အချိုမှုန့်ကို အပင်စိုက်ပျိုးခြင်းတွင် အသုံးချခြင်း

အချိုမှုန့်ဆိုတာ အမိုင်နိုအက်ဆစ်တစ်မျိုးဖြစ်တဲ့ ဂလူတမစ်အက်ဆစ်ပါဝင်တဲ့ မိုနိုဆိုဒီယမ် ဂလူတမိတ် (MSG) ဒြပ်ပေါင်းတစ်မျိုးပဲဖြစ်ပါတယ်။ အချိုမှုန့်ထဲမှာ ပါဝင်တဲ့ ဂလူတမစ် အက်ဆစ်က စားလိုက်ရင် လျှာထဲမှာ အရသာကိုပိုကောင်းအောင် လုပ်ဆောင်နိုင်စွမ်းရှိပါတယ်။

အချိုမှုန့်ကို ဘယ်လိုလုပ်လဲဆိုရင်တော့ ကာဗိုဟိုက်ဒြိတ်တစ်ခုခု (ဥပမာ-ပီလောပီနံ၊ ပြောင်းဖူး၊ ကြံ) ကို အဏုဇီဝဘတ်တီးရီးယားပိုးတစ်မျိုးဖြစ်တဲ့ Corynebacterium glutamicum နဲ့ ကစော်ဖောက်ပြီး ရလာတဲ့အရည်ကို အမှုန့်ပြန်လုပ်ထားတာပဲ ဖြစ်ပါတယ်။

ဒီလိုမျိုး လူတွေစားသုံးတဲ့အချိုမှုန့်ဟာ အပင်တွေအတွက်လည်း အာဟာရဓာတ်တစ်ခုအနေနဲ့ အသုံးပြုနိုင်ပါသေးတယ်။ ဘယ်လိုအကျိုးပြုနိုင်တာလဲဆိုတော့...

အချိုမှုန့်ဟာဆိုရင် ရေမှာပျော်ဝင်နိုင်တဲ့ သတ္တိရှိပြီး အပင်အတွက်လိုအပ်တဲ့ နိုက်ထရိုဂျင်၊ ပိုတက်စီယမ်၊ ကယ်လ်စီယမ် (N,K,Ca) စတာတွေအပြင် အနည်းလိုအာဟာရဓာတ်ရော အများလိုအာဟာရဓာတ်ရော ပါဝင်ပါတယ်။

နိုက်ထရိုဂျင်ဓာတ်ပါဝင်မှုမြင့်မားတာကြောင့် ကြက်ချေးမှာပါဝင်တဲ့ နိုက်ထရိုဂျင်ဓာတ်တွေလိုပဲ အပင်တွေကို အကျိုးပြုနိုင်စွမ်းရှိပါတယ်။ 

အပင်အကျိုးပြုအမိုင်နိုဓာတ်ပစ္စည်းတစ်မျိုးလည်းဖြစ်တဲ့အတွက် အပင်တွေမှာရှိတဲ့  အကျိုးပြုအဏုဇီဝပိုးတွေကိုလည်း ပိုမိုများပြားလာစေနိုင်ပါတယ်။

အချိုမှုန့်ကိုအသုံးပြုတဲ့အတွက် ..

- အပင်တွေရဲ့အစာချက်အားပိုမိုကောင်းလာခြင်း

- ပန်းပွင့်မှုကို လှုံ့ဆော်ပေးခြင်း

အကျိုးပြုပဲဖြစ်ဖု rhizobium ဘတ်တီးရီးယားကိုအားပေးစေခြင်း စတဲ့ အကျိုးကျေးဇူးတွေရနိုင်ပါတယ်။ 

အချိုမှုန့်ဟာ အပင်ထွက်ပစ္စည်းတွေနဲ့ လုပ်ထားတာဖြစ်လို့ အချိုမှုန့်ကို အပင်တွေအတွက်သုံးစွဲခြင်းက အော်ဂဲနစ်လို့လည်း ဆိုနိုင်ပါတယ်။

အပင်ကိုအချိုမှုန့်ဖျန်းပြီးလက်တွေ့စမ်းသပ်ထားတာကို ကြည့်ကြရအောင်ပါ။

ဒီအပင်လေးကတော့ အိမ်မှာရှိတဲ့ သပြေမျိုးနွယ်ဝင် Eugena အပင်ကိုစမ်းကြည့်ထားတာပါ။ ညာကအိုးမှာ လေးပင်စိုက်ထားပြီး မြေဩဇာသေချာထည့်ထားပါတယ်။ အမြစ်တွေများများပွားစေရန် နေရာကျယ်ကျယ်ပေးထားတာမျိုးတွေလုပ်ထားပါတယ်။

ဘယ်ကအိုးမှာတော့ မြေဩဇာသေချာမပေးထားဘူး။ ၅ပင်လည်းစိုက်ထားတဲ့အပြင် အိုးသေးသေးနဲ့ပျိုးထားပါတယ်။အချိုမှုန့်တစ်ခုထဲသာ ဖျန်းထားတာမျိုးပြုလုပ်ထားပါတယ်။

မြင်တဲ့အတိုင်းပါပဲ။ ၂ ပတ်သားမှာတင် ဘယ်ဘက်အိုးက အပင်တွေကပိုမိုဖြစ်ထွန်းနေတာကို တွေ့ရမှာဖြစ်ပါတယ်။

သတိထားသင့်တဲ့အချက်တချို့တော့ရှိပါတယ်။

အဲ့ဒါတွေကတော့..

အချိုမှုန့်ဖျော်ရည်ကို အပင်မှာ ရောဂါတစ်ခုခုရှိနေတဲ့အချိန်မျိုးတွေဆို အသုံးမပြုသင့်ပါဘူး။

- ဖျန်းတဲ့အခါမှာဆိုရင်လည်း ၁ လကို ၅ ကြိမ်ထက်ပိုပြီး ဖျန်းတာမျိုး မပြုလုပ်ရပါဘူး။

- အချိုမှုန့်ကို ထည့်တဲ့အခါ ဇွန်း ၅ ဇွန်းထက်ပိုပြီး ထည့်တာမျိုးကိုလည်း မပြုလုပ်ရပါဘူး။

- အချိုမှုန့်ကို အသုံးပြုတာများရင် မြေငန်၊ ဆားငန်မှုတွေကို တိုးလာစေနိုင်ပါတယ်။

အချိုမှုန့်ကို အပင်တွေအတွက် အသုံးပြုချင်ရင်တော့ ရေ ၁ ဂါလံကို ဟင်းစားဇွန်းနဲ့ အချိုမှုန့် ၁ ဇွန်းစာကို အပင်ငယ်စဉ်မှာ spray ဘူးထဲထည့်ပြီး ဖျန်းလို့ရပါတယ်။ အပင်ကြီးရင်တော့ ရေ ၁ ဂါလံကို ဟင်းစားဇွန်း ၂၊ ၃ ဇွန်း ထည့်လို့ပါတယ်။

ဖုန်းမဏ်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more