အိန္ဒိယက ဆန်တင်ပို့မှု ပိတ်ပင်ကန့်သတ်ချက်များ ဆက်ထားဦးမည်ဟု ဆို

06/03/2023 11:00 AM တွင် ဝေယံဟိန်း (B.Ag) ဝေယံဟိန်း (B.Ag) မှ ရေးသား

ကမ္ဘာ့ဆန်တင်ပို့မှုထိပ်သီး အိန္ဒိယဟာ ပြည်တွင်းဆန်ဈေး တည်ငြိမ်အောင် ဆက်လက်ထိန်းသိမ်းလိုတာကြောင့် ဆန်ကွဲတင်ပို့မှု ပိတ်ပင်ထားတာနဲ့ ဆန်ဖြူတင်ပို့မှုအပေါ် အခွန် ၂၀ ရာခိုင်နှုန်း စည်းကြပ်ထားတာတွေကို ပြင်ဆင်ပေးဖို့ အစီအစဉ်မရှိသေးဘူးလို့ အစိုးရသတင်းရင်းမြစ်နှစ်ခုက ဆိုပါတယ်။

အိန္ဒိယရဲ့ ဆန်တင်ပို့မှုပိတ်ပင်ကန့်သတ်ချက်တွေကြောင့် အာရှနဲ့ အာဖရိကဘက်က ဝယ်လက်တွေအတွက် ဆန်ဈေး ပိုကြီးသွားစေပါတယ်။ ကမ္ဘာ့ဆန်ဈေးဟာလည်း ပြီးခဲ့တဲ့ သီတင်းပတ်တွေမှာ ဆက်တိုက်ဆိုသလို တက်နေခဲ့တာဖြစ်ပါတယ်။

အိန္ဒိယနိုင်ငံဟာ မိုးမကောင်းလို့ အဓိကစပါးဒေသကြီးတွေမှာ ထွက်နှုန်းကျမှာ စိုးရိမ်ကာ ၂၀၂၂ ခုနှစ် စက်တင်ဘာလအတွင်း ဆန်ကွဲတင်ပို့မှုကို ပိတ်ပင်ခဲ့ပြီး အခြားဆန်အမျိုးအစားတွေ တင်ပို့မှုအပေါ် အခွန် ၂၀ ရာခိုင်နှုန်း စည်းကြပ်ခဲ့ပါတယ်။

"အခွန် ၂၀ ရာခိုင်နှုန်း စည်းကြပ်တာတောင် ဆန်တင်ပို့မှုက နှေးကွေးမသွားခဲ့ဘူး။ ဒီတော့ ပို့ကုန်ခွန်ကို လျှော့ချပေးစရာ၊ ဖယ်ရှားပေးစရာအကြောင်းမရှိဘူးလို့ ထင်တယ်" လို့ အမည်ထုတ်ပြောခြင်းမရှိတဲ့ အစိုးရအကြီးတန်းအရာရှိတစ်ယောက်က ပြောပါတယ်။

အိန္ဒိယဆန်တင်ပို့မှုဟာ ၂၀၂၂ ခုနှစ်အတွင်း နှစ်အလိုက် ၃ ဒသမ ၅ ရာခိုင်နှုန်း မြင့်တက်ခဲ့ပြီး စံချိန်တင်ပမာဏအဖြစ် တန်ချိန် ၂၂ ဒသမ ၂၆ သန်းအထိ ရောက်ရှိခဲ့ပါတယ်။ ဒီပမာဏဟာ အိန္ဒိယပြီးရင် ဆန်တင်ပို့မှုအများဆုံးဖြစ်ကြတဲ့ ထိုင်း၊ ဗီယက်နမ်၊ ပါကစ္စတန်၊ အမေရိကန်ပြည်ထောင်စုတို့ လေးနိုင်ငံပေါင်းတင်ပို့မှုထက်တောင် ပိုများနေပါတယ်။

"တရုတ်နဲ့ တခြားနိုင်ငံတွေက ဆန်ကွဲကို အီသနော ဒါမှမဟုတ် မွေးမြူရေးအစာကုန်ကြမ်းအဖြစ် အသုံးပြုလိုနေတာသက်သက်အတွက်တော့ ဆန်ကွဲတင်ပို့မှုကို ပြန်လည်ခွင့်ပြုမပေးနိုင်ပါဘူး။ ပြည်တွင်းဈေးကွက်က သုံးတာမျိုးပဲ ပိုလိုလားပါတယ်" လို့ ၎င်းအရာရှိက ပြောပါတယ်။

တရုတ်နိုင်ငံဟာ အိန္ဒိယဆန်ကွဲဝယ်ယူမှုအများဆုံးဖြစ်ပြီး ၂၀၂၁ ခုနှစ်တုန်းက တန်ချိန် ၁ ဒသမ ၁ သန်းအထိ ဝယ်ယူခဲ့ပါတယ်။

အိန္ဒိယဟာ ဒီနှစ်မှာလည်း အယ်နီညိုရာသီဥတုဖြစ်စဉ်ကြောင့် မိုးရေချိန် နိမ့်ကျမှာကို စိုးရိမ်ပြီး ဆန်တင်ပို့မှုကို ဆက်လက်ကန့်သတ်သွားဦးမှာ ဖြစ်ပါတယ်။

"ကျွန်တော်တို့ အရဲမစွန့်ရဲသေးပါဘူး။ ဆန်ပိုပိုလျှံလျှံ ရှိနေပေမယ့် ဂျုံပမာဏက အကန့်အသတ်နဲ့သာ ရှိပါတယ်။ တကယ်လို့ ရာသီဥတု ဖောက်ခဲ့ရင် ပိုလျှံဆန်ကို အသုံးပြုသွားရမှာပါ" လို့ ၎င်းက ပြောပါတယ်။

အိန္ဒိယလယ်သမားတွေဟာ ရေသုံးစွဲမှုများတဲ့ စပါးကို မုတ်သုံရာသီဖြစ်တဲ့ ဇွန်နဲ့ ဇူလိုင်လတွေမှာ စိုက်ပျိုးလေ့ရှိကြပါတယ်။

"ကျွန်တော်တို့ ပိတ်ပင်ကန့်သတ်မှုတွေကြောင့် ကမ္ဘာ့ဈေးကွက်မှာ ဆန်ပြတ်တောက်သွားတာမျိုး မဖြစ်စေပါဘူး။ တစ်ချိန်တည်းမှာ ကျွန်တော်တို့မှာလည်း အရန်ဆန် ပိုပိုလျှံလျှံ သိုမှီးထားရှိနိုင်စေတယ်။ ဒါကြောင့် အခုအစီအမံအတိုင်း ဆက်သွားဖို့ရှိပါတယ်" လို့ မူဝါဒရေးရာဆုံးဖြတ်ရာမှာ တိုက်ရိုက်ပါဝင်ပတ်သက်နေတဲ့ နောက်ထပ်အစိုးရသတင်းရင်းမြစ်တစ်ခုက ပြောပါတယ်။

ဝေယံဟိန်း (B.Ag)

Ref: India to extend rice export curbs to ensure domestic price stability, supply - govt sources

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်