လယ်ယာကဏ္ဍတွင် အမျိုးသမီးပါဝင်မှုမြှင့်တင်ခြင်းဖြင့် လူပေါင်း ၄၅ သန်းခန့် ငတ်မွတ်ခေါင်းပါးမှုလျှော့ချနိုင်

စိုက်ပျိုးရေးကဏ္ဍမှာ အမျိုးသမီးတွေအပေါ် ခွဲခြားဆက်ဆံမှု ပပျောက်သွားအောင် ဆောင်ရွက်နိုင်မယ်ဆိုရင် ကမ္ဘာ့စီးပွားရေး တိုးတက်လာနိုင်တဲ့အပြင် ကမ္ဘာ့လူဦးရေ ၃၄၅ သန်းအထိ စားနပ်ရိက္ခာမဖူလုံမှု စံချိန်တင်နေတဲ့ ခုလိုကာလမှာ အစာငတ်မွတ်ခေါင်းပါးမှုကိုပါ လျော့ပါးလာစေမှာဖြစ်ကြောင်း လေ့လာမှုတစ်ခုက ဖော်ပြလိုက်ပါတယ်။

"လယ်ယာကုန်ထုတ်လုပ်ငန်းအတွင်း ကျားမမခွဲခြားမှုနဲ့ လုပ်အားခကွာဟချက်တွေကို ပပျောက်အောင် ဆောက်ရွက်နိုင်မယ်ဆိုရင် ကမ္ဘာ့ဂျီဒီပီ တစ်ရာခိုင်နှုန်း၊ တနည်းအားဖြင့် ကန်ဒေါ်လာ တစ်ထရီလီယံနီးပါးအထိ တိုးတက်သွားစေပါလိမ့်မယ်" လို့ ကုလသမဂ္ဂစားနပ်ရိက္ခာနှင့် လယ်ယာစိုက်ပျိုးရေးအဖွဲ့ (FAO) ရဲ့ “လယ်ယာကုန်ထုတ်လုပ်မှုစနစ်အတွင်းရှိ အမျိုးသမီးများအခန်းကဏ္ဍ” အစီရင်ခံစာမှာ ရေးသားထားတာဖြစ်ပါတယ်။

"အဲဒီအတိုင်းဆိုရင် စားနပ်ရိက္ခာမဖူလုံသူဦးရေ ရာခိုင်နှုန်းအမှတ် နှစ်ခုခန့် ကျဆင်းပြီး အစာရေစာမလောက်ငသူဦးရေ ၄၅ သန်းလောက် လျော့နည်းသွားပါလိမ့်မယ်" လို့ လေ့လာမှုက ဆိုပါတယ်။

ယခုနှစ်မှာ ကမ္ဘာတစ်ဝန်း အစာငတ်မွတ်ခေါင်းပါးမှု ရင်ဆိုင်နေရသူဦးရေဟာ ၂၀၂၀ တုန်းကထက် နှစ်ဆကျော် ပိုများလာကြောင်း ကမ္ဘာ့စားနပ်ရိက္ခာအစီအစဉ် (WFP) က ထုတ်ပြန်ထားပါတယ်။ မိုးအလွန်အမင်းခေါင်တာ၊ သီးနှံတင်ပို့ခွင့်ပိတ်တာတွေနဲ့ ယူကရိန်းအပေါ် ရုရှားကျူးကျော်စစ်အပြင် ကပ်ရောဂါကြောင့် ဖြစ်ခဲ့ရတဲ့ ကုန်စည်ကွင်းဆက်ပြတ်တောက်မှုတွေဟာ စားနပ်ရိက္ခာအကျပ် အတည်းကို ပိုမိုဆိုးရွားစေခဲ့တာဖြစ်ပါတယ်။

