အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
တိရစ္ဆာန်ချေး မြေသြဇာ အရည် ပြုလုပ်နည်း

တိရစ္ဆာန်ချေး မြေသြဇာ အရည် ပြုလုပ်နည်း

Green Way
Green Way • Greenovator • 08/12/2017

တိရစ္ဆာန်မွေးမြူရေးခြံများမှရရှိသော မစင်နှင့် အညစ်အကြေးတို့သည် မြေဆီလွှာတိုးတက်ကောင်းမွန် အောင် ပြုလုပ်ရာတွင် အလွန်အသုံးဝင်သည်။ ၎င်းသည် မြေဆီလွှာအတွင်း အဟာရများဖြည့်ဆည်းပေး ခြင်း၊ မြေဆီလွှာ၏ တည်ဆောက်ပုံကို ပိုမိုကောင်းမွန်စေခြင်းနဲ့ ရေဓာတ်ထိန်းသိမ်းမှုနှင့် အချဉ်၊ အငန်ဓာတ်တို့ကို မျှတစေသည်။

တိရစ္ဆာန်မွေးမြူရေးခြံများမှ မစင် အညစ်အကြေးများသည် ထုထည်ကြီးမားပြီး၊ အလွန်လေးလံပါသည်။ ၎င်းတို့ကို ပုပ်သိုးဆွေးမြေ့သွားအောင် ရှေးဦးစွာပြုလုပ်ရမည်။ အဘယ်ကြောင့်ဆိုသော် လတ်ဆက်သည့် တိရစ္ဆာန်ချေးသည် အပင်များကိုလောင်ကျွမ်းစေနိုင်သည်။ အညစ်အကြေးများထဲတွင် ပေါင်းပင်အစေ့များ များစွာပါဝင်နေသောကြောင့် သင်၏ ကောက်ပဲသီးနှံ များကြားတွင် ပေါင်းပင်များလည်း ရောနှောပေါက်လာတက်ပါသည်။

တိရစ္ဆာန်၏မစင်ရည်သည် တိရစ္ဆာန်တို့၏ချေးမှ တန်ဖိုးရှိသော အဟာရဓာတ်များပါဝင်ပြီး တန်ဖိုးယုတ် လျော့စေခြင်း မရှိစေပါ။

လိုအပ်သော ပစ္စည်းကိရိယာများ

အရည်စိမ့်ထွက်နိုင်၍ ခိုင်ခံ့သော ဂုံနီအိတ် သို့မဟုတ် ချည်အိတ်

၂၀၀ လီတာပုံး (သို့) စဉ့်အိုး

ပုံး (သို့) စဉ့်အိုးပုံး၏ အဖုံး

တိရစ္ဆာန်မွေးမြူရေးခြံမှထွက်သော မစင် အညစ်အကြးများ

ပြုလုပ်နည်း

• မစင်အညစ်အကြေးများကို အိတ်အတွင်းသို့ထည့်သွင်းပြီး အိတ်၏ ထိပ်ပိုင်းကို ကြိုးဖြင့် ချည်နှောင်ထားပါ။

• ထို့နောက် အိတ်ကို ပုံး (သို့) စဉ့်အိုးထဲသို့ ထည့်သွင်းထားလိုက်ပါ။

• ပုံး (သို့) စဉ့်အိုး ထဲသို့ ရေဖြည့်ထည့်လိုက်ပါ။

• ခြင်များမဝင်နိုင်အောင် အဖုံးဖြင့်ဖုံးအုပ်ထားလိုက်ပါ။

ရလဒ်

• သီတင်း (၂) ပတ်ကြာပြီးနောက် ပုံး (သို့) စဉ့်အိုးထဲရှိ ရေများသည် လက်ဖက်ရည်အရောင်ကဲ့သို့ အညိုရောင်ပြောင်းလဲသွားပါသည်။ တိရစ္ဆာန်အညစ်အကြေးထဲတွင်ရှိသော အဟာရဓာတ်များ ရေထဲတွင် ပျော်ဝင်သွားသောကြောင့်ဖြစ်သည်။

• မစင်ရည်များကို ဖောက်ထုတ်၍ အပင်များကို တိုက်ကျွေးပါ။

အသုံးမပြုမီ

• ကောက်ပဲသီးနှံများကိုလက်တွေ့မတိုက်ကျွေးမီ အစမ်းသဘောအနေဖြင့် မြက်ပင်တစ်ကွက်ပေါ်သို့ မစင်ရည်အနည်းငယ် လောင်းချလိုက်ပါ။

• (၂) ရက် သို့မဟုတ် (၃) ရက် နောက်ပိုင်းတွင် မြက်ပင်များလောင်ကျွမ်း၍ အညိုရောင်ပြောင်းလဲသွားပါ က အဆိုပါ မစင်ရည်ကို ရေဖြင့် ထပ်မံ ရောထည့်ရပါမည်။
မှတ်သားရန်။ ။ အလေးချိန်တူသော ကြက်ချေး၊ ဝက်ချေးဖြင့်ပြုလုပ်သော မစင်ရည်သည် နွားချေး၊ သိုးချေး၊ ဆိတ်ချေးတို့ဖြင့် ပြုလုပ်သော မစင်အရည်ထက် ပိုမိုအာနိသင်ပြင်းနိုင်သည်ကို တွေ့ရပါသည်။

