မြစ်ကြီးနားထောပတ်သီး (သို့) တရုတ်ဈေးကွက်နဲ့နီးတဲ့ ဒေသထွက်ကုန်အမယ်သစ်တစ်ခု

တရုတ်နိုင်ငံနယ်စပ်ဂိတ်ဖြစ်တဲ့ ကန်ပိုက်တီးနဲ့ နေ့ချင်းပြန်သွားနိုင်တဲ့ အကွာအဝေးမှာရှိတဲ့ မြစ်ကြီးနားမြို့နယ်ထဲမှာ လွန်ခဲ့တဲ့ ၆ နှစ်လောက်ကစလို့ ဒေသထွက်ကုန်အမယ်သစ်တစ်ခု စတင်စိုက်ပျိုးလာခဲ့ပါတယ်။

အဲ့ဒါကတော့ ဒေသတွင်းက ဥယျာဉ်ခြံတွေမှာ စိုက်ပျိုးလာတဲ့ ထောပတ်သီးပင်တွေပါပဲ။

၂၀၂၂ ထောပတ်ရာသီရဲ့ အခုလိုပန်းပွင့်ချိန်မှာတော့ သက်တမ်းအရ ထောပတ်အပင်တွေပိုပြီး ဖူးပွင့်လာကြပါပြီ။ ဆိုတော့ အသီးအထွက်နှုန်းတွေ ကောင်းမွန်လာနိုင်ဖို့ ထောပတ်သီးပင်စိုက်တောင်သူတွေ မျှော်လင့်လာကြပါပြီ။

ဒီလို မြစ်ကြီးနားမြို့နယ်ထဲ ထောပတ်သီး စီးပွားဖြစ် ထုတ်လုပ်နေတဲ့ အခြေအနေများနဲ့ပတ်သက်ပြီး မြစ်ကြီး နားမြို့ မိုင် ၂၀ ဥယျာဉ်ခြံရှင်ဖြစ်သူ ဦးအောင်ရွှေက အခုလို ရှင်းပြပါတယ်။

“သီးတာကတော့ Hass ,Bucaneea ၂ မျိုးပဲ ကျွန်တော့်ဆီမှာ များပါတယ်။ ကြီးတာကတော့ မနှစ်ကတော့ ဘာကေးနီးယားကတော့ အလုံးလည်းကြီးတယ်။ Hass ကျတော့ သူက အလုံးလည်း နည်းနည်းသေးတယ်လေ။ အဲ့ဒါနဲ့ တစ်ဝက်စီလောက်တော့ သီးတယ်။ သီးတာကတော့ မနှစ်က ၁၀ ပင်လောက်ပဲ သီးတာ။ မနှစ်ကမှ ကောင်းကောင်း အလုံး တစ်ထောင်၊ နှစ်ထောင်လောက်သီးပါတယ်။ မနှစ်က နည်းနည်းတော့ စားရတာပေါ့။ ဒီနှစ်က အပင်တွေ တော်တော်များများ ပန်းပွင့်တာကိုတွေ့ရပါတယ်။ ဒီနှစ်တော့နည်းနည်းပိုရမယ်လို့ ထင်ပါတယ်”

မြစ်ကြီးနားမြို့နယ်အတွင်း တရုတ်နိုင်ငံဈေးကွက်ကိုတင်ပို့နိုင်ဖို့ နှစ်ရှည်သီးနှံအပင်တွေကို အများအပြား စိုက်ပျိုး လာကြတာပါ။

ဒီလိုစိုက်ပျိုးထုတ်လုပ်ရာမှာ ဈေးကွက်ဝင်မျိုးကောင်းမျိုးသန့်များရရှိနိုင်ရန်နဲ့ လယ်ယာဘေးထွက်ပစ္စည်းများမှ သဘာဝ မြေသြဇာများ၊ ပိုးမွှားရောဂါကာကွယ်နှိမ်နင်းနည်းများ အသုံးပြုနိုင်ဖို့တွေကိုတော့ ပြည်နယ်စိုက်ပျိုးရေးဦးစီးဌာနမှ ဆောင်ရွက်ပေးခဲ့တာလို့ သိရပါတယ်။

မြစ်ကြီးနားမြို့နယ်အနီးတဝိုက်ရှိ ထောပတ်ခြံများကို မိုင်နှစ်ဆယ်၊ ပလန၊ နန်မ်ကျင်နဲ့ ဝိုင်းမော်မြို့နယ်တွေမှာ တွေ့ရမှာဖြစ်ပြီး Buccaneer, Lamb Hass, Hass, Reed, Boot – 7, Peterson, Zutano, Bacon, Fuerte, Gem, 034 စတဲ့ ပြည်ပမှ တင်သွင်းလာတဲ့ မျိုးများကို ကိုင်းကူးကိုင်းဆက်နည်းဖြင့် ရွေးချယ်စိုက်ပျိုးထားတာကို တွေ့ရ ပါတယ်။

ဒေသအတွင်းရှိ ထောပတ်ခြံသစ်များမှာ ထောပတ်အပင်ရေ ၃၀၀၀ ကျော် စိုက်ပျိုးထားပြီး ၂၀၂၁ ခုနှစ်အတွင်း ကတော့ သက်တမ်းငါးနှစ်ရှိလာပြီဖြစ်တဲ့ ထောပတ်ပင်များမှ အလုံးရေ နှစ်ထောင်ခန့်ကို မြစ်ကြီးနား ဈေးကွက် တင်ပဲ ဖြန့်ဖြူးရောင်းချနိုင်ခဲ့တယ်လို့ သိရပါတယ်။

အရင်က ထောပတ်သီးဆိုရင် ရှမ်းပြည်နယ်ကသာအထွက်များတဲ့ ထွက်ကုန်တစ်ခုလို့ အများစုက သိထားကြတာ ဖြစ်ပြီး အခုတော့ ကချင်ပြည်နယ်ရဲ့ထွက်ကုန်အမယ်သစ်တစ်ခုအနေနဲ့ပါ ပေါ်ထွက်လာပြီဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...