"လယ်ယာကုန်ထုတ်လုပ်မှုစနစ်တွေ ရေရှည်တည်တံ့ခိုင်မြဲပြီး အကျပ်အတည်းတွေကနေ ကျော်လွှားလွန်မြောက်နိုင်ဖို့ဆိုရင် အမျိုးသမီးတွေကို တန်းတူအခွင့်အရေးပေးတာ၊ စွမ်းအားမြှင့်တင်ပေးတာ စတဲ့နည်းလမ်းတွေနဲ့ ခွဲခြားဆက်ဆံမှု ပပျောက်အောင် ဆောင်ရွက်ရပါမယ်” လို့ FAO ရဲ့ အားလုံးပါဝင်ကျေးလက်ပြုပြင်ပြောင်းလဲရေးနှင့် ကျားမတန်းတူရေးဌာန လက်ထောက်ညွှန်ကြားရေးမှူး Lauren M. Phillips က ပြောပါတယ်။

FAO အစီရင်ခံစာမှာ အကြံပြုထားတဲ့ မူဝါဒပြုပြင်ပြောင်းလဲစရာတွေထဲမှာ အမျိုးသမီးတွေ လယ်ယာမြေပိုင်ဆိုင်ခွင့် တိုးမြင့်ရရှိရေး၊ ကလေးသူငယ်ပြုစုစောင့်ရှောက်ခွင့် တိုးမြှင့်ပေးရေးနဲ့ အမျိုးသမီးတွေ အလုပ်အကိုင်ရရှိမှုနဲ့ အခက်အခဲကျော်လွှားနိုင်မှု ပိုကောင်းလာအောင် လူမှုရေးရာအကာအကွယ် မြှင့်တင်ပေးအပ်ရေးတို့ ပါဝင်ပါတယ်။

နိုင်ငံအများစုမှာ လယ်ယာကုန်ထုတ်လုပ်ငန်းတွေဟာ အမျိုးသမီးတွေ အသက်မွေးဝမ်းကြောင်းအလုပ်အကိုင်ရရှိမှုအတွက် အလွန်အရေးပါပါတယ်။ အာဖရိကတိုက်ခွဲ ဆာဟာရတောင်ပိုင်းဒေသမှာ လယ်ယာကုန်ထုတ်လုပ်ငန်းအတွင်း အမျိုးသမီးထုရဲ့ သုံးပုံနှစ်ပုံထိ အလုပ်လုပ်ကိုင်နေကြပြီး အမျိုးသားတွေထဲကတော့ ၆၀ ရာခိုင်နှုန်းလောက် ပါဝင်ပါတယ်။ အရှေ့တောင်အာရှမှာဆိုရင် ဒီကဏ္ဍအတွင်း အမျိုးသမီး ၇၁ ရာခိုင်နှုန်းအထိ ဝင်ရောက်လုပ်ကိုင်နေပြီး အမျိုးသားတွေက ၄၇ ရာခိုင်နှုန်းသာ ရှိပါတယ်။

“လယ်ယာကုန်ထုတ်လုပ်ငန်းတွေကို အမျိုးသမီးတွေအတွက် ပိုမိုအဆင်ပြေအောင် ဆောင်ရွက်ပေးခြင်းအားဖြင့် လူတန်းစုံပါဝင်မှု၊ ရေရှည်တည်တံ့မှုနဲ့ အခက်အခဲကျော်လွှားနိုင်မှုတွေ တိုးတက်လာနိုင်ပါတယ်” လို့ Phillips က အင်တာဗျူးတစ်ခုမှာ ပြောပါတယ်။

“အဲဒီလို လုပ်ဆောင်ခြင်းဟာ အမျိုးသမီးတွေအတွက်လည်း အကျိုးများသလို ကမ္ဘာ့စီးပွားရေး၊ အိမ်ထောင်စုအလိုက်ဝင်ငွေနဲ့ အိမ်ထောင်စုတွေ အကျပ်အတည်းကျော်လွှားနိုင်မှုတို့ကိုပါ တိုးတက်လာစေနိုင်ပါတယ်” လို့ ၎င်းက ပြောပါတယ်။

ဝေယံဟိန်း (B.Ag)

Ref: Gender equality in farming could add US$1 trillion to world economy, study reveals - South China Mornning Post

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...