ငါးသလဲထိုးငါး

ငါးသလဲထိုးငါး (Loach) များမှာ ရေချိုငါးမျိုးစိတ်များဖြစ်ကြသည်။ အရောင်မှာ ရွှေဝါရောင်ရှိပြီး အမဲရောင်အစက်အပျောက်များ ပါရှိကြသည်။ ခန္ဓာကိုယ်မှာ ရှည်မျှောမျှောဖြစ်ပြီး ပါးစပ်မှာ အောက်ဘက်သို့ကျပြီး နှာယောင်မှာ ကွေးညွှတ်နေသည်။ ငါးသလဲထိုး အကြေးခွံလေးများမှာ အလွန်သေးငယ်ကြပါသည်။ အရွယ်အစားမှာ အမြင့်ဆုံးအလျား (၄.၅)စင်တီမီတာရှိကြပါသည်။

ငါးသလဲထိုးငါးမှာ အစုံစား(omnivorous) များဖြစ်ပြီး ငါးငယ်၊ အပင်မျှော၊ အကောင်မျှော၊ ရေပိုးမွှား၊ ရေညှိ၊ ရေမှော် စသည်တို့ကို သူတို့၏ အစာအဖြစ် စားသုံးကြသည်။ ငါးသလဲထိုးငါးကို အိန္ဒိယ၊ ထိုင်း၊ တရုတ်၊ ဘင်္ဂလားဒေ့ရှ် စသည့် နိုင်ငံများ၌လည်း တွေ့ရှိရပါသည်။ ထိုငါးကို ချောင်းမြောင်း၊ ကန်၊ ရွှံ့နွံ၊ ကျောက်တုံးကျောက်ဆောင်များကြားတွင်လည်း ရမိတတ်ကြသည်။

ငါးသလဲထိုးငါးမှာ အသားနုပြီး အာဟာရဓါတ်အလွန်ပြည့်ဝသော ရေထွက်ကုန်ဖြစ်သည်။ ရေထဲက 'ဂျင်စင်း' ဟု ခေါ်ဆိုကြပါသည်။ ကျန်းမာရေးနှင့် ညီညွှတ်ပြီး အရိုးပါမကျန် စားသုံးနိုင်သော ငါးဖြစ်သည်။ အစာကို ကြေညက်လွယ်ပြီး အင်အားကို ဖြစ်စေသည်။ လေ၊ သည်းခြေကိုနိုင်ပြီး သလိပ်ကိုပွားစေတတ်သည့်အပြင် အကြောနှင့်ဆိုင်သော အနာများကို နိုင်၏။

ဈေးကွက်လိုအပ်ချက်လည်း မြင့်မားပါသည်။ ထို့ကြောင့် မွေးမြူသူများမှ ကျယ်ပြန့်စွာ မွေးမြူကြရန် လိုအပ်ပါသည်။ ငါးသလဲထိုးငါးများကို မွေးမြူရာတွင် ငါးသလဲထိုးသားပေါက်များအား လူအားဖြင့်မွေးမြူခြင်း (သို့) သဘာဝအလေ့ကျပေါက်ရောက်သော သားပေါက်များကို ရွေးချယ်မွေးမြူခြင်း ဟူ၍ဖြစ်ပါသည်။ သို့သော် ငါးသားပေါက်အားလုံးမှာ အရွယ်အစားညီညာခြင်း၊ လှုပ်ရှားမှု သွက်လက်ဖျတ်လတ်ခြင်း၊ ရောဂါဒဏ်ရာမရှိခြင်းတို့နှင့် ပြည့်စုံရမည်ဖြစ်ပြီး တစ်ကြိမ်တည်း အပြည့်အဝ မွေးမြူရမည် ဖြစ်သည်ဟု သိရသည်။

ထို့ပြင် မွေးမြူထားသော ငါးသလဲထိုးကို အစာကျွေးရာ၌ ငါးသလဲထိုးငါးမှာ အစုံစားငါးဖြစ်သောကြောင့် ဓါတ်မြေဩဇာကျွေးပေးခြင်းနှင့် သဘာဝငါးစာများအပြင် ငါးကျွေးစာအနှစ်၊ ငါးကျွေးစာမှုန့်၊ ဂျုံဖွဲနု၊ ပဲဖတ်အခဲ၊ ပိုးမျှင်ကောင်တုံးလုံး၊ ဟင်းရွက်၊ တိရစ္ဆာန်အကြွင်းအကျန် ကုန်ကြမ်းပစ္စည်းစသည့် ကျွေးစာများကိုလည်း ကျွေးပေးရမည်ဖြစ်သည်ဟု သိရသည်။

ငါးသလဲထိုးငါးကို ငါးသလဲထိုးအိုးကပ်၊ အကြွပ်ကြော်၊ ခြောက်စပ်၊ ငါးသလဲထိုး ဆီပြန်၊ ငါးသလဲထိုးအစပ် ပင်စိမ်းအုပ်၊ ငါးသလဲထိုးခြောက်ကြော်၊ ငါးသလဲထိုးကြော်နှင့် ဆီထမင်း စသဖြင့် စားသုံးလေ့ရှိကြသည်။ ငါးသလဲထိုး အရှင်ကို နွားနို့ (သို့) အုန်းနို့ရည်ထဲ စိမ်ထည့်ပြီး ပြန်ဆယ်ကာချက်ပါက ပို၍ အရသာထူးသည်ဟု သိရသည်။

ငါးသလဲထိုးငါးကို -

Phylum (မျိုးပေါင်းစု) - Chordata

Class (အမျိုးအစား) - Actinopterygii

Order (မျိုးစဥ်) - Cypriniformes

Family (မျိုးရင်း) - Cobitidae

Genus (မျိုးစု) - Lepidocephalichthys

Species (မျိုးစိတ်) - Lepidocephalichthys Berdmorei ဟူ၍ ဖြစ်ပါသည်။

ပင်လယ်ပြာ(ငါးဦးစီးဌာန)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