ဂွေးသီးရဲ့ အကျိုးသက်ရောက်မှု..

ဒီနိုင်ငံ နေရာတော်တော်များများမှာ ပေါပေါများများရနိုင်တဲ့ ဂွေးသီးကိုစားပေးရင် နှလုံးရောဂါကို ကာကွယ်ပေးနိုင်တာ၊ ဝမ်းမှန်စေတာ၊ သံဓာတ်ချို့တဲ့မှုကို ကာကွယ်ပေးနိုင်တာ၊ ကိုယ်အလေးချိန်ကို ထိန်းပေးနိုင်တာ စတဲ့ ကျန်းမာရေးကောင်းကျိုး တော်တော်များများ ရှိနေပါတယ်..။

သူ့မှာ အမျှင်ဓာတ် ကြွယ်ဝစွာပါရှိပြီး အသီးအစိမ်းနဲ့ရော၊ အမှည့်အနေနဲ့‌‌‌‌‌‌ကော နှစ်မျိုးလုံး စားသုံးနိုင်ပါတယ်..။ ဂွေးသီးကို သုပ်စားခြင်း၊ ဖျော်ရည်ဖျော်ခြင်း၊ ယိုထိုးစားခြင်း၊ အချဉ် ပေါင်းလုပ်စားခြင်းအပြင် ဂွေးသီးထောင်း၊ ဂွေးသီးငပိချက်‌တွေကို ထမင်းနဲ့စားရင်လည်း အလွန်ခံတွင်းမြိန်လှပါတယ်..။ အချို့ဒေသ‌တွေမှာတော့ ဂွေးသီးအမှည့်ကို မီးကင်၊ မီးဖုတ်ပြီး ငရုတ်သီးနဲ့လည်း ထောင်းစားလေ့ ရှိကြပါတယ်တဲ့..။

သရက်သီးနဲ့ယှဉ်ရင် ဂွေးသီးက ပိုပြီး အရည်ရွှမ်းသလို ကယ်လိုရီ ပါဝင်မှု ပိုလျော့နည်းကာ အမျှင်ဓာတ်ပါဝင်မှု ပိုများပါတယ်..။ ဆိုတော့ ဂွေးသီးမှာ ဘယ်လို အာဟာရဓာတ် တွေ ပါဝင်ပြီးကျန်းမာရေးအတွက် ဘယ်လို အထောက်အကူဖြစ်စေတယ်ဆိုတာ လေ့လာ ကြည့်ရအောင်ပါ..။

(၁) ကယ်လိုရီ ပါဝင်မှု လျော့နည်းခြင်း

ဂွေးသီးဟာ ကယ်လိုရီပါဝင်မှုအလွန်နည်းပါးတဲ့ သစ်သီးတစ်မျိုး ဖြစ်ပါတယ်..။ ဂွေးသီး ၁၀ဝ ဂရမ် အလေးချိန်မှာ ၂၉ ကယ်လိုရီပဲ ပါဝင်ပါတယ်..။ သရက်သီး ၁၀ဝ ဂရမ်မှာဆို ၆၄ ကယ်လိုရီပါဝင်တာကြောင့် သရက်သီးနဲ့ယှဉ်ရင် ဂွေးသီးမှာ ကယ်လိုရီ နှစ်ဆနီးပါး လျော့နည်းတာပါ..။

ဒါကြောင့် ကယ်လိုရီများများ မရရှိဘဲ အစာစားချင်စိတ်ကို ကျေနပ်မှု ရရှိစေတာကြောင့် ကျန်းမာရေးနဲ့ ညီညွတ်တဲ့ ကိုယ်အလေးချိန်ကို ရရှိစေပါတယ်။

(၂) နှလုံးရောဂါဖြစ်ပွားမှုကို ကာကွယ်ပေးခြင်း

ဂွေးသီးမှာ ကယ်လ်ဆီယမ်ဓါတ်တွေ ကြွယ်၀စွာပါ၀င်သလို အရည်ရွှမ်းပြီး အမျှင်ဓာတ် တွေလည်း ပေါကြွယ်ဝတာမို့ သွေးလည်ပတ်မှုကိုကောင်းမွန်စေပါတယ်..။ ဒီလို သွေးလည်ပတ်မှုကောင်းစေတာက နှလုံးရောဂါဖြစ်ပွားမှုကို ကာကွယ်ပေးနိုင်ပါတယ်တဲ့..။

(၃) အမျှင်ဓာတ် ပါဝင်မှု မြင့်မားခြင်း

ဂွေးသီးမှာ အမျှင်ဓာတ်များများ ပါဝင်ပါတယ်..။ ဂွေးသီး ၁၀ဝ ဂရမ်မှာ အမျှင်ဓာတ် ၅.၇ ဂရမ် ပါဝင်တာ‌‌ကြောင့် တစ်နေ့တာ လိုအပ်တဲ့ အမျှင်ဓာတ်ရဲ့ ၂၃ ရာခိုင်နှုန်းကို ရရှိစေပါတယ်..။ အမျှင်ဓာတ်ဟာ ဝမ်းမှန်မှန်သွားစေတာ၊ အူမကြီးရဲ့ လုပ်ငန်းဆောင်တာ တွေကို ကောင်းမွန်စေတာနဲ့ ဝမ်းချုပ်ခြင်းကင်းစေတာ စတဲ့ အကျိုးကျေးဇူးများစွာ ရရှိစေပါတယ်..။ ဒါ့အပြင် အမျှင်ဓာတ်ဟာ အစာ‌ကြေခက်ခဲတာ‌ကြောင့် ဆာ‌လောင်မှုကို ထိန်းချုပ်ထားနိုင်သလို ဆီးချို သွေးချိုရောဂါနဲ့ နှလုံးရောဂါဖြစ်နိုင်ခြေကို လျော့ကျစေနိုင် ပါတယ်..။

