အစိမ်းရောင်လမ်း
Greenovator
မြန်မာ့ပီလောပီနံကို တရုတ်နိုင်ငံမှ လာရောက်စစ်ဆေးသွားနိုင်ဖို့အတွက် ကမ်းလှမ်းတာဖြစ်ကြောင်း မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။
သူတို့နိုင်ငံရဲ့ ပီလောပီနံလိုအပ်ချက်များရှိတာကြောင့် အရင်လာရောက်စစ်ဆေးသွားမှာဖြစ်တယ်လို့ မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးစိုးသန်းမင်းဒင်ကပြောပါတယ်။
သူတို့လိုချင်တာကိုဝယ်မှာဖြစ်တဲ့အတွက် လိုအပ်တဲ့သီးနှံကိုပဲ အရင်လာရောက်စစ်ဆေးတာပါ။ ပီလောပီနံကို လာစစ်မယ်လို့တော့ပြောတယ်။ ဦးစားပေးတဲ့ထဲမှာ တောင်းတာတော့မဟုတ်ဘူး။ ပီလောပီနံကိုလာပြီးစစ်ဖို့အတွက်ကိုလည်း သူတို့က ကမ်းလှမ်းနေပြီ
မြန်မာ့သီးနှံ (၂၂)မျိုးထဲမှ ဦးစားပေး(၅)မျိုးဖြစ်တဲ့ ထောပတ်သီး ၊နာနတ်သီး ၊ ကျွဲကော်သီး ၊ဌက်ပျောသီးနဲ့ သံပုရာသီးကို တောင်းဆိုခဲ့ပြီး ဌက်ပျောသီးကိုသာ လာရောက်စစ်ဆေးမှုများရှိသေးကြောင်း အဆိုပါအသင်းမှ သိရပါတယ်။
ယခင်ကမြန်မာ့သီးနှံများကို ဂိတ်ပေါက်(၂)ခုကသာ တင်ပို့နိုင်ခဲ့ပေမယ့်လည်း ၂၀၁၉ ခုနှစ် နိုဝင်ဘာ (၂၆) ရက်နေ့ မှစတင်ကာ အခြားဂိတ်ပေါက်များမှာပါ တင်ပို့နိုင်ဖို့အတွက် ထပ်မံခွင့်ပြုလိုက်တာဖြစ်တယ်လို့ မြန်မာနိုင်ငံသစ်သီးဝလံပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။
တိုးတိုးခိုင်(ABM)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}