ကိုယ်ခံအားကောင်းဖို့ အထူးသင့်တော်တဲ့ ကြက်စွပ်ပြုတ်
ကိုယ်ခံအားကောင်းဖို့ ကိုယ်ခံအားကောင်းဖို့ဆိုပြီး ပြောနေရင်းနဲ့ပဲ အရသာလည်းရှိ အာဟာရလည်းဖြစ်စေတဲ့ ကြက်စွပ်ပြုတ်လုပ်နည်းကို အစိမ်းရောင်လမ်းက မျှဝေချင်ပါတယ်။
ဒီချိန်မှာက နေထိုင်လို့မကောင်းရင်ဘဲဖြစ်ဖြစ် နေလို့ကောင်းနေတာပဲဖြစ်ဖြစ် ကိုယ်ခံအားမြှင့်တင်ဖို့အတွက် အာဟာရဖြည့်စွက်ပေးတဲ့အနေနဲ့ တစ်ပတ်တစ်ခါတော့ ကြက်စွပ်ပြုတ်လေး သောက်ပေးသင့်ပါတယ်။ နေထိုင်မကောင်းလို့ ထမင်းစားလို့မရသေးရင် စွပ်ပြုတ်လေးကို အစားထိုးစားပါ။
လွယ်ကူပြီး အရသာရှိစွာချက်စားနိုင်မယ့် ကြက်စွပ်ပြုတ်ထဲမှာ...
ကြက်သား (အိမ်မိသားစုလိုအပ်သလောက်)
ဆား
ချင်း
ငရုတ်ကောင်း
ကြက်သွန်ဖြူ တစ်ဥ
ကြက်သွန်နီ ၂ လုံး
ကြက်သွန်မြိတ်
မုန်လာဥဖြူ
- ဝယ်လာတဲ့ကြက်သားကို ရေနဲ့ပြောင်အောင်ဆေးပြီး ဆားအနည်းငယ်နဲ့ပွတ်ပါ။ တစ်ကောင်လုံးသုံးချင်ရင်တော့ ကလီစာတွေထုတ်ထားဖို့လိုပါမယ်။
- ဆားနဲ့နယ်ထားပြီးသား ကြက်သားကို ရေအေးနဲ့နောက်တစ်ကြိမ်ဆေးပါ။ နောက် ရေခြောက်အောင်စစ်ပါ။
- ဆေးထားပြီးသော ကြက်သား၊ တစ်ပြားရိုက်ထားပြီးတဲ့ ကြက်သွန်ဖြူ၊ လှီးထားပြီးတဲ့ကြက်သွန်နီ၊ ပါးပါးလှီးထားသော ချင်းနဲ့ ငရုတ်ကောင်းအနည်းငယ်တို့ကို အိုးထဲကိုထည့်ပါ။
- လိုချင်သော အရသာတွက် ဆား၊ ငံပြာရည်အကြည် ထည့် (အများကြီးထည့်စရာမလိုပါဘူး ကြက်သားမှာ မူလအရသာရှိနေပြီးသားမို့ပါ)၊ ရေကို ကြက်သားမြုပ်အောင်ထည့်ပြီး မီးအေးအေးနဲ့တည်ထားပါ။
- ရေဆူပြီး အပေါ်မှာ အမြှုပ်လေးတွေတက်လာရင် ခပ်ထုတ်ပေးလိုက်ပါ။ ကြက်သားပမာဏပေါ်မူတည်ပြီး မိနစ် ၃၀ ကနေ ၅၀ ထိပြုတ်ရပါတယ်။
- တစ်ချို့ကျတော့ မီးအေးအေးလေးနဲ့ ၂ နာရီလောက်ထိပြုတ်ပါတယ်။ မီးပူပူနဲ့ အချိန်တိုတိုပြုတ်တာထက် မီးအေးအေးနဲ့ အချိန်ကြာကြာပြုတ်ပေးထားတဲ့အသားက ပိုစားလို့ကောင်းပါတယ်။
- လိုချင်တဲ့အသားအနေအထားရပြီဆိုရင် ပါးပါးလှီးထားတဲ့ မုန်လာဥဖြူကိုထည့်ပေးပါ။ ငါးမိနစ်လောက်ပြုတ်ပြီး မုန်လာဥဖြူအနေအထားသင့်ပြီဆိုရင် အရသာအပေါ့အငန်ပြင်ပြီး ကြက်သွန်မြိတ်လေးကို ဖြူးထည့်လိုက်ပါနော်။
- ဒါဆိုရင် ကျန်းမာရေးနဲ့ညီညွတ်တဲ့ ကြက်စွပ်ပြုတ်လေးကို ကြက်သွန်နီသုပ်လေးနဲ့ပဲဖြစ်ဖြစ် တွဲဖက်စားသောက်လို့ရပါပြီ။
