မွေးမြူရေးခြံသုံး ပိုးသတ်သန့်စင်ဆေးများနှင့် ၎င်းတို့၏အစွမ်းသတ္တိများ (၁)

မွေးမြူရေးလုပ်ငန်းများတွင် ဇီဝလုံခြုံရေး စီမံခန့်ခွဲမှုမှာ မရှိမဖြစ်အရေးကြီးသည့် လုပ်ငန်းတစ်ရပ် ဖြစ်သည်။ ဇီဝလုံခြုံရေးအကြောင်းပြောလျှင် ခြံသုံးပိုးသတ်သန့်စင်ဆေးများ (Disinfectants) အကြောင်းက မပါမဖြစ်ပေ။

မွေးမြူရေးသမားများအနေဖြင့် စျေးကွက်တွင် လွယ်လွယ်ကူကူဝယ်ယူ၍ရသော ခြံသုံးပိုးသတ်သန့်စင်ဆေးများကိုသာ အဆင်ပြေသလို ဝယ်ယူကာ သုံးစွဲလေ့ရှိကြသည်။ သို့ရာတွင် ခြံသုံးပိုးသတ်သန့်စင်ဆေး တစ်မျိုးချင်းစီတွင် မတူညီသော လုပ်ငန်းလုပ်ဆောင်ပုံများရှိနေခြင်းကြောင့် ဇီဝလုံခြုံရေးအစီအမံများကို ထိရောက်စွာ ဆောင်ရွက်လိုလျှင် ယင်းခြံသုံးပိုးသတ်သန့်စင်ဆေးများ၏ လုပ်ငန်းဆောင်ရွက်ပုံများကို အကြမ်းဖျဉ်း သိရှိထားရန် လိုအပ်ပါသည်။

ခြံသုံးပိုးသတ်သန့်စင်ဆေးများ၏ လုပ်ငန်းလုပ်ဆောင်ပုံ

ခြံသုံးပိုးသတ်သန့်စင်ဆေးများသည် ဘက်တီးရီးယားများ၏ cell membrane ကို ဖျက်ဆီးပစ်ခြင်းအားဖြင့် ဘက်တီးရီးယားများကို သတ်ဖြတ်ပစ်နိုင်စွမ်းရှိပါသည်။ ဗိုင်းရပ်စ်များကိုမူ envelopes ကို ဖျက်ဆီးခြင်းဖြင့်လည်းကောင်း၊ ဗိုင်းရပ်စ်ပိုး၏ မျိုးဗီဇပစ္စည်းဖြစ်သော RNA သို့မဟုတ် DNA ကို ဖျက်ဆီးပစ်ခြင်းဖြင့်လည်းကောင်း သတ်ဖြတ်ပစ်ခြင်း ဖြစ်ပါသည်။

ခြံသုံးပိုးသတ်သန့်စင်ဆေးများကို သုံးစွဲမည်ဆိုပါက အသုံးမပြုမီ သန့်ရှင်းစေလိုသော (ပိုးသတ်လိုသော) အရာများကို ဦးစွာ ဆေးကြောသန့်ရှင်းထားရန်လိုအပ်ပါသည်။

ခြံသုံးပိုးသတ်သန့်စင်ဆေး ရွေးချယ်ရာတွင် စဉ်းစားရမည့် အချက်များ

ပိုးသတ်ဆေးများကို ရွေးချယ်ရာတွင် စျေးနှုန်း၊ အလွယ်တကူဝယ်ယူ ရရှိနိုင်မှု၊ အသုံးပြုသူအတွက် ဘေးအန္တရာယ်ကင်းရှင်းမှုတို့ကို အထူးအလေးပေး ရွေးချယ်ရမည် မှန်သော်လည်း အောက်ပါအချက်များကိုလည်း မဖြစ်မနေ ထည့်သွင်းစဉ်းစားရွေးချယ်ရန် လိုအပ်ပါသည်။ သို့မှသာ ထိရောက်သော ဇီဝလုံခြုံရေးကို ရရှိနိုင်မည် ဖြစ်ပါသည်။ ခြံသုံးပိုးသတ်သန့်စင်ဆေးများတွင်ပါရှိသည့် အညွှန်းစာရွက်များကို ဖတ်ရှုကာ အောက်ပါအချက်များနှင့် တိုက်ဆိုင်စစ်ဆေးရန်လည်း လိုအပ်ပါသည်။