(၄) ဗီတာမင်စီ ပါဝင်မှု များခြင်း

ဂွေးသီးဖျော်ရည်တစ်ခွက်စာမှာ လူတစ်ဦးတစ်နေ့တာလိုအပ်တဲ့ ဗီတာမင်စီ တစ်ဝက် နီးပါး ပါဝင်ပါတယ်..။ ဗီတာမင်စီဟာ ရေမှာပျော်ဝင်တဲ့ ဗီတာမင်ဖြစ်ပြီး ခန္ဓာကိုယ်ရဲ့ လုပ်ငန်းဆောင်တာတွေအတွက် အတော်လေး လိုအပ်ပါတယ်။ ကော်လာဂျင် တည်ဆောက်မှုအတွက်လည်း လိုအပ်သလို အနာလည်း ကျက်‌စေပါတယ်..။ ဒါ့အပြင် ဗီတာမင်စီ က အရေးကြီးတဲ့ အင်တီအောက်ဆီးဒင့်တစ်မျိုးဖြစ်ပြီး ဆဲလ်တွေကို ဖရီးရယ်ဒီကယ်ကြောင့် ထိခိုက်မှု မဖြစ်‌အောင်ကာကွယ်ပေးကာ နှလုံးရောဂါနဲ့ကင်ဆာဖြစ်နိုင်ခြေကိုလည်း လျော့ကျစေပါတယ်..။ နောက်ထပ်အနေနဲ့ တော့ ဗီတာမင်စီဟာ ကိုယ်ခံစွမ်းအားစနစ် ကျန်းမာရေးအတွက် အရေးပါသလို ခန္ဓာကိုယ်က သံဓာတ်စုပ်ယူနိုင်အောင်လည်း ကူညီပေးပါတယ်..။

(၅) သံဓာတ်ပါဝင်မှု များခြင်း

ဂွေးသီးမှာ သံဓာတ်ပါဝင်မှု မြင့်မားပါတယ်..။ သံဓာတ်ဟာ ခန္ဓာကိုယ်ထဲမှာ အောက်ဆီဂျင်ပို့ဆောင်ရေးအတွက် မရှိမဖြစ်လိုအပ်တဲ့ သတ္တုဓာတ်တစ်မျိုးပါ..။ ကမ္ဘာပေါ်မှာ သံဓာတ်ချို့တဲ့သွေးအားနည်းရောဂါက အဖြစ်များပါတယ်..။

ဂွေးသီး ၁၀ဝ ဂရမ်မှာ သံဓာတ် ၃.၂ မီလီဂရမ် ပါဝင်တာကြောင့် တစ်နေ့တာ လိုအပ်တဲ့ သံဓာတ်ပမာဏရဲ့၁၈ ရာခိုင်နှုန်းကို ရရှိစေနိုင်ပါတယ်..။

(၆) ကယ်လ်စီယမ်ပါဝင်ခြင်း

ဂွေးသီး ၁၀ဝ ဂရမ်မှာ ကယ်လ်စီယမ် ၃၂ မီလီဂရမ် ပါဝင်တာကြောင့် တစ်နေ့တာ လိုအပ်တဲ့ ပမာဏရဲ့ သုံးရာခိုင်နှုန်းကို ရရှိစေပါတယ်။ ကယ်လ်စီယမ်ဟာ အရိုးတွေကို သန်စွမ်းကျန်းမာစေတဲ့ သတ္တုဓာတ်တစ်မျိုးပါ..။ ပုံမှန်ကြွက်သား လုပ်ငန်းတွေနဲ့ နာ့ဗ်သယ်ယူပို့ဆောင်ရေးအတွက် ကယ်လ်စီယမ် အလုံအလောက် မှီဝဲဖို့ လိုအပ်ပါတယ်။

ကဲ.. အခုဆိုရင် ဂွေးသီးရဲ့ကျန်းမာရေးကောင်းကျိုးတွေကို သိကြပြီမို့ စျေးချိုချိုနဲ့ ဝယ်စားလို့ရတဲ့ဂွေးသီးကို စားကြည့်ဖို့ မမေ့ကြပါနဲ့နော်။

ဘယ်အရာမဆို “တန်ဆေး….လွန်ဘေး” မို့ အလွန်အကျွံမစားဖို့တော့ ဂရုပြုသင့်ပါတယ်နော်။

မှီငြမ်း-ကျန်းမာရေးစာစောင်များ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...