အိန္ဒိယဘက်က မတ်ပဲတန်ချိန် ၅၀၀၀၀ နဲ့ ၇၅၀၀၀ ကြား တင်သွင်းရန် ရှိနေဟုဆို

04/07/2022 16:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

အိန္ဒိယအစိုးရက မြန်မာနိုင်ငံကနေ မတ်ပဲတန်ချိန် ၅၀၀၀၀ နဲ့ ၇၅၀၀၀ ကြားတင်သွင်းဖို့ရှိနေတယ်လို့ မြန်မာ့ကုန်သွယ်မှုမြှင့်တင်ရေးအဖွဲ့၊ ဧရာကုန်သွယ်မှုဗဟိုဌာနက သတင်းထုတ်ပြန်လိုက်ပြီး မတ်ပဲဈေးဟာလည်း ဆက်တက်နေဆဲဖြစ်ပါတယ်။

 

စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာတဲ့ ဈေးနှုန်းအချက်အလက်တွေအရ ရန်ကုန်ဘုရင့်နောင်ဈေးကွက် မတ်ပဲဈေးနှုန်းတွေဟာ ပြီးခဲ့တဲ့အပတ် တနင်္လာကနေ သောကြာနေ့အတွင်း တစ်တန် ကျပ် ၈၀၀၀၀ ကျော်စီ ဈေးတက်ခဲ့တယ်လို့ သိရပါတယ်။

 

ဒီတစ်ပတ်အဖွင့်ဈေးဖြစ်တဲ့ ဒီနေ့ ဇူလိုင် ၄ ရက်မှာလည်း မတ်ပဲဈေးဟာ ထပ်တက်လာပြီး မတ်ပဲ(FAQ/RC - 2022) ဟာ တစ်တန်ကို ၁၇၀၇၅၀၀ (တစ်တင်းဈေးနှုန်း ၅၄၉၀၀ ကျပ်) ဖြစ်လာပြီး မတ်ပဲ (SQ/RC-2021) ကတော့ တစ်တန်ကို ၁၉၃၇၅၀၀ ကျပ် (တစ်တင်းဈေးနှုန်း ၆၂၃၀၀ ကျပ်) ဖြစ်လာတာပါ။

 

မြန်မာမှာလဲ ပြည်တွင်းပဲလက်ကျန်နည်းလာသည်နှင့်အမျှ ဈေးကလည်းတက်လာနေတာ ဖြစ်ပေမယ့် အိန္ဒိယမှာတော့ ဈေးအမြင့်မှာငြိမ်နေတယ်လို့ ဧရာကုန်သွယ်မှုဗဟိုဌာနရဲ့ သတင်းထုတ်ပြန်မှုအရ သိရပါတယ်။

 

အိန္ဒိယအစိုးရရဲ့ လက်ရှိအရန်ပဲလက်ကျန်က ပဲတီစိမ်းတန်ချိန် ၁၁၀၀၀၀၊ မတ်ပဲတန်ချိန် ၂၀၀၀၀၊ ပဲစင်းငုံတန်ချိန် ၉၀၀၀၊ ပဲရာဇာတန်ချိန် ၇၀၀၀နဲ့ ကုလားပဲကတော့ တန်ချိန် ၃၂၀၀၀၀၀ ရှိနေပြီး ပဲလက်ကျန်နည်းနေတယ်ဆိုပေမယ့် အိန္ဒိယအစိုးရဟာ ရှိတဲ့ပဲလက်ကျန်နဲ့ပဲ ပဲဈေးအများကြီးတက်မလာအောင် ပဲဈေးကွက်ကို ထိန်းချုပ်ဖို့ကြိုးစားပါလိမ့်မယ် လို့ ဧရာကုန်သွယ်မှုဗဟိုဌာနက သုံးသပ်ထားပါတယ်။

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်