Organic Load - ပိုးသတ်သန့်ရှင်းမည့်အရာ (ပစ္စည်း၊ အဆောက်အဦ စသည်) တွင် သြဂဲနစ် အညစ်အကြေးများ မည်မျှကပ်ငြိနေသည်ဆိုသည့် အချက်ကို ထည့်သွင်းစဉ်းစားရန်လိုအပ်ပါသည်။ သြဂဲနစ် အညစ်အကြေးများ များပြားလွန်းနေပါက ယင်းတို့ကို ခံနိုင်ရည်ရှိသည့် ခြံသုံးပိုးသတ်သန့်စင်ဆေးကို ရွေးချယ် အသုံးပြုရမည် ဖြစ်ပါသည်။
Surface type - ပိုးသတ်သန့်စင်မည့်အရာ၏ မျက်နှာပြင်အနေအထားကလည်း ထည့်သွင်း စဉ်းစားရမည့်အချက်ဖြစ်ပါသည်။ သစ်သားမျက်နှာပြင်နှင့် စတီးလ်မျက်နှာပြင်တွင် အသုံးပြုရမည့် ပိုးသတ်ဆေးက မတူညီနိုင်ပါ။ အချို့ပိုးသတ်ဆေးများက လောင်စားစေတတ်သည့် သဘောရှိသည်ကို သတိပြုရပါမည်။
Residual ability - ပိုးသတ်သန့်စင်ဆေးအသုံးပြုပြီးနောက် အစွမ်းသတ္တိကို မည်မျှကြာကြာ ရှိနေစေချင်သနည်း ဆိုသည့် မေးခွန်းကိုထည့်သွင်းစဉ်းစားရပါမည်။ အစားအသောက် ပြုပြင်ထုတ်ပိုးသည့် လုပ်ငန်းတွင် အသုံးပြုသည့်ပစ္စည်းပစ္စယများကို ပိုးသတ်သန့်စင်ပါက အစွမ်း သတ္တိကြာရှည်မခံမှသာ စားသုံးသူအတွက် အန္တရာယ်ကင်းရှင်းနိုင်ပါမည်။ တိရစ္ဆာန်များကို “အကုန်သွင်း - အကုန်ထုတ်” စနစ် ကျင့်သုံးသည့်ခြံများတွင် တိရစ္ဆာန်များ ရောင်းချပြီးပါက နောက်တစ်ကြိမ် တိရစ္ဆာန်အသစ်များ မရောက်လာမီ ခြံကို ပိုးသတ်သန့်စင်မည်ဆိုပါက အချိန်ကြာကြာရနိုင်သဖြင့် ပိုးသတ်သည့်အစွမ်း ကြာရှည်ခံသည့် ပိုးသတ်ဆေးကို ရွေးချယ် အသုံးပြုသင့်ပါသည်။
Water - အချို့ပိုးသတ်ဆေးများမှာ ရေစေး၊ ရေသွက်နှင့် ရေအပူချိန်တို့ပေါ်မူတည်၍ အစွမ်းသတ္တိ ကွာခြားလေ့ရှိသဖြင့် မိမိခြံတွင် ရရှိနိုင်သည့် ရေအမျိုးအစားပေါ်မူတည်၍ သင့်လျော်သည့် ပိုးသတ်ဆေးကို ရွေးချယ်ရန် လိုအပ်ပါသည်။
Presence of animal - ပိုးသတ်ဆေးအချို့မှာ တိရစ္ဆာန်များကို အန္တရာယ်ရှိစေနိုင်သဖြင့် ခြံ၌ တိရစ္ဆာန်များရှိနေချိန်တွင် တတ်နိုင်သမျှ တိရစ္ဆာန်များကို ဥပါဒ်မဖြစ်စေနိုင်သော ပိုးသတ်ဆေးကို ရွေးချယ်အသုံးပြုရန် လိုအပ်ပါသည်။

ဒေါက်တာသက်ခိုင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...