နို့ပေး နွားမနှင့် နို့ခမ်းနွားမအတွက် စွမ်းအင်နှင့်အစာ လိုအပ်ချက်

04/06/2018 11:59 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ခန္ဓာကိုယ် အလေးချိန် (၅၅၀ ကီလိုဂရမ်) ရှိသော နို့ပေးနွားမသည် မွေးဖွားရန် ရက်သတ္တပတ်ပေါင်း (၁၂) ပတ် လိုအပ်လျက်ရှိပြီး ယခုအချိန်ထိ နွားနို့ ၆ ပိဿာ (သို့) ၉.၆ လီတာ ထွက်ရှိ သည်။ ထို နွားမကို ကျွေးရန်အစာတွင် စွမ်းအင် မည်မျှ လိုအပ်မည်နည်း။ 

• ခန္ဓာကိုယ်ရှင်သန်ရန် အမှန်တကယ်လိုအပ်သော စွမ်းအင် ပမာဏ(Maintenance )တွက် လိုအပ်သော စွမ်းအင်ပမာဏ =   ၆၃ MJME

• နို့ (၆) ပိသာ ထွက်ရှိရန် လိုအပ်သော စွမ်းအင်ပမာဏ= နို့ ၆ x ၉.၃ = ၅၅.၈ MJME

• ကိုယ်ဝန်ဆောင်ကာလ (၁၂) ပတ်တွက် လိုအပ်သော စွမ်းအင်ပမာဏ = ၁၃ MJME

စုစုပေါင်း လိုအပ်သော စွမ်းအင်ပမာဏ = ၁၃၂ MJME/ရက်

၎င်းနွားမကို CP ၀၀၆ စပ်စာ  ၄ ကီလိုဂရမ် စတင်ကျွေးမွေးနေ ပါသည်။ သို့ဖြစ်ပါ၍ လိုအပ်သော စွမ်းအင် အတွက် မွန်ဘားစားမြက် မည်မျှ ကျွေးမွေးရန် လိုအပ်ပါသနည်း။ (မွန်ဘားစားမြက်တွင်ပါဝင်သော အသားဓာတ်ပမာဏ (၈.၅ ရာခိုင်နှုန်း)၊ အစိုဓာတ် (၂၀ ရာခိုင်နှုန်း)

• CP ၀၀၆ - ၄ ကီလိုဂရမ် x (အစာနုတွင် ပါဝင်သော စွမ်းအင်ပမာဏ)  ၉ MJME = ၃၆ MJME 

• စုစုပေါင်းလိုအပ်သော စွမ်းအင်ပမာဏ (၁၃၂ ) – ၃၆ =  ၉၆ MJME (အစာကြမ်းမှ ရရှိရမည့်စွမ်းအင်ပမာဏ)

• ၉၆ / ၈.၅  =  ၁၁.၃ ကီလိုဂရမ် (အခြောက်အလေးချိန်) မွန်ဘားစားမြက် (အရည်သွေးပြည့် အစာကြမ်းပမာဏ)

• မွန်ဘားစားမြက် အခြောက်ပမာဏ (၂၀%) ရှိသော အစာ၏ အစိုအလေးချိန်ပမာဏ ၁၁.၃ ကီလိုဂရမ်/၂၀ ရာခိုင်နူန်း = မွန်ဘားစားမြက် ၅၇ ကီလိုဂရမ်

နို့ပေးနွားမအတွက် စွမ်းအင်နှင့် အစာလိုအပ်ချက်

ခန္ဓာကိုယ် အလေးချိန် (၅၅၀) ရှိသော နို့ပေးနွားမသည် မွေးဖွားရန် ရက်သတ္တပတ်ပေါင်း (၁၂) ပတ် လိုအပ်လျက်ရှိပြီး ယခုအချိန်ထိ နွားနို့ ၁၀ ပိဿာ (သို့) ၁၆ လီတာ ထွက်ရှိသည်။ ထို နွားမကို ကျွေးရန်အစာတွင် စွမ်းအင် မည်မျှ လိုအပ်မည်နည်း။ 

• ခန္ဓာကိုယ်ရှင်သန်ရန် အမှန်တကယ်လိုအပ်သော စွမ်းအင် ပမာဏ (Maintenance ) =   ၆၃ MJME

• နို့ (၁၀) ပိသာ ထွက်ရှိရန် လိုအပ်သော စွမ်းအင်ပမာဏ= နို့ ၁၀ ပိဿာ  x  ၉.၃ = ၉၃ MJME

