မတ်ပဲဈေး တစ်တန် ကျပ် ၂၅၀၀၀ ခန့် ဆက်တက်နေပြီး ဆက်တက်နိုင်ဖွယ်ရှိဟုဆို

ဈေးဆက်တိုက်အတက်ရှိနေတဲ့ မတ်ပဲဈေးဟာ ဒီနေ့မှာလည်း ရန်ကုန်ဘုရင့်နောင်ဈေးကွက်မှာ တစ်တန်ကို မနေ့ကထက် ကျပ် ၂၄၅၀၀ စီမြင့်တက်လာပါတယ်။ မတ်ပဲ(အက်ဖ်အေကျူ၊အာစီ)ကော မတ်ပဲ(အက်စ်ကျူ၊အာစီ) ကော တစ်တန်ကို ၂၄၅၀၀ ကျပ်စီ မြင့်တက်လာတာပါ။

မြန်မာ့ကုန်သွယ်မှုမြှင့်တင်ရေးအဖွဲ့၊ ဧရာကုန်သွယ်မှုဗဟိုဌာနရဲ့သတင်းထုတ်ပြန်ချက်မှာတော့ ယခင်နှစ်ကာလတူတင်သွင်းမှုနဲ့ နှိုင်းယှဉ်ရင် အိန္ဒိယနိုင်ငံမှ မတ်ပဲဝယ်ယူတင်သွင်းမှုနည်းသွားပေ မယ့် သူတို့နိုင်ငံတွင်း မတ်ပဲဈေးကျသွားခြင်းမရှိလို့ မြန်မာပြည်တွင်းမတ်ပဲဈေးနှုန်းဟာလည်း ကျဆင်းသွားတာမရှိတာဖြစ်တယ်လို့ ဆိုထားပါတယ်။

အိန္ဒိယနိုင်ငံဘက်မှ ဝယ်လိုအားပြန်ကောင်းလာရင် မတ်ပဲဈေးဆက်တက်နိုင်ဖွယ်ရှိပြီး လက်ရှိမြန်မာမတ်ပဲဈေးနှုန်းသည် မြန်မာငွေကြေးဈေးနှုန်းနှင့် ဒေါ်လာငွေလဲလှယ်မှု၊ စက်သုံးဆီဈေးနှုန်းမြင့်တက်လာမှုတို့အပေါ်မူတည်နေကြောင်းနဲ့ အိန္ဒိယနိုင်ငံ၏ပဲလိုအပ်ချက်များပြားမှုနှင့် ရာသီဥတုအခြေအနေများအရ မတ်ပဲဝယ်လိုအားပြန်ကောင်းလာနိုင်ပြီး ဈေးနှုန်းအတိုင်းအတာတစ်ခုအထိ ဆက်လက်မြင့်တက်လာနိုင်သေးတယ်လို့လည်း ဧရာကုန်သွယ်မှုဗဟိုဌာနက ဆိုထားပါတယ်။

ကြက်သွန်နီဈေးနှုန်းတွေကတော့ အတက်ရပ်ပြီး မနေ့ကအတိုင်းပဲရှိနေသလို ကြက်သွန်ဖြူဈေးနှုန်းတွေကလည်း မနေ့ကဈေးနှုန်းအတိုင်းပဲ အပြောင်းအလဲ မရှိပါဘူး။

ဒီနေ့ ရန်ကုန်ဘုရင့်နောင်ဈေးကွက် ကြက်သွန်နီနဲ့ မတ်ပဲဈေးနှုန်းတွေကတော့ အောက်ပါအတိုင်း ဖြစ်ပါတယ်။

မတ်ပဲ(အက်ဖ်အေကျူ၊အာစီ) (၂၀၂၂) (၁)တန် 1535500 ကျပ်

မတ်ပဲ(အက်စ်ကျူ၊အာစီ) (၂၀၂၁) (၁)တန1725500 ကျပ်

ကြက်သွန်နီ (ဆိပ်ဖြူရှယ်)(သစ်) (၁)ပိဿာ 1900 ကျပ်

ကြက်သွန်နီ (ဆိပ်ဖြူလတ်ကြီး) (၁)ပိဿာ 1800 ကျပ်

ကြက်သွန်နီ (ဆိပ်ဖြူလတ်သန့်) (၁)ပိဿာ 1650 ကျပ်

ကြက်သွန်နီ(ဆိပ်ဖြူလတ်ချော) (၁)ပိဿာ 1300 ကျပ်

ကြက်သွန်ဖြူ(ကြူကုတ်)(ရှယ်) (၁)ပိဿာ 2600 မှ 2800 ကျပ်

ကြက်သွန်ဖြူ(အောင်ပန်း ထူး ၂) (၁)ပိဿာ 2000 မှ 2100 ကျပ်

ကြက်သွန်ဖြူ(အောင်ပန်း ထူး ၃) (၁)ပိဿာ 2600 မှ 2700 ကျပ်

ကြက်သွန်ဖြူ(အောင်ပန်း ထူး ၄) (၁)ပိဿာ 3000 မှ 3400 ကျပ်

ကြက်သွန်ဖြူ(အောင်ပန်း ထူး ၅) (၁)ပိဿာ 3700 မှ 3800 ကျပ်

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

နိုင်ငံတစ်ဝန်း စပါး၊ ဆန်၊ ပဲများအပါအဝင် သီးနှံမျိုးစုံဈေးနှုန်းများကို သိလိုပါက အစိမ်းရောင်လမ်း App ရှိ နေ့စဉ်ဈေးနှုန်းများကဏ္ဍထဲတွင် သက်ဆိုင်ရာမြို့နယ်တစ်ခုချင်းစီအလိုက် ဝင်ရောက်ကြည့်ရှုနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။