မတ်ပဲဈေး ဆက်လက်မြင့်တက်နေပြီး ဧပြီ ၄ ရက်ဈေးနှုန်းနောက်ပိုင်း တစ်တန် ကျပ် ၁၂၀၀၀၀ ခန့် ပိုမြင့်လာ

အခု သင်္ကြန်ကာလအလွန် အဖွင့်ဈေးမှာ သင်္ကြန်မတိုင်ခင်ကာလကထက် ဈေးတွေ မြင့်တက်လာတဲ့ မတ်ပဲဈေးတွေဟာ ဒီနေ့မှာလည်း ဆက်လက်မြင့်တက်မှုတွေ ရှိနေပါတယ်။

ရန်ကုန် ဘုရင့်နောင်ဈေးကွက်အတွင်း မတ်ပဲ(FAQ/RC) ဈေးနှုန်းဟာ မနေ့က ကျပ် ၁၄၈၁၀၀၀ ရှိခဲ့ရာကနေ ဒီနေ့မှာတော့ ကျပ် ၉၀၀၀ ဈေးတက်လာပြီး ၁၄၉၀၀၀၀ ထိဖြစ်လာပါတယ်။ သင်္ကြန်ကာလမတိုင်ခင် နောက်ဆုံးဈေးကွက်ဖွင့်ခဲ့တဲ့ ဧပြီ ၈ ရက် ဈေးနဲ့ဆိုရင် တစ်တန်ကို ကျပ် ၁၀၀၀၀ ထိ ဈေးတက်လာတာပါ။

မတ်ပဲ (SQ/RC) ကလည်း တစ်တန်ကို ကျပ် ၉၀၀၀ ဈေးထပ်တက်လာပါတယ်။ မနေ့ က ကျပ် ၁၆၈၁၀၀၀ သာ ရှိခဲ့ရာကနေ ဒီနေ့မှာတော့ တစ်တန်ကို ကျပ် ၁၆၉၀၀၀၀ ထိ ဖြစ်သွားတာပါ။

အောင်လံဈေးကွက်မတ်ပဲဈေးဟာလည်း သင်္ကြန်မတိုင်ခင်က တစ်တင်း ကျပ် ၄၅၀၀၀ သာ ရှိခဲ့ရာကနေ သင်္ကြန်ပိတ်ရက်အပြီး မနေ့က ဧပြီ ၁၈ ရက်မှာ တစ်တင်း ကျပ် ၄၆၅၀၀ ဖြစ်လာကာ ဒီနေ့မှာတော့ ကျပ် ၅၀၀ ထပ်တက်ပြီး တစ်တင်းကို ကျပ် ၄၇၀၀၀ ပေါက်ဈေးရှိနေတယ်လို့ သိရပါတယ်။ 

ပဲစင်းငုံနီ (အာစီ) ကတော့ ဈေးဆက်ကျနေပြီး မနေ့က တစ်တန်ကို ကျပ် ၁၄၂၂၅၀၀ ရှိရာကနေ ဒီနေ့မှာတော့ တစ်တန်ကို ကျပ် ၁၄၂၀၀၀၀ ဖြစ်သွားပါတယ်။ 

နိုင်ငံခြားသုံးငွေကြေးနဲ့ပတ်သက်ပြီး ဗဟိုဘဏ်က ဧပြီ ၃ ရက်မှာ ပြောင်းလဲလိုက်တဲ့မူဝါဒကြောင့် ပဲတင်ပို့သူတွေကြား ရိုက်ခတ်မှုတွေ ရှိခဲ့ပြီး ဧပြီ ၄ ရက်မှာတော့ မတ်ပဲဈေးကလည်း တစ်တန်ကို ၁ သိန်းနီးပါးအထိဈေးကျဆင်းသွားခဲ့တာ ဖြစ်ပါတယ်။ နောက်ပိုင်းမှာတော့ ဈေးက ဆက်တိုက်ပြန်လည် မြင့်တက်လာရာမှာ လက်ရှိမှာတော့ ဧပြီ ၄ ရက် ဈေးထက်စာရင် တစ်တန်ကို ကျပ် ၁၂၀၀၀၀ ခန့် ဈေးမြင့်တက်လာတာဖြစ်ပါတယ်။ 

မတ်ပဲ (SQ/RC) ဆိုရင် ဧပြီ ၄ ရက်က တစ်တန်ကို ကျပ် ၁၅၅၀၀၀၀ သာရှိခဲ့တာဖြစ်လို့ ဒီနေ့ ဧပြီ ၁၉ ရက်နဲ့ယှဉ်ရင် တစ်တန်ကို ကျပ် ၁၄၀၀၀၀ ခန့်ထိ မြင့်တက်လာတာဖြစ်ပါတယ်။

အိန္ဒိယက ပဲလိုအပ်ချက်ရှိတာ၊ ပြည်တွင်း မတ်ပဲက ထွက်ရှိမှုနှုန်းလျော့မယ်ဆိုတဲ့သတင်း စတာတွေကြောင့် မတ်ပဲဈေးတွေ ပြန်တက်လာခဲ့တာဖြစ်တယ်လို့ သိရပါတယ်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more