ငါးမြင်းငါး

16/03/2020 12:30 PM တွင် နှင်းဖြူဖြူ နှင်းဖြူဖြူ မှ ရေးသား ပြီး Greenovator Greenovator မှ ပေးပို့ထားပါသည်။

ငါးမြင်းငါးမှာ ဦးခေါင်းတို၍ ကိုယ်ပြားပြီး နှုတ်ခမ်းမွှေးပါသည့် အကြေးခွံမဲ့ ရေချိုငါးတစ်မျိုး ဖြစ်သည်။ ငါးအသားထူပြီး အကြေးခွံမပါ၊ အရေခွံချည်းသာပါသည်။ အမြင့်ဆုံးခန္ဓာကိုယ်အလျားမှာ (၁၃၈) စင်တီမီတာအထိရှိကြပါသည်။

ငါးမြင်းငါးမျာ သိပ္ပံအမည်- Silonia Silondia ဖြစ်ပြီး အင်္ဂလိပ်အမည် Silond Catfish or Butter Catfish ဟူ၍ သိရပါသည်။ မြန်မာနိုင်ငံအပြင် အိန္ဒိယ၊ ပါကစ္စတန်၊ နီပေါ စတဲ့ နိုင်ငံတွေမှာလည်း တွေ့ရှိရပါသည်။

ငါးမြင်းမှာ ငါးတန်နှင့်ဆင်တူသည်ဟု ထင်ရသော်လည်း ကွဲလွဲမှုများ ရှိကြပါသည်။ ငါးမြင်းငါး၏ ရှေ့ကျောရိုးပေါ်တွင် ဆူးတောင်သေးသေးလေးတစ်ခု ပါရှိပြီး ငါးတန်ငါးတွင် မပါရှိပါ။ ငါးမြင်းအသားမှာ အဝါရောင်သန်းနေပြီး အရေခွံပါးကာ အဆီနည်းပါးသည်။ ငါးတန်က အရေခွံထူ၍ အဆီများကာ အသားနီသည်။ ငါးမြင်းဦးခေါင်းမှာ ငါးတန်ထက် ပိုကြီးပါသည်။

ငါးမြင်း၊ ငါးတန် တို့ရဲ့ ဝမ်းပျဉ်းသားကိုစားခြင်းသည် ငါးကြီးဆီစားသကဲ့သို့ အကျိုးအာနိသင်ရှိသည်ဟု သိရပါသည်။ ငါးမြင်းအသားမှာ သဲခြေကိုနိုင်ပြီး သလိပ်ကို ပါးစေပါသည်။ အားကုန်ခမ်းသော အနာကို ပျောက်စေသည်။ ချိုဆိမ့်သော အရသာရှိသည်။

နာမည်ကြီး ငါးမြင်းဟင်းလျာများမှာ ငါးမြင်းဆီပြန်၊ ငါးမြင်းဗိုက်သားဆီပြန်၊ ငါးမြင်းခေါင်းချဉ်ရည်ဟင်း၊ ငါးမြင်းပင်စိမ်းအုပ်ချက်၊ ငါးမြင်းဆီကျန်ရေကျန်အချဉ်ဟင်းတို့ဖြစ်ပါသည်။ ငါးမြင်းငါးမှာ စား၍အရသာကောင်းမွန်သည့် ငါးအမျိုးအစားထဲတွင် ပါဝင်ပါသည်။ ထို့ကြောင့် ငါးမြင်းဟင်းချက်ရာတွင် ဆီသတ်တာကို နိုင်ဖို့ လိုပါသည်။ ငါးမြင်းမှာ အကြေးခွံမပါ၊ အရေခွံသက်သက်မို့ မခုတ်မပိုင်းခင် အကောင်လိုက်ကို ဆား သို့မဟုတ် မန်ကျည်းသီးမှည့်နှင့် နယ်ဖတ်ပြီး အရင်ဆေးပေးရပါသည်။ ထို့မှသာ အချွဲများစင်ပြီး အညီနံ့လည်း သက်သာစေမည် ဖြစ်သည်။

ငါးမြင်းခုတ်သားမှာ အရောင်းများပါသည်။ ငါးမြင်းခုတ်သားတစ်ပိဿာ (၁၀၀၀၀ – ၁၂၀၀၀)ကျပ် ဝန်းကျင်ရှိကြပြီး တန်ဖိုးမြင့်ငါးတွင် ပါဝင်ပါသည်။

ငါးမြင်းငါးကို-

Phylum (မျိုးပေါင်းစု) – Chordata

Class (အမျိုးအစား) – Actinopterygii

Order (မျိုးစဉ်) – Siluriformes

Family (မျိုးရင်း) – Schibeidae

Genus (မျိုးစု) – Silonia

Species (မျိုးစိတ်) – Silonia Silondia

Common Name (အများအခေါ်) – Butter Catfish (or) Silond Catfish ဟူ၍ ဖြစ်ပါသည်။

ပင်လယ်ပြာ (ငါး/ဦးစီး)

( ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့် )


Natural Cure Co.,Ltd ကြော်ငြာ

ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်