စားအုန်းဆီဈေးများကျနေသော်လည်း ကျပ် ၆၀၀၀ အောက်ထိ မရောက်နိုင်ဟု ဆီကုန်သည်များ သုံးသပ်

စားအုန်းဆီအဝင်ရှိနေပြီး ဈေးတွေကျဆင်းသွားပေမယ့်  မကြာခင် သင်္ကြန်ကာလနီးလာပြီဖြစ်တဲ့အတွက် ဆီဈေးဟာ ကျပ် ၆၀၀၀ အောက် မရောက်နိုင်ဘူးလို့ ဆီကုန်သည်တွေက သုံးသပ်ထားပါတယ်။

စားအုန်းဆီတင်သွင်းတဲ့ နိုင်ငံတွေမှာ စားအုန်းဆီဈေးကျဆင်းတဲ့အတွက် ပြည်တွင်းစားအုန်းဆီဈေးတွေဟာ ပြီးခဲ့တဲ့ အပတ်ကစလို့ ဈေးကျဆင်းသွားတာဖြစ်ပါတယ်။ ဆီကုန်သည်အသင်းက တော့ မတ် ၂၁ ရက်ကနေ ၂၇ ရက်အထိ လက်ကားရည်ညွှန်းဈေးအနေနဲ့ ၅၆၆၀ ကနေ ၆၃၇၅ ကျပ် ဖြစ်တယ်လို့ ထုတ်ပြန်ကြေညာခဲ့ပါတယ်။

လက်ရှိ ဒီနေ့ မတ် ၂၅ ရက်မှာတော့ လက်ကားဈေးက တစ်ပိဿာကို ၆၃၀၀ ကနေ ၆၅၀၀ ကြားအရောင်းအဝယ်ပြုလုပ်နေတယ်လို့ သိရပါတယ်။

ဆီကုန်သည်အသင်းကတော့ မြို့နယ်အလိုက် ဆီရောင်းချနေမှုကို မတ် ၂၂ ရက်နေ့အထိ ၆၇၀၀ ကျပ်ဖြင့်ရောင်းချပေးခဲ့ပြီး လက်ရှိမှာတော့ တစ်ပိဿာကို ၅၈၀၀ ကျပ်ဖြင့်ရောင်းချပေးနေတယ်လို့ သိရပါတယ်။ 

မြေပဲဆန်ဈေးကျဆင်းတာတွေ၊ ဆီမျိုးစုံပြန်လည်ဈေးကျဆင်းနေမှုကြောင့် မြေပဲဆီကလည်း ပြန်လည် ဈေးကျဆင်းသလို နှမ်းဆီဈေးတွေလည်း ပြန်ကျဆင်းသွားပါတယ်။

မြေပဲဆီက တစ်ပိဿာကို ၁၀၀၀ လောက်ပြန်ကျဆင်းပြီး လက်ကားဈေးအနေနဲ့ လက်ရှိတစ်ပိဿာကို ၇၅၀၀ ကနေ ၈၀၀၀ ကြား ပေါက်ဈေးရှိနေပါတယ်။ နှမ်းဆီကလည်း တစ်ပိဿာကို ၇၀၀၀ ကနေ ၇၅၀၀ ကြား ပေါက်ဈေးရှိနေတယ်လို့ သိရပါတယ်။

မြေပဲဆီနဲ့ နှမ်းဆီတို့ကတော့ ဒေသအတွင်းဝယ်လိုအားပေါ်မူတည်ပြီးဈေးအတက်အကျအပြောင်းအလဲက သိပ်မရှိနိုင်ပေမယ့် စားအုန်းဆီကတော့ ပြည်ပတင်သွင်းကုန်ဖြစ်တဲ့အတွက်ကြောင့် ကမ္ဘာစားအုန်းဆီ ဈေးကွက်၊ ငွေကြေးလဲလှယ်မှုနှုန်းထား၊ ဈေးကစားမှုပေါ်မူတည်နေပြီး အတက်အကျအပြောင်းလဲတွေ ရှိနိုင်ပါသေးတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more