၂၀၂၆နှစ်အစပိုင်းတွင် မြေပဲနဲ့ ကြက်သွန်ဖြူတို့ ဈေးတက်လာ

၂၀၂၆ နှစ်စတွင် လယ်ယာပို့ကုန်လုပ်ငန်းများအတွက် ပို့ကုန်ရငွေလဲလှယ်သည့် ၁၅ ရာခိုင်နှုန်း‌ထိဖြေလျော့မှုသည် အခွင့်အလမ်းကောင်းတစ်ခုဖြစ်သည်။ သို့သော် ပြည်ပ၀ယ်လိုအား အပြောင်းအလဲ၊ နိုင်ငံတကာဈေးကွက်အခြေအနေများက လယ်ယာပို့ကုန်များ၏ ပြည်တွင်းဈေးအပေါ်သက် ရောက် မှုများဖြစ်စေသည်။ အိမ်နီးချင်းနိုင်ငံကြီးများဖြစ်သော အိန္ဒိယ၊ တရုတ်နိုင်ငံများ၏ပြည်တွင်း လိုအပ်ချက် ၊ ဈေးကွက်မူဝါဒ အပြောင်းအလဲက မြန်မာ့လယ်ယာပို့ကုန်များအပေါ် လွှမ်းမိုးနေသည်။

ပြည်တွင်း၊ ပြည်ပဈေးအပြောင်းအလဲမတူသည့် မတ်ပဲ

၂၀၂၆ နှစ်စပိုင်း ရက်များတွင် အိန္ဒိယ၌ ပွဲတော်များရှိနေခြင်းကြောင့် မတ်ပဲ၀ယ်လိုအားတက်လာပြီးဈေးနှုန်းလည်း မြင့်တက်လာသည်။သို့သော် ရက်ပိုင်းအတွင်း ဈေးအနည်းငယ် ပြန်ငြိမ်နေသည်။ အိန္ဒိယနိုင်ငံတွင် မတ်ပဲလက်ကျန်အခြေအနေ၊ ပွဲတော်များကြောင့် ၀ယ်လိုအား မျှော်လင့်ချက်ကောင်းပြီး ၂၀၂၅ ဒီဇင်ဘာ နောက်ဆုံးရက်အထိဈေးမြင့်တက်ခဲ့‌သော မတ်ပဲက ၂၀၂၆နှစ်စပိုင်းတွင် ဈေးငြိမ်နေခြင်းဖြစ်သည်။

ယခုနှစ် ဇန်နဝါရီ ၇ တွင် အိန္ဒိယဈေးကွက်ရှိ မြန်မာ့မတ်ပဲ၏ ဈေးနှုန်းကို မတ်ပဲ FAQတစ်တန် အမေရိကန်ဒေါ်လာ ၇၉၀၊ SQတစ်တန် ဒေါ်လာ ၈၆၅ရှိကြောင်းဖော်ပြထားသည်။

သို့သာ် မြန်မာနိုင်ငံတွင် မတ်ပဲဈေးက ပြည်ပရောင်းချသည့် FOB(free on board)ဈေးတက်ပြီး ပြည်တွင်းဈေးအနည်းငယ်ကျရိပ်သန်းနေသည်။ ရန်ကုန်ဈေးကွက်တွင် မတ်ပဲ ပြည်ပသို့ရောင်းချသည့် FOBဈေးက မတ်ပဲ FAQ တစ်တန် ဒေါ်လာ ၇၀၅ - ၇၁၅မှ ၇၄၅ - ၇၅၅သို့ဈေးပြောင်းပြီး မတ်ပဲSQ တစ်တန် ‌‌ဒေါ်လာ၇၉၀ - ၈၀၀မှ ၈၂၅ - ၈၃၅ သို့‌ဈေးပြောင်းသွားသည်။

မတ်ပဲပြည်ပရောင်းဈေး တက်လာသော်လည်း ပြည်တွင်းဈေးက မတ်ပဲ FAQတစ်တန် ကျပ်၂,၇၆၄,၀၀၀ မှ ၂,၇၄၀,၀၀၀ သို့ ဈေးပြောင်းပြီး မတ်ပဲ SQ တစ်တန် ကျပ် ၃,၀၄၄,၀၀၀မှ ၃,၀၃၀,၀၀၀သို့ ဈေးပြောင်းသွားသည်။

ပဲတီစိမ်းဈေးငြိမ်

တရုတ်နိုင်ငံကို အဓိထား တင်ပို့ရောင်းချနေသည့် မြန်မာ့ပဲတီစိမ်းဈေးက ပြီးခဲ့သည့်နှစ်နောက်ဆုံးလမှ ၂၀၂၆ နှစ်ဆန်းပိုင်းအထိ ဈေးငြိမ်နေသည်။ လက်ရှိ ပဲတီစိမ်းက ပြည်တွင်းဈေးသာမက ပြည်ပရောင်းချသည် FOBဈေးလည်းငြိမ်နေခြင်းဖြစ်သည်။

