လာအိုမှရထားဖြင့်တိုက်ရိုက်တင်ပို့မှုကြောင့် တရုတ်တွင် ဒူးရင်းသီးဈေး ထက်ဝက်ကျော်ကျဟုဆို

ထိုင်းကနေတင်သွင်းတဲ့ဒူးရင်းသီးတွေကို လာအိုကနေတစ်ဆင့် အမြန်ရထားနဲ့တိုက်ရိုက်တင်သွင်းနိုင်ခဲ့မှုကြောင့် တရုတ်နိုင်ငံတွင်းမှာ ဒူးရင်းသီးဈေး ထက်ဝက်ကျော်ကျဆင်းသွားတယ်လို့ မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်လာပါတယ်။

‘ အနံ့ပြင်းပြီး စားကောင်းတဲ့၊ အရသာနူးညံ့ပြီး ထူးခြားတဲ့ “သစ်သီးများရဲ့ဘုရင်” ဒူးရင်းသီးဟာ တရုတ်သစ်သီးဈေးကွက်နဲ့ စားသုံးသူများရဲ့ များစွာနှစ်ခြိုက်မှုကို ရရှိနေပါတယ်။ ဧပြီလဆန်းမှာ တစ်ကီလိုလျှင် ယွမ် ၁၀၀ တန်ဖိုးရှိတဲ့ ဒူးရင်းသီးဈေးဟာ “မေဒေး” အပြီးမှာ ဈေးကျသွားပါတယ်။ ဒေသတော်တော်များများမှာ ဒူးရင်းသီးဈေးဟာ ဝ.၅ ကီလိုဂရမ်ကို ၂၀ ယွမ်လောက်အထိ ကျဆင်းသွားပါတယ်’ ဆိုပြီး တရုတ်သံရုံးရဲ့သတင်းထုတ်ပြန်ချက်မှာ ဖော်ပြထားပါတယ်။

ဆိုတော့ ဒီထုတ်ပြန်ချက်အရဆို တစ်လအတွင်း တရုတ်နိုင်ငံတွင်း ဒူးရင်းသီးဈေးနှုန်းဟာ အရင် တစ်ကီလို ယွမ် ၁၀၀ ကနေ တစ်ကီလို ယွမ် ၄၀ ထိ ကျသွားတာဖြစ်ပါတယ်။ (ယွမ် ၁၀၀ = ၁၄.၄၄ ဒေါ်လာခန့်)

‘ ယခုနှစ် ဒူးရင်းသီးဈေး ဘာကြောင့် ဒီလောက်ဈေးသက်သာရတာလဲဆိုတော့ တရုတ်-လာအို မီးရထား လမ်းရဲ့ “အမြန်ရထား” မှာ လိုက်ပါစီးနင်းလာလို့ပါပဲ။ ယခုနှစ်မှာ တရုတ်-လာအိုမီးရထားနဲ့ ပို့ဆောင်တာ ကြောင့် တရုတ်နိုင်ငံသို့ ဒူးရင်းသီးများ တင်ပို့မှုကြာချိန်ကို အများဆုံး ၇ ရက်မှ ၃ ရက်အထိ လျှော့ချနိုင်ခဲ့တယ်လို့ ထိုင်းနိုင်ငံ ဒူးရင်းသီးတင်ပို့သူများက ပြောကြားပါတယ်’ လို့လည်း သတင်းထုတ်ပြန်ချက်မှာ ဖော်ပြထားပါတယ်။

‘ ထိုင်းနိုင်ငံ Map Ta Phut ဘူတာမှ တရုတ်နိုင်ငံ ကွမ်ကျိုးသို့ ပြေးဆွဲတဲ့ “ဒူးရင်းသီးရထား” ဟာ ထိုင်းနိုင်ငံမှ တရုတ်နိုင်ငံသို့ သစ်သီးများ ပို့ဆောင်မှုကြာချိန်ရဲ့ အမြန်ဆုံးစံချိန်ကို ချိုးနိုင်ခဲ့ပြီး သယ်ယူ ပို့ဆောင်မှုအတွင်း ဆုံးရှုံးနိုင်ခြေလည်း သိသိသာသာ လျော့ကျသွားခဲ့ပါတယ်။ ဧပြီလမှစ၍ ဒူးရင်းသီး၊ ပိန္နဲသီး၊ မင်းကွတ်သီး၊ လုံငန်သီး၊ ကျွဲကောသီး စတဲ့ အပူပိုင်းဒေသထွက် သစ်သီးအများအပြား ဈေးကွက်ဝင်လာပြီး နေ့စဉ် တရုတ်-လာအိုမီးရထားဖြင့် သစ်သီးပို့ဆောင်တဲ့ အထူးရထားဖြင့် တရုတ်နိုင်ငံသို့ ပို့ဆောင်ပေးလျက်ရှိပါတယ်။ ယခုနှစ် “မေဒေး” ကာလမှာ တရုတ်-လာအိုမီးရထားဖြင့် အပူပိုင်းဒေသထွက် သစ်သီးဝလံများ တင်သွင်းမှု တန်ချိန် ၁၁၀၀၀ ရှိခဲ့ပါတယ်’ လို့လည်း တရုတ်သံရုံးဘက်က သတင်းထုတ်ပြန်ချက်မှာ ထည့်သွင်းပြောကြားထား ပါတယ်။

တရုတ်နှင့် လာအိုအကြား ဖောက်လုပ်ထားသတဲ့ ရထားလမ်းဟာ ၂၀၂၁ ခုနှစ် နှစ်ကုန်ပိုင်းမှ စတင်ဖွင့်လှစ်ခဲ့ခြင်းဖြစ်ပြီး ၂၀၂၃ ခုနှစ် ပထမ ၃ လပတ်အတွင်းမှာတော့ တရုတ် - လာအို မီးရထားလမ်းကို အသုံးပြု၍ ကုန်သွယ်ခဲ့တဲ့ ပမာဏဟာ ယမန်နှစ်ကာလတူကထက် ၂၄၇.၄ ရာခိုင်နှုန်း တိုးတက်လာခဲ့တယ်လို့ သိရပါတယ်။

ဒီရထားလမ်းနဲ့ ထိုင်း-လာအို-တရုတ်အကြား ကုန်သွယ်မှုအကြောင်း အပြည့်အစုံသိချင်ရင်တော့ အောက်ပါ ‘ ရ ကောက် ရထားကြီး ပျော်ပျော်စီး’ ဆိုတဲ့ ဆောင်းပါးလင့်ကနေ ဝင်ရောက်ဖတ်ရှုနိုင်ပါတယ်။

https://greenwaymyanmar.com/posts/Thai_durian_export_to_China_by_train

Photos crd_Chinese_Embassy_in_Myanmar

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...