• ကိုယ်ဝန်ဆောင်ကာလ (၁၂) ပတ်တွက် လိုအပ်သော စွမ်းအင်ပမာဏ =  ၁၃ MJME

စုစုပေါင်း လိုအပ်သော စွမ်းအင်ပမာဏ = ၁၆၉ MJME/ရက်

၎င်းနွားမကို CP ၀၀၆ စပ်စာ ၆ ကီလိုဂရမ်  စတင်ကျွေးမွေးနေ ပါသည်။ သို့ဖြစ်ပါ၍ လိုအပ်သော စွမ်းအင် အတွက် Mombasa မြက် မည်မျှ ကျွေးမွေးရန် လိုအပ်ပါသနည်း။ (မွန်ဘားစားမြက်တွင်ပါဝင်သော အသားဓာတ်ပမာဏ (၈.၅ ရာခိုင်နှုန်း)၊ အစိုဓာတ် (၂၀ ရာခိုင်နှုန်း)

• CP ၀၀၆- ၆ ကီလိုဂရမ် x (အစာနုတွင် ပါဝင်သော စွမ်းအင်ပမာဏ) ၉ MJME = ၅၄ MJME 

• စုစုပေါင်းလိုအပ်သော စွမ်းအင်ပမာဏ (၁၆၉) – ၅၄= ၁၁၅ MJME (အစာကြမ်းမှ ရရှိရမည့်စွမ်းအင်ပမာဏ)

• ၁၁၅/ ၈.၅ = ၁၃.၅ ကီလိုဂရမ် မွန်ဘားစားမြက် အခြောက်ပမာဏ (အရည်သွေးပြည့် အစာကြမ်းပမာဏ)

• မွန်ဘားစားမြက် အခြောက်ပမာဏ (၂၀%) ရှိသော အစာ၏ အစိုအလေးချိန်ပမာဏ - ၁၃.၅ ကီလိုဂရမ်/၂၀ ရာခိုင်နူန်း = မွန်ဘားစားမြက် ၆၇.၅ ကီလိုဂရမ်

နို့ခမ်းနွားမအတွက် စွမ်းအင်နှင့် အစာလိုအပ်ချက်

ခန္ဓာကိုယ် အလေးချိန် (၅၅၀) ရှိသော နို့ပေးနွားမသည် မွေးဖွားရန် ရက်ပေါင်း (၂) ပတ် လိုအပ်လျက်ရှိသော ထိုနို့နားနွားမ (dry cow) ကို ကျွေးရန်အစာတွင် စွမ်းအင် မည်မျှ လိုအပ်မည်နည်း။

• န္ဓာကိုယ်ရှင်သန်ရန် အမှန်တကယ်လိုအပ်သော စွမ်းအင် ပမာဏ (Maintenance ) =   ၆၃ MJME

• ကိုယ်ဝန်ဆောင်ကာလ (၂) ပတ်တွက် လိုအပ်သော စွမ်းအင်ပမာဏ = ၅၄ MJME

စုစုပေါင်း လိုအပ်သော စွမ်းအင်ပမာဏ = ၁၁၇ MJME/ရက်

၎င်းနွားမကို CP ၀၀၆ စပ်စာ ၁ ကီလိုဂရမ် စတင်ကျွေးမွေးနေ ပါသည်။ သို့ဖြစ်ပါ၍ လိုအပ်သော စွမ်းအင် အတွက် မွန်ဘားစားမြက် မည်မျှ ကျွေးမွေးရန် လိုအပ်ပါသနည်း။ (မွန်ဘားစားမြက်တွင်ပါဝင်သော အသားဓာတ်ပမာဏ (၈.၅ ရာခိုင်နှုန်း)၊ အစိုဓာတ် (၂၀ ရာခိုင်နှုန်း)

• CP ၀၀၆ - ၁ ကီလိုဂရမ် x (အစာနုတွင်ပါသော စွမ်းအင်ပမာဏ) ၉ MJME = ၉ MJME 

• စုစုပေါင်းလိုအပ်သော စွမ်းအင်ပမာဏ (၁၁၇) – ၉ = ၁၀၈ MJME (အစာကြမ်းမှ ရရှိရမည့်စွမ်းအင်ပမာဏ)

• ၁၀၈/ ၈.၅ = ၁၂.၇ ကီလိုဂရမ် မွန်ဘားစားမြက် အခြောက်အလေးချိန် (အရည်သွေးပြည့် အစာကြမ်းပမာဏ)

• မွန်ဘားစားမြက် အခြောက်ပမာဏ (၂၀%) ရှိသော အစာ၏ အစိုအလေးချိန်ပမာဏ - ၁၂.၇ ကီလိုဂရမ်/ ၂၀ ရာခိုင်နူန်း = မွန်ဘားစားမြက် ၆၃.၅ ကီလိုဂရမ်

မြန်မာ-နယူးဇီလန် ကောင်းမွန်သော နို့စားနွား စီမံကိန်း

***တိရစ္ဆာန်သည် အစာ၌ပါဝင်သော စွမ်းအင်အားလုံးကို အသုံးမပြုနိုင်ခြင်းကြောင့် တိရစ္ဆာန်မှ အမှန်တကယ်အသုံးပြုသော ပမာဏကို တိုင်းတာရန် METABOLISABLE ENERGY or Megajoules of Metabolisable Energy (MJME) အသုံးပြုတွက်ချက်ကြသည်။ ***

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်