အကျိုးကျေးဇူးများ

အပင်များကြီးထွားသည့်အချိန်ရာသီအတွင်း၌ အပင်များအား လစဉ် သို့မဟုတ် သီတင်းနှစ်ပတ်တစ်ကြိမ် ပုံမုန်သဘောမျိုးဖြင့် လိုအပ်သောအာဟာရဓာတ်များကို တိုးမြှင့်ဖြည့်ဆည်းပေး နိုင်ရန်ဖြစ်သည်။

အပင်များသည် မြေသြဇာအရည်ကို ၎င်းတို့၏အမြစ်များမှလည်းကောင်း၊ အရွက်များ၏ အပင်ပေါက်များမှ လည်းကောင်းစုပ်ယူကြပါသည်။

မြေကြီးထဲတွင် မြေသြဇာအလုံအလောက်မရှိသောအခါများတွင် သို့မဟုတ် အပင်၏ အမြစ်များမသန်သည့် အနေအထားမျိုးတွင် အပင်၏အထက်ပိုင်း သစ်ရွက်များမှတစ်ဆင့် အာဟာရဖြည့်ဆည်းပါသည်။ အထူးသဖြင့် ဟင်းသီးဟင်းရွက်အပင်များကဲ့သို့သော အကြီးမြန်သည့် အပင်များ ကြီးထွားသည့် ရာသီအတွင်း၌ အပိုအာဟာရဖြည့်တင်းပေးခြင်းအတွက် ထိရောက်အသုံးဝင်မှု ရှိပါသည်။

အပင်၏ အမြစ်ပိုင်းတစ်ဝိုက်တွင် မြေသြဇာအရည်များကို အပင်၏အမြစ်သို့ သယ်ဆောင်ပေးနိုင်ပါသည်။

Source- Farming Technique Manual

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

Thet Paing Oo

Thet Paing Oo

လွန်ခဲ့သော ၄ နှစ် က

အချိုးအစား အတိအကျ လေးပါ ထည့်ပေးစေချင်ပါတယ် ဗျ ဥပမာ နွားချေး တစ်ပိသာ မှာ ရေဘယ်လောက်ရောရမယ် ဆိတ်ချေးတစ်ပိသာ မှာ ရေဘယ်လောက်ရောရမယ် ရောစပ်ပြီးနောက် အပင်တွေကို ဖြန်းတဲ့အခါ ရေဘယ်လောက် ရောရမယ်ဆိုတာလေး သိချင်ပါတယ်ဗျ

Oo Wah Htoo

Oo Wah Htoo

လွန်ခဲ့သော ၆ နှစ် က

ရေအပြည့်ထည့်ထားပေးရမှာလားသိချင်လို့

You

ဆက်စပ်ဆောင်းပါးများ

ဆက်စပ်မေးခွန်းများ

ဆရာတို့ခင်ဗျာ ပြောင်းပင်များ ပြောင်းဖူး ဖူးချိန်တွင် မုန့်ဖုတ်ဆော်ဒါအား အပင်ခြေပုံခြင်း ဖြင့်လည်းကောင်း အရည်ဖျော်၍ ဖျန်းပေးခြင်းဖြင့်လည်းကောင်း အဖူးထွားသည်ဟု ပြောကြပါသည်။ သို့ဖြစ်ပါ၍ ထိုအယူအဆမှာ မှန်ကန်ခြင်း ရှိ/မရှိ သိပါရစေဗျာ။ ပြောင်းစိုက်ပျိုးရေးအတွက် အသင့်တော်ဆုံးဖြစ်မယ့် မြေသြဇာကိုလည်း သိပါရစေခင်ဗျာ။ အောက်ပါပုံတွင် ပါရှိသော ပြောင်းပင်တွင်ကျရောက်နေသည့် မှိုရောဂါအတွက် မည်သို့ကုသရမည် ဆိုသည်ကိုလည်း ညွှန်ကြားပေးပါခင်ဗျာ။

ဦးနိုင်လင်းထွန်း • ဖြေကြားချက် 2 ခု

မြေပဲအတွက်များအောင်ဘာဆေ းသုံရမှာလဲဗျား

Zin Zin • ဖြေကြားချက် 2 ခု

နွားသေးအချဉ်ဖောက်ရည် ကို စပါးခင်းအတွက် ဘယ်အချိန်ထိဖျန်းရသလဲဆရာ

U Than Toe Aung • ဖြေကြားချက် 1 ခု

သက်တမ်း42ရက်သား အပင်စောစော မကျစေရန်နှင့် အပွင့်များထပ်ပွင့်အောင် ဆေးလိုက်လို့ရသေးလား ဆရာတို့အသီးအရမ်းနည်းလို့ တချို့က7တောင့်လေက်ပဲရှိလို့ မိုခါမျိုးပါဆရာတို့

Hlaing Min Tun • ဖြေကြားချက် 3 ခု

မတ်ပဲအပွင့်လိုက်တဲ့အချိန်မှာငါးအမိုင်နိုဖျန်းရင်ဘယ်လိုအကျိုးကျေးဇူးရနိုင်လည်းခဗျ ဆိုးကျိုးရောရှိနိုင်လားခဗျ🙏🙏🙏

Nay Min Htet • ဖြေကြားချက် 2 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။