ပြည်ပရောင်းချသည့် ပဲတီစိမ်း FOB ဈေးက ပဲတီစိမ်း(ရွှေဝါ)FAQတစ်တန် ဒေါ်လာ ၁,၀၈၀/ ၁,၀၉၀၊ ပဲတီးစိမ်း (အညာ) FAQတစ်တန်ဒေါ်လာ၉၅၀/၉၆၀ဖြင့် ဈေးငြိမ်နေသည်။

ပြည်တွင်းပဲတီစိမ်းဈေးက ရန်ကုန်ဈေးကွက်တွင် ပဲတီစိမ်း(အညာ)တစ်ပိဿာ ကျပ် ၅,၆၆၅/၅,၆၈၅၊ ပဲတီစိမ်း (ခရမ်းရွှေဝါနှင့် ပဲခူးရွှေဝါ)တစ်ပိဿာ ကျပ် ၆,၅၈၀၊ ပဲတီစိမ်း (ဝါးခယ်မ)FAQတစ်ပိဿာ ကျပ် ၆,၂၅၀/ ၆,၂၇၀ ဖြင့် ဈေးငြိမ်နေသည်။

မြန်မာနိုင်ငံတွင် စိုက်ဧက ၂ဒသမ၈သန်းကျော်ရှိပြီး ဆောင်းရာသီတွင်အများဆုံးစိုက်ပျိုးသည့် ပဲတီစိမ်းက ပြီးခဲ့သည့်နှစ်တွင် မိုးများသဖြင့် စိုက်ပျိုးချိန်နောက်ကျမှုများလည်းရှိခဲ့သပြီး အထွက်နှုန်းအပေါ်စိုးရိမ်မှုများလည်းရှိနေသည်။

မြေပဲဈေးတက်

ပြည်တွင်းအဓိကစားသုံးပြီး ပြည်ပဈေးကိုလည်း ရောင်းချနေသည့် ဆီထွက်သီးနှံတစ်မျိုးဖြစ်သော မြေပဲက ယခုရက်သတ္တပတ်တွင် ပြည်တွင်းဈေးသာမက ပြည်ပဈေးလည်းဈေးမြင့်တက်လာသည်။ မြေပဲကိုပြည်တွင်းဆီစက်များနှင့် လုပ်ငန်းသုံးရန် ၀ယ်လိုအားအပြင် တရုတ် အပါအ၀င် ပြည်ပနိုင်ငံများသို့တင်ပို့နေသည်။

ယခုရက်သတ္တပတ် ပြည်ပရောင်းချသည့် FOB ဈေးက တစ်တန်လျှင် ဒေါ်လာ၅၀ ဈေးမြင့်တက်သည်။ ရန်ကုန်ဈေးကွက်တွင် မြေပဲ(လုံးဆံ) FOB ဈေးက တစ်တန် ဒေါ်လာ ၁,၃၇၅/ ၁,၃၈၅မှ ၁,၄၂၅/ ၁,၄၃၅ သို့ဈေး‌ ပြောင်းသွားသည်။ မန္တလေးဈေးကွက်တွင် မြေပဲပြည်တွင်းဈေးက အမျိုးအစားအလိုက် ဈေးမြင့်တက်မှုများရှိနေသည်။ ယခုရက်သတ္တပတ်တွင် မြေပဲ S1(လုံးဆံ)တစ်တန် ကျပ် ၅,၅၁၀,၀၀၀ ကျော်မှ ၅,၆၉၀,၀၀၀ကျော် ၊မြေပဲ(အနီ) လုံးဆံတစ်တန် ၅,၁၁၀,၀၀၀ကျော်မှ ၅,၂၆၀,၀၀၀ ကျော်သို့ဈေးပြောင်းပြီးမြေပဲMတွဲ (လုံးဆံ )တစ်တန် ကျပ် ၅,၁၁၀,၀၀၀ ကျော်ဖြင့်ဈေးငြိမ်နေ သည်။

ထို့အပြင် မြေပဲS1(ဆီဆံ)တစ်တန် ကျပ် ၅,၂၀၀,၀၀၀ ကျော်မှ ၅,၃၂၀,၀၀၀ ကျော်မြေပဲ( အနီ) ဆီဆံ(ရှမ်း) တစ်တန် ကျပ် ၄,၉၆၀,၀၀၀ကျော်မှ ၅၂သိန်းကျော်သို့ ဈေးပြောင်းပြီး ၊မြေပဲMတွဲဆီဆံတစ်တန်ကျပ်၅,၂၆၀,၀၀၀ ကျော်ဖြင့်ဈေးငြိမ်နေသည်။

