ဆောင်းရာသီတွင်ပေါများသော ငါးပုတ်သင်ငါး၏ ကျန်းမာရေးကောင်းကျိုးများ

02/12/2022 16:00 PM တွင် နှင်းဖြူဖြူ နှင်းဖြူဖြူ မှ ရေးသား

ငါးပုတ်သင်ငါးကို လူတော်တော်များများသိကြသော်လည်း ငါးပုတ်သင်ငါး၏ ကျန်းမာရေး ကောင်းကျိုးများကိုတော့ သိသူနည်းလှသဖြင့် ဗဟုသုတရရှိစေရန် ဖော်ပြပေးလိုက်ပါသည်။

ငါးပုတ်သင်ငါးကို ဆောင်းရာသီကာလ တန်ဆောင်မုန်း၊ နတ်တော်၊ ပြာသို၊ တပို့တွဲလများတွင် အများဆုံးရမိကြသည်ဟု ငါးဖမ်းရေလုပ်သားများက ပြောကြပါသည်။

ရေအောက်ကြမ်းပြင်နေ(Demersal fish)ဖြစ်သော ငါးပုတ်သင်ငါး(croaker)ကို ရေချိုရေငန်စပ်နှင့် ရေငန်ပိုင်းတွင် အများဆုံးတွေ့ရလေ့ရှိသည်။ အထူးသဖြင့် ဧရာဝတီ မြစ်ဝကျွန်းပေါ်ဒေသနှင့် မုတ္တမပင်လယ်ကွေ့တို့တွင် ငါးပုတ်သင်ငါးကို ပိုမိုတွေ့ရတတ်ပါသည်။

ငါးပုတ်သင်ငါး၏ ပုံသဏ္ဌာန်

ငါးပုတ်သင်ဟုခေါ်ရခြင်းမှာ ထိုငါး၏ဦးခေါင်းသည် ပုတ်သင်ညို၏ဦးခေါင်းနှင့် တူသောကြောင့် ဖြစ်သည်ဟု ဆိုပါသည်။ အချို့ဒေသတွင်တော့ ငါးပြက်ဟုလည်း ခေါ်ကြသည်။

အရောင်အဆင်းမှာ အဖြူရောင်ဖျော့ဖျော့ရှိပြီး အကြေးခွံသည် ပါးလွှာ၏။အောက်ဘက်ရှိမေးရိုးသည် အထက်မေးရိုးထက် အနည်းငယ်ရှည်သည်။ ကိုယ်လုံးမှာမူ ငါး၏ကိုယ်လုံးကဲ့သို့ ဖြစ်သည်။ကျောရိုးဆူးတောင်သည် အမြီးတိုင်အောင် ရှိသည်။အမြီးခွ မရှိဘဲ အမြီးချွန်သည်။ ရေယက်နှင့် စအိုဆူးတောင်လည်း ပါရှိသည်။

ငါးပုတ်သင်၏ အရသာနှင့်ဂုဏ်သတ္တိ

သားငါးကျေးငှက်အဘိဓာန်အဆိုအရ ငါးပုတ်သင်၏ အရသာနှင့်ဂုဏ်သတ္တိမှာ ငါးပုတ်သင်သည်ဖန်သောအရသာရှိသည်။ ကြေလွယ်သည်။ ဝမ်းခိုင်စေသည်။ အစာမကြေနာ၊ ရင်နာနှင့် ဘေးထိုးရင်ကျပ်နာတို့ကို နိုင်သည်။

ဥပမာ - ငါးစီဖောင်းနှင့် ဝမ်းပျဉ်းသားတို့သည်လည်း စားသုံးခြင်းဖြင့် အကျိုးများစေသည်ဟု ဆိုပါသည်။

ငါးပုတ်သင်စားသုံးခြင်းနှင့် ကျန်းမာရေး

ငါးပုတ်သင်၏ ဦးခေါင်းထဲတွင် ကျောက်ခဲဖြူဖြူလေး ၂ လုံး ပါရှိသည်။ ထိုကျောက်ခဲသည် ဆေးဖက်ဝင်သည်။ ယင်းကျောက်ခဲကို အမှုန့်ကြိတ်၍ သံပရာရည်ဖြင့် ဖျော်သောက်ပါက ဆီးမသွားနိုင်သော မုတ္တကျိတ်နာ-မုတ္တကျိတ်ရောဂါကို ပျောက်ကင်းစေသည်ဟု သိရသည်။

ဒါ့အပြင် ငါးပုတ်သင်ကျောက်သည် ဆီးနှင့်သက်ဆိုင်သောရောဂါများကို ပျောက်ကင်းစေသည်။ ဆီးကျိတ်ကြီးသောရောဂါ၊ ဆီးကျိတ်ပိတ်သောရောဂါများအတွက် ငါးပုတ်သင်ကျောက်ကို သံပရာရည်ဖြင့် စိမ်သောက်ပေးနိုင်သည်။

ငါးပုတ်သင်စားသုံးနည်း

ငါးပုတ်သင်ကို အမျိုးမျိုးပြုလုပ်၍ စားသုံးကြသည်။ ချက်စား၊ ကြော်စား၊ ပေါင်စားသည်က များသည်။ ငါးပုတ်သင်မှရသော ငါးပုတ်သင်စီဖောင်း(fish maw)မှာ စျေးကောင်းပြီး စီးပွားရေးအရ အရေးပါလှပါသည်။

ငါးပုတ်သင်ကို အချဉ်တည်၍လည်း စားကြသည်။ ငါးပုတ်သင်ချဉ်သည် ငါးခုံးမချဉ်၊ ငါးဖယ်ချဉ်တို့ထက် ပို၍အရသာရှိသည်ဟု ဆိုသည်။ မော်လမြိုင်ဘက်တွင် 'ငါးပြက်ချဉ်ထုပ်’ဟု ခေါ်ဝေါ်ကြပါသည်။

ငါးပုတ်သင်ကို အစိုချက်စားရာတွင် ပေါ့ပြက်သလိုရှိသော်လည်း ငါးခြောက်ပြုလုပ်၍ ကြော်ချက်စားပါက အရသာထူးလှသည်။ ထို့ပြင် ငါးပုတ်သင်ကို ငါးပိချက်လည်း ချက်စား၍ရသလို အခြား  သင့်လျော်သလို ကြော်ချက်၍လည်း စားသုံးနိုင်ပါသည်။

ရေးသားသူ-ပင်လယ်ပြာ(ငါးဦးစီး)

 ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်