ဝက်မကြီးများတွင် အဖြစ်များသော နို့ရှိန်ဖျားရောဂါ

ဝက်မကြီးများ ဝက်ကလေးတွေအတွက် နို့မချပဲ ဝက်ကလေးတွေသေဆုံးတတ်တာမျိုး ကြုံဖူးကြပေလိမ့်မည်။ ဝက်ငယ်လေးများ နို့မရသဖြင့် ဂဏာမငြိမ်ဖြစ်ကာ နို့ဦးရေ မသောက်ရခြင်း၊ ဝမ်းလျှောခြင်း၊ နို့ငတ်ခြင်းဖြစ်ကာ သေဆုံးတတ်ကြပါသည်။

အဓိကအားဖြင့် MMA ဆိုတာ သားအိမ်ရောင်၊ နို့အုံရောင်၊ နို့ခမ်းနို့ရှိန်ဖျားခြင်း စတဲ့လက္ခဏာစုပင် ဖြစ်သည်။ Metritis (သားအိမ်ရောင်)၊ Mastitis (နို့အုံရောင်)၊ Agalactia (နို့ခမ်း၊နို့နည်း)ဖြစ်သည့် ရောဂါလက္ခဏာစုပင် ဖြစ်သည်။

ရောဂါလက္ခဏာသည် သားမွေးပြီး ၁၂နာရီမှ ၇၂နာရီအတွင်း တွေ့ရများသော လက္ခဏာစုပင် ဖြစ်သည်။ အဓိကအားဖြင့် ဘက်တီးရီးယားပိုးများ၊ နို့ရည်ပြုဂလင်းများ၊ နို့အုံများ သို့မဟုတ် သားမွေးလမ်းကြောင်းမှ တဆင့် ဝင်ရောက်တတ်သဖြင့် နို့အုံ၊ သားအိမ်များရောင်ကာ နို့ခမ်းခြင်း၊ နို့ရှိန်ဖျားခြင်းများ ဖြစ်တတ်ပါသည်။

ဝက်မတွင်တွေ့ရသော လက္ခဏာများမှာ-

- ဖျားခြင်း ၊ ဝမ်းချုပ်ခြင်း၊

- အစားအသောက် ပျက်ခြင်း၊

- နို့အုံကြီးနေခြင်း၊ မာနေခြင်း၊ လက်ဖြင့် ထိကြည့်လျှင် နာနေခြင်း၊

- နို့မထွက်ခြင်း၊ နို့ထွက်ပုံမမှန်ခြင်း၊

- မအင်္ဂါတန်ဆာမှ သွေးပြည်များ ကျနေခြင်း၊ အနံ့ဆိုးများထွက်ခြင်းများ တွေ့ရတတ်ပါသည်။

ဝက်ငယ်များတွင် တွေ့ရသော လက္ခဏာများမှာ-

- ဂဏှာမငြိမ်ဖြစ်ခြင်း ၊

- နို့မစို့ရသဖြင့် ပျော့နေခြင်း၊ တုန်နေခြင်း၊

- အားအင်နည်းပါးလာခြင်း ၊

- ဝမ်းလျှောခြင်း၊

- နောက်ဆုံး နို့ငတ်၍ သေဆုံးတတ်ပါသည်။ သေနှုန်း ၄၀%မှ ၆၀% ရှိတတ်သည်။

ကာကွယ်ခြင်း

- ဝက်မကြီးအား မမွေးခင်၂ပတ်အလိုတွင် မွေးဖွားခန်းသီးသန့်ထားရှိခြင်း၊ မွေးဖွားခန်းအား သန့်ရှင်းစေခြင်း ပြုလုပ်ပေးရပါမည်။

- လုံလောက်သော အစာရေစာ ပေးထားရပါမည်။ မမွေးခင် ဝမ်းမချုပ်စေရန် အစာနှင့်တွဲဖက်၍ အစာစိမ်းများလည်း ကျွေးသင့်ပါသည်။

- သားမွေးဆောင်အနီး ထိရှနိုင်သော အရာဝတ္တုများ မထားရပါ။

- မွေးဖွားစဉ်မှာ အညစ်အကြေးများ သန့်ရှင်းအောင် လုပ်ပေးရပါမည်။ မဖြစ်မနေ လက်ကူပြီး မွေးဖွားရလျှင် လက်ကို ဆပ်ပြာပိုးသတ်ဆေးရည်များဖြင့် စနစ်တကျ ပြုလုပ်ပြီးမှ ဆောင်ရွက်သင့်ပါသည်။

- သားမွေးပြီးပါက သားအိမ်အတွင်း ပဋိဇိဝပိုးသတ်ဆေးတောင့် ထည့်ပေးခြင်း၊ တန်ဆာပတ်ဝန်းကျင် သန့်ရှင်းအောင်လည်း ဆောင်ရွက်ပေးသင့်ပါသည်။

ကုသပေးခြင်း

ဝက်မကြီးအား ပဋိဇိဝဆေး၊ အရောင်ကျဆေးများ၊ ဟိုမုန်းဆေးများကို ကျွမ်းကျင်သော တိကုဆရာဝန်များ၏အကူအညီ ရယူဆောင်ရွက်ခြင်းဖြင့် ဝက်ငယ်သေဆုံးမှု နည်းပါးကာ စီးပွားရေးတွက်ခြေကိုက်ပေမည်။

Ref, Dr.Myat Lin Vet ၏ “MMA Syndrome “အကြောင်း မှ ကောက်နှုတ် ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...