ပဲကြီး ဈေး‌အ‌ပြောင်းအလဲ

ပြည်တွင်းအဓိကစားသုံး ပြီး ပြည်ပတင်ပို့မှုရှိနေသည့် ပဲကြီးက ရန်ကုန်ဈေးကွက်တွင် အမြင့်ဈေးဖြင့်ငြိမ်နေသော်လည်း မန္တလေးဈေးကွက်တွင် အမျိုးအစားအလိုက် ဈေးကျဆင်းလာသည်။ ရန်ကုန်ဈေးကွက်တွင် ပဲကြီး ပြည်ပရောင်းချသည့် FOB ဈေးကတစ်တန် ဒေါ်လာ ၁,၂၀၅/၁,၂၁၅ ဖြင့်ဈေးငြိမ်နေသည်။ ထို့အပြင် ပြည်တွင်းဈေးကလည်း ပဲကြီး(ရွှေကျွန်း)တစ်ပိဿာ ကျပ် ၁၀,၂၆၅/ ၁၀,၆၂၀ ဖြင့်ဈေးငြိမ်နေသည်။

သို့သော် မန္တလေးဈေးကွက်တွင် ပဲကြီးအသစ်များ အ၀င်ရှိနေခြင်းကြောင့် ဈေးအနည်းငယ်အပြောင်းအလဲရှိသည်။

မန္တလေးဈေးကွက်တွင်ပဲကြီး (ကြီး)တစ်တန် ကျပ် ၆,၄၂၀,၀၀၀ကျော်မှ ၆၂သိန်းကျော်၊ ပဲကြီး(လတ်) တစ်တန် ၅,၈၇၀,၀၀၀ ကျော်မှ -၅,၅၄၀,၀၀၀ ကျော်သို့ဈေးပြောင်းပြီး ပဲကြီး(သေး) တစ်တန်ကျပ်၄,၉၈၀,၀၀၀ ကျော်ဖြင့်ဈေးငြိမ်နေသည်။

ကြက်သွန်ဖြူဈေးတက်

ပြည်တွင်းအဓိကစားသုံးပြီး ပြည်ပတင်ပို့ရှိနေသည့် စားဖိုဆောင်သီးနှံတစ်မျိုးဖြစ်သော ကြက်သွန်ဖြူက ယခုရက်သတ္တပတ်တွင် ဈေးပြန်တက်လာသည်။ ပြီးခဲ့သည့်ရက်သတ္တပတ်က တရုတ်မှတင်သွင်းသည့် ကြူကုတ် ကြက်သွန်ဖြုသာမက ရှမ်းကြက်သွန်ဖြူကလည်းဈေးကျဆင်းခဲ့သည်။ သို့သော် ယခုရက်သတ္တပတ်တွင် ကြက်သွန်ဖြူအားလုံး ပြည်တွင်းဈေးသာမက ပြည်ပရောင်းချသည့်ဈေးလည်းပြန်လည် မြင့်တက်လာသည်။

ပြီးခဲ့သည့် ရက်သတ္တပတ်တွင်ကြက်သွန်ဖြူ (2025 crop) ၏ FOBဈေးက တစ်တန်ဒေါ်လာ ၇၆၀/၇၇၅မှ ၁,၁၂၅/ ၁,၁၄၀ဈေးဖွင့်ခဲ့သော်လည်း ယခုရက်သတ္တပတ်တွင် ဒေါ်လာ ၈၅၀/၈၆၅မှ ၁,၂၁၅/ ၁,၂၃၀အထိ ဈေးပြောင်းလဲသည်။

ကြက်သွန်ဖြူ ပြည်ပဈေးမြင့်တက်လာသကဲ့သို့ ပြည် တွင်း(လက္ကား) ဈေးကလည်း တရုတ်နိုင်ငံမှတင်သွင်းသည့် (ကြူကုတ် )ကြက်သွန်ဖြူ တစ်ပိဿာကျပ်၁၂,၀၀၀ /၁၃,၀၀၀ မှ ၁၃,၀၀၀/၁၃,၅၀၀၊ ရှမ်းပြည်နယ်မှ စိုက်ပျိုးထုတ်လုပ်သည့် အောင်ပန်း (ထူး-၂) တစ်ပိဿာ ကျပ် ၃,၅၀၀မှ ၅,၅၀၀၊ အောင်ပန်း (ထူး-၃)တစ်ပိဿာ ကျပ် ၄,၅၀၀မှ၆,၅၀၀၊ အောင်ပန်း( ထူး-၄) တစ်ပိဿာ ကျပ် ၅,၅၀၀မှ ၇,၅၀၀၊ အောင်ပန်း (ထူး-၅) တစ်ပိဿာ ကျပ် ၆,၅၀၀မှ ၈,၅၀၀သို့ဈေးပြောင်းသွားသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...