ကြက်စွပ်ပြုတ်ကဆိုရင် ကျန်းမာရေးနဲ့ညီညွတ်တဲ့ အစားအစာတစ်ခုဖြစ်ပါတယ်။ ဖျားနာတဲ့အခါ ကျွန်တော်တို့ရဲ့ အစာချေစနစ်ကို ကျန်းမာအောင်ထားဖို့လိုအပ်ပါတယ်။ စားလိုက်သမျှအစားအစာထဲက ဗီတာမင်တွေနဲ့ အာဟာရဓာတ်တွေကို ကောင်းမွန်စွာ စုပ်ယူပေးနိုင်ဖို့လိုအပ်ပါတယ်။ ဒီလိုအစာချေစနစ်ရဲ့အဓိကတည်ဆောက်မှုတစ်ခုဖြစ်တဲ့ Glucosamine (ဂလူကိုစမင်း) ဓာတ်ကို ကြက်အရိုးတွေကနေ ထုတ်ပေးပါတယ်။ ဒါကြောင့် ကြက်စွပ်ပြုတ်က အူလမ်းကြောင်းကိုသန့်စင်စေပြီး အစာကြေလွယ်စေတာပါ။ ကြက်သားမှာကြွယ်ဝစွာပါဝင်တဲ့ Carnosine (ကာနိုစင်း) ဒြပ်ပေါင်းတစ်မျိုးက လည်ချောင်းနဲ့ နှာခေါင်းကို ရှင်းစေတယ်လို့ လေ့လာချက်တွေအရတွေ့ရပါတယ်။ ထိုဒြပ်ပေါင်းက သွေးဖြူဆဲလ်တွေရွေ့ပြောင်းခြင်းကို ရပ်တန့်စေခြင်းအားဖြင့် အသက်ရှူလမ်းကြောင်းမှာ ရောင်ရမ်းခြင်းများကို သက်သာစေပါတယ်။
စွပ်ပြုတ်ပူပူလေးသောက်လိုက်မယ်ဆိုရင် ခန္ဓာကိုယ်ရဲ့အပူချိန်ကို မြှင့်တင်ပေးပြီး နွေးနွေးလေးဖြစ်စေပါတယ်။ ခန္ဓာကိုယ်အတွင်းက ရေဓာတ်ကိုလည်း ဖြည့်ဆည်းပေးနိုင်လို့ ကြက်စွပ်ပြုတ်ကိုသောက်ဖို့ မမေ့ပါနဲ့။
ကြက်စွပ်ပြုတ် ပြုတ်သောက်တဲ့နေရာမှာ ကိုယ်လိုချင်သလို အာဟာရတွေကြွယ်ဝတဲ့ဟင်းသီးဟင်းရွက်တွေ ထည့်သောက်ပါ။ ဇီးသီး၊ ဟင်းချက်ဝိုင်၊ ရှီတာကီမှို စတာတွေကိုလည်း ထည့်ကြတာတွေ့ရပါတယ်။ ကိုယ်နဲ့တည့်ပြီး ပစ္စည်းလည်းအလွယ်တကူရှိတဲ့ ပါဝင်ပစ္စည်းတွေကို ရွေးချယ်ပြီး စားသောက်နိုင်ကြောင်းလည်း စကားလက်ဆောင်ပါးလိုက်ပါရစေ။
အားလုံး ဘေးကင်းကျန်းမာကြပါစေ။
ကျန်းမာရေးနဲ့ပတ်သက်တဲ့ အချက်အလက်များကို အောက်ပါလင့်မှ ကိုးကားဖော်ပြပါသည်။
Ref:https://www.bbcgoodfood.com/howto/guide/will-chicken-soup-really-cure-your-cold
ဆက်စပ်ဆောင်းပါးများ
ကျန်းမာရေးနှင့်ညီညွတ်သော အစာစားနည်းများ (အပိုင်း-၈)
ဒေါက်တာမျိုးကြွယ်
အသက် ၁၀၀ ကျော် ရခြင်း၏လျှို့ဝှက်ချက် - ဥယျာဉ်ခြံစိုက်ပျိုးပြုစုခြင်း
Thein Soe Min
ဟင်းသီးဟင်းရွက်တွေကို ချက်ပြုတ်တဲ့အခါ အာဟာရဓာတ်တွေ မဆုံးရှုံးအောင် ဘယ်လိုလုပ်မလဲ?
Dr. Kyaw Phyo Lwin
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 1 ခု
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
Nyi Nyi Aung • ဖြေကြားချက် 2 ခု
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
Saung • ဖြေကြားချက် 2 ခု
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
Hlaing Min Tun • ဖြေကြားချက် 1 ခု
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
မောင်ခိုင်လင်းထွန်း • ဖြေကြားချက် 1 ခု
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from ကျော့နန္ဒာစိုး
အားလုံး
