ကျန်းမာသောဆိတ်နှင့် မကျန်းမာသောဆိတ်တို့၏ သဏ္ဌာန်လက္ခဏာများ

ကျန်းမာသောဆိတ်နှင့် မကျန်းမာသောဆိတ်များကို ခွဲခြားနိုင်မှသာ ကျန်းမာရေးစောင့်ရှောက်မှု အချိန်မီပေးနိုင်ခြင်း၊ ရောဂါမကူးစက်နိုင်စေရန် ခွဲထားခြင်းများ ပြုလုပ်နိုင်မည်ဖြစ်ပါသည်။

ကျန်းမာသောဆိတ်၏ သဏ္ဌာန်လက္ခဏာများ

အစာကောင်းမွန်စွာစားသုံးခြင်း၊ စားမြုံ့ပြန်နေခြင်း
တောက်ပသောအမွေးနှင့် နူးညံ့ပြီး ဆွဲဆန့်နိုင်သော အရေပြားရှိခြင်း
တောက်ပသောမျက်လုံးနှင့် ပန်းရောက်မျက်ခွံရှိခြင်း
ပျော်မြူးနေခြင်း၊ ဖျတ်လတ်နေခြင်း
နို့စားဆိတ်မျိုးတွင် နို့ထွက်နှုန်းမှန်ခြင်း
ဆိတ်ချေးပုံမှန်ယိုချခြင်း
ခြေ၊ လက်များ ခိုင်မာစွာရပ်နေခြင်း

မကျန်းမာသောဆိတ်၏ သဏ္ဌာန်လက္ခဏာများ

အုပ်စုမှခွဲပြီး မှိုင်၍ ရပ်နေတတ်ခြင်း
အစာကောင်းစွာမစားခြင်း
စားမြုံ့ပြန်မှု ပုံမမှန်ခြင်း
အသားအရေ ခန်းခြောက်နေခြင်း (မစိုပြေခြင်း)
သာမန်ကိုယ်အပူချိန်၏အထက် (သို့မဟုတ်) အောက်တွင်ရှိနေခြင်း
မျက်လုံးနှင့်ပါးစပ်ဝန်းကျင်တွင် အရောင်ပြောင်းခြင်း
ဝမ်းလျှောခြင်း
နှာခေါင်းနှင့်ပါးစပ်တွင် အရိအရွဲများရှိခြင်း
မျက်လုံးများနီရဲခြင်း
ခြေမသန်ခြင်း
သွားလာလှုပ်ရှားမှုမမှန်ခြင်း
အမွေးကျွတ်ခြင်း (သို့မဟုတ်) အမွေးကြမ်းခြင်း
ပိန်ချုံးခြင်း
နို့စားဆိတ်များဆိုပါက နို့ထွက်ကျဆင်းခြင်း

ဆိတ်များကို ကျန်းမာရေးစောင့်ရှောက်ခြင်း

ကျန်းမာသောဆိတ်များ မွေးမြူခြင်းဖြင့်သာ ထုတ်လုပ်မှုကောင်းမွန်ပြီး အကျိုးဖြစ်ထွန်းနိုင်ပါမည်။
ရောဂါဖြစ်ပွားမှုမှကာကွယ်ရန် အစာအာဟာရ ကောင်းမွန်စွာကျွေးမွေးပေးခြင်း၊
သန့်ရှင်းသောရေ လုံလောက်စွာတိုက်ခြင်း၊ ခြံ၊ တဲ သန့်ရှင်းမှုကို နေ့စဉ် သန့်ရှင်းပေးခြင်း၊
မြေစိုက်ခြံဖြစ်ပါက ဆိတ်ငယ်ကလေးများအတွက် အခင်းပုံမှန်လဲပေးခြင်း၊
အစာကျန်များ ဖယ်ရှားခြင်း၊ နို့ညှစ်မှုတွင် နို့ညှစ်သူတစ်ကိုယ်ရည် သန့်ရှင်းခြင်း၊
သန့်ရှင်းသော နို့ပုံးနှင့် ကိရိယာများ အသုံးပြုခြင်း၊
နာမကျန်းဆိတ်အား သီးခြားခွဲခြားထားခြင်း
နာမကျန်းတိရစ္ဆာန်ထားသည့်နေရာအား ပိုးသတ်ဆေးဖျန်းခြင်းများ ဆောင်ရွက်ရပါမည်။

အသစ်ဝယ်ယူထားသောဆိတ်များကို မူလမွေးမြူထားသောဆိတ်အုပ်တွင် မရောဘဲ အနည်းဆုံး ရက် (၃၀) သီးခြားခွဲထားခြင်း (Quarantine) ဖြင့် လက္ခဏာမပေါ်သေးသည့် ကူးစက်တတ်သော ရောဂါများမှ ကြိုတင်ကာကွယ်နိုင်မည်ဖြစ်သည်။

( Food Security Working Group မှ ထုတ်ပြီး မွေးမြူရေးပညာရှင် ဒေါက်တာခင်မောင်ဝင်း ရေးသားထားသည့် ‘ ကျေးလက်ဒေသ ဆိတ်မွေးမြူရေး’ စာအုပ်မှ ကောက်နုတ်ဖော်ပြခြင်းဖြစ်ပါသည်။)

(ဆိတ်မွေးမြူရေးနှင့်ပတ်သက်၍ အသေးစိတ် ပြည့်ပြည့်စုံစုံပါဝင်သော ‘ ကျေးလက်ဒေသ ဆိတ်မွေးမြူရေး’ စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...