ကုမ္ပဏီမိတ်ဆက် အရည်အသွေးအား အစဉ်အမြဲအလေးထားပြီး စိုက်ပျိုးသူတစ်ဦးတစ်ယောက်ခြင်း၏ လိုအပ်ချက်များ၊ အလေးထားမှုများနှင့် ကိုက်ညီသည့် ဆန်းသစ်သော စိုက်ပျိုးနည်းစနစ်များ ဖော်ဆောင်ပေးနိုင်မှုကြောင့် လူသိများ၍ထင်ရှားပါသည်။ လူ့ကျန်းမာရေးနှင့် သဘာဝပတ်ဝန်းကျင်ကို ထိခိုက်မှုမရှိပဲ သီးနှံထွက်နှုန်းနှင့် အရည်အသွေး ကောင်းမွန်စေပြီး၊ အကျိုးအမြတ် အများဆုံးရရှိ နိုင်ရန် ဆောင်ရွက်ပေးသည်။ ဝန်ထမ်းအင်အား ၁၅၀ကျော်ဖြင့် ကောင်းမွန်သည့် ကျင့်ဝတ်ဖြင့် စနစ်တကျရှိပြီး မျှော်လင့်သည်ထက် သာလွန်သော၊ အဆင့်မြင့် ဝန်ဆောင်မှုများ ပံ့ပိုးရန် သန္နိဌါန်ချထားပါသည်။ ၁၉၉၀ ခုနှစ်တွင် စတင်တည်ထောင်ခဲ့သည့် စူပရင်းကုမ္ပဏီများအုပ်စု (Supreme Group of Companies)၏ အဖွဲ့ဝင်ကုမ္ပဏီလည်းဖြစ်ပါသည်။ စူပရင်းဘိုင်အိုတက်သည် အပြည်ပြည်ဆိုင်ရာ သြဂဲနစ်စိုက်ပျိုးရေးလှုပ်ရှားမှု အဖွဲ့ချုပ်၏ အဖွဲ့ဝင်ဖြစ်ပြီး၊ စီမံခန့်ခွဲမှု နိုင်ငံတကာအသိအမှတ်ပြုလက်မှတ် ISO 9001:2018၊ မြန်မာ့သြဂဲနစ်အဖွဲ့ သြဂဲနစ်လက်မှတ်၊ ဂျပန်နိုင်ငံနှင့် မြန်မာနိုင်ငံ စက်မှုကုန်ထုတ်လုပ်သူများအသင်း၏ Responsible Care လက်မှတ်၊ မလေးရှားနိုင်ငံမှ ချီးမြှင့်သော အာဆီယံ ရွှေတံဆိပ်ဆု MCC Golden Green Award 2011 တို့ကို ရရှိထားသည့် ကုမ္ပဏီဖြစ်ပါသည်။ ကုန်ပစ္စည်းနှင့် ဝန်ဆောင်မှုများ မြေမပျက်စီး သီးနှံ မဆုံးရှုံးစေသော သြဂဲနစ်နှင့် ဇီဝမြေခံမြေသြဇာများ။ နာရီပိုင်းအတွင်း စိမ့်ဝင်အာနိသင်ပြသော နိုင်ငံတကာမှ ရွက်ဖျန်းမြေသြဇာများ။ ပတ်ဝန်းကျင်နှင့် ကျန်းမာရေးကို မထိခိုက်စေသော သြဂဲနစ် ပိုးသတ်ဆေး၊ မှိုသတ်ဆေးများ။ စိုက်ပျိုးရေး စီမံခန့်ခွဲမှုနှင့် ဈေးကွက် အကြံပေးဝန်ဆောင်မှု။ တောင်သူများနှင့် ကတိကဝတ်ပြု စိုက်ပျိုးရေးလုပ်ငန်းဆောင်ရွက်ခြင်း။ ဖုန်း၊ ဗိုင်ဘာ၊ ဖေ့ဘုတ် အရေးပေါ် ဝန်ဆောင်မှု။ ဖြန့်ဖြူးလျက်ရှိသော ကုန်ပစ္စည်းများသည် နိုင်ငံတကာမှ စံချိန်စံညွှန်း၊ နည်းစနစ်၊ အသိအမှတ်ပြု ဆုတံဆိပ်များ ရရှိထားပြီး (၁) အရည်အသွေး နှင့် စွမ်းဆောင်ရည် မြင့်မားမှု (၂) ပတ်ဝန်းကျင်နှင့် သဟဇာတဖြစ်မှုတို့ အပေါ် အဓိကထားပါသည်။ တောင်သူပညာပေး လုပ်ငန်းများ ရွာအရောက် စိုက်ပျိုးနည်းစနစ်များအား ဆွေးနွေးသုံးသပ်အကြံပေးခြင်း၊ ဦးဆောင်တောင်သူများအား စိုက်ပျိုးနည်းပညာ သင်တန်းများ ပေးခြင်း၊ တောင်သူတစ်ဦးချင်းအလိုက် သီးနှံအခက်အခဲများအား ကူညီဖြေရှင်းပေးခြင်း၊ ဖေ့ဘုတ်၊ လက်ကမ်းစာဆောင်များဖြင့် စိုက်ပျိုးနည်းပညာပေးခြင်းများ ဆောင်ရွက်ခြင်း၊ ဖုန်း၊ ဗိုင်ဘာများမှ ရောဂါပိုး၊ စိုက်နည်းစနစ်များ အရေးပေါ်ဝန်ဆောင်မှုပေး ဖြေရှင်းပေးခြင်း၊ စိုက်ပျိုးရေး စီမံခန့်ခွဲမှုလုပ်ငန်းများ စိုက်ခင်းအရောက် သီးနှံထွက်နှုန်းနှင့် အရည်အသွေးကောင်းမွန်စေရန် မြေဆီလွှာစစ်ဆေးခြင်း၊ မြေသြဇာသုံးစွဲနှုန်းထားနှင့် သုံးစွဲချိန်၊ စိုက်ပျိုးနည်းစနစ် သတ်မှတ်ချက်များ၊ ကွင်းဆင်း ကြီးကြပ် စီမံခန့်ခွဲမှုအပိုင်းနှင့် အထွက်နှုန်းခန့်မှန်းခြင်း၊ ကုန်ကျစရိတ်နှင့် အကျိုးအမြတ် တွက်ချက်ပေးခြင်းတို့ကို စနစ်တကျ စိစစ်ဆောင်ရွက်ပေးလျက်ရှိပါသည်။ ကတိကဝတ်ပြု စိုက်ပျိုးရေးလုပ်ငန်းများ သီးနှံများစိုက်ပျိုးထုတ်လုပ်ရာတွင် အသုံးပြုရမည့် မျိုး၊ မြေသြဇာဆေး၊ စိုက်စရိတ်နှင့် စိုက်နည်းစနစ်တို့ကို ပံ့ပိုးပေးပြီး ထွက်ရှိသီးနှံများ ပြန်လည်ဝယ်ယူခြင်းကို တောင်သူများနှင့် ကတိကဝတ်ပြုကာ လုပ်ငန်းဆောင်ရွက်ခဲ့သည်မှာ ဧက ၂၂၀၀၀ ကျော်ရှိခဲ့ပြီဖြစ်ပါသည်။ ကုမ္ပဏီ သမိုင်းအကျဉ်း - စူပရင်းကုမ္ပဏီများအုပ်စု၏ စိုက်ပျိုးရေးကဏ္ဍလှုပ်ရှားမှုများကို ဂျပန်နိုင်ငံမှ Onizaki Company နှင့်ပူးပေါင်း ၍ သြဂဲနစ်နှမ်း စိုက်ပျိုးခြင်းဖြင့် ၂၀၀၁ ခုနှစ်တွင် စတင်ခဲ့ပါသည်။ - မြန်မာနိုင်ငံသည် ပြည်တွင်းအသားတင်ကုန်ထုတ်လုပ်မှု၏ 60%၊ လုပ်သားအင်အားထု၏ 65%အထိ ပါဝင် လုပ်ကိုင်ဆောင်ရွက်နေသော စိုက်ပျိုးရေးလုပ်ငန်းကို အခြေခံသောနိုင်ငံဖြစ်သည့်အားလျော်စွာ စူပရင်း ကုမ္ပဏီအနေဖြင့် ၎င်း၏စိုက်ပျိုးရေးဆိုင်ရာလုပ်ငန်းများကို တိုးချဲ့ လုပ်ကိုင်ခဲ့ပါသည်။ - စူပရင်းဘိုင်အိုတက် (Supreme Bio-Tech)ကို 2004 ခုနှစ်တွင် ဖွဲ့စည်းတည်ထောင်ခဲ့ပြီး စိုက်ပျိုးရေးကဏ္ဍကို တာဝန်ယူဆောင်ရွက်စေခဲ့ပါသည်။ - Supreme Bio-Tech သည် စိုက်ပျိုးရေးတောင်သူများ အမှန်တကယ်နှင့် ရေရှည်အကျိုးအမြတ် ရရှိစေနိုင်ရန်ရည်ရွယ်၍ စိုက်ပျိုးရေးသွင်းအားစုနှင့် နည်းပညာ ပံ့ပိုးကူညီမှုများကို စိုက်ပျိုးရေးကျွမ်းကျင် ပညာရှင်များစွာဖြင့် ကျယ်ပြန့်စွာ ဆောင်ရွက်လျက်ရှိသည်မှာ သက်တမ်းအားဖြင့် (၈)နှစ်ကျော်လာပြီဖြစ်ပါသည်။ - ကမ္ဘာ့ထိပ်တန်း စိုက်ပျိုးရေး ထုတ်ကုန်နှင့် နည်းပညာကုမ္ပဏီများဖြစ်ကြသော Netafim Drip Irrigation Systems, Haifa Chemicals, Rotem Amfert Negev Ltd., Kinkurushi Cooperation အစရှိသည်တို့နှင့် လက်တွဲ၍ Project များစွာကိုလည်း အောင်မြင်စွာဆောင်ရွက်ခဲ့ပါသည်။