဒဆိုင်ရာ အမည်များနှင့် မျိုးရင်းအမည်များ” စာအုပ်ရဲ့အမှတ်စဉ် ၉၄၂မှာ ပဲငပိ Soy bean ၊ ၉၅၅ မှာ ပဲပိစပ် Horse gram ၊ ၉၅၈မှာ ပဲပုပ် Soy bean မျိုးစု မျိုးစတ်နဲ့ မျိုးရင်းတွေ ဖေါ်ပြထားပါတယ်။ ပဲငပိနဲ့ ပဲပုပ် ဟာ အတူတူဖြစ်ပြီး ပဲပိစပ်က သီးသန့်ပါ။ ပဲပုပ် (ပဲငပိ)ကို သိနေကြတော့ ပဲပိစပ်ပုံတွေ ရှာတင်ပေးလိုက်ပါတယ်။ နောင်မမှားရအောင် မိမိဝန်းကျင်ကို ပြင်ပေးစေလိုပါတယ်။

သုတစိုး(နှစ်ရှည်ပင်)

 

 

ဦးလျံသင်ခုပ်

ဦးလျံသင်ခုပ်

လွန်ခဲ့သော ၅ လ က

ဘယ်ရာသီမှာစိုက်သင့်လဲ

စိုးကြည်

စိုးကြည်

လွန်ခဲ့သော ၆ နှစ် က

စိုက်ပျိူးပုံစနစ်သိလို

Aung Zin

Aung Zin

လွန်ခဲ့သော ၆ နှစ် က

စိုက်ပျိုးပုံ နည်းစနစ်များ ဖေါ်ပြပေးပါ

You

ဆက်စပ်ဆောင်းပါးများ

ဆက်စပ်မေးခွန်းများ

တီကောင်မွေးမြူရေးနည်းပညာနှင့် တီကောင်မျိုးရနိုင်မည့်နေရာ၊ ဈေးနှုန်းများသိချင်ပါတယ်။

Chan Nyein Moe • ဖြေကြားချက် 1 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 2 ခု

ပဲပင်ပေါက်ပြီး5ရက်သားမိုးမိသွားတာနိမ့်တဲနေရာရေမြုပ်သွားတယ်အများအားဖြင့်မြင့်တဲနေရာပဲကျန်တယ်အဲဒါဒီအတိုင်းထားသင့်သလားပြန်ထွန်စိုက်သင့်လားစရိတ်ကလဲများတော့အကြံပေးပါဉီး

UTheinAung • ဖြေကြားချက် 1 ခု

စပါးစိုက်ပျိုးရေးမှာ အောင်ရေကိုဘယ်အချိန်ဖြတ်သင့်လဲဗျ

Sai Kaung Myat Kyaw Kyaw • ဖြေကြားချက် 1 ခု

မိုး၄ရက်တနေကုန်မိနေပါတယ် လည်လိမ်စတွေ့နေရပီ ဥပုပ်ပင်စည်ပုပ်လေးတွေစတွေ့နေရပါပီ မိုးလင်းသွားလျှင်ဘယ်ကနေဘာစလုပ်ရမလဲ စီစဥ်တကျပြောပြပေးပါဗျ တနယ်လုံးအတွက်ပါဗျ ကျေးဇူးပါ

sithuaung • ဖြေကြားချက် 1 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။