တန်ဖိုးမြင့်လက်ဖက် ဖူအာတီး

Pu_erh tea (Pu’er tea) ဖူအာတီး ဆိုတာ တရုတ်နိုင်ငံ ယူနန်ပြည်နယ်မှာရှိတဲ့ မြို့လေးတခုမှာ စတင်ထုတ်လုပ်ခဲ့ပြီး အဲဒီ Market town လေးကို အစွဲပြုပြီး ပေးထားတဲ့ နာမည်တခုပါ၊၊

တခြားလက်ဖက်ခြောက်တွေနဲ့ မတူတဲ့ ထုတ်လုပ်မှုကတော့ လက်ဖက်ရွက်တွေကို အခြောက်ခံ၊ လှိမ့်ပြီးရင် လက်ဖက်ရွက်တွေ မဲသွားအောင်၊ အရသာတွေပြောင်းသွားအောင် Microbial fermentation process လုပ်ပြီး ထုတ်လုပ်ထားတဲ့ လက်ဖက်ခြောက် အမျိုးအစားတခု ဖြစ်ပါတယ်။

တရုတ်ပြည်မှာ စတင်ထုတ်လုပ်ခဲ့တာဖြစ်ပြီး အခုတော့ နိုင်ငံအတော်များများမှာလည်း ထုတ်လုပ်လာပြီဖြစ်ပါတယ်။ ဒါပေမယ့် Pu_erh tea ရဲ့ အဓိက စျေးကွက်ကတော့ တရုတ်စျေးကွက်ဖြစ်ပါတယ်။

Pu_erh tea သောက်သုံးခြင်းဟာ အစာခြေဖျက်ခြင်းကို အကူအညီပေးတယ်၊ သူ့ထဲမှာပါတဲ့ အာဟာရဓါတ်တွေဟာ ခန္ဓာကိုယ်အတွက် ကောင်းမွန်တယ် စတဲ့ ကောင်းသတင်းတွေ ကြောင့် Pu_erh tea တမုဟုတ်ချင်းနာမည်ကြီး စျေးကောင်းလာခဲ့ပါတယ်။

ဒါ့အပြင် ရှေးခေတ်တုန်းက ကုန်သည်ကြီးတွေဟာ Pu_erh tea ကို Barter system (ကုန်စည်ပစ္စည်းလဲလှယ်ခြင်း စနစ်) မှာ တွင်တွင်ကျယ်ကျယ် သုံးခဲ့ကြတယ်လို့လဲ သိရပါတယ်။ လက်ရှိ ယနေ့လက်ဖက်စျေးကွက်မှာလဲ Pu_erh teaဟာ တန်ဖိုးမြင့်ကုန်စည်တခုအနေနဲ့ ရှိနေပါတယ်။

Pu_erh Tea ကို များသောအားဖြင့် ပင်ကြီးလက်ဖက်ပင်တွေကနေ ထုတ်လုပ်ပြီး ပုံစံမျိုးစုံနဲ့ ထုတ်လုပ်ကြတယ်။ အပြားတွေ၊ လေးထောင့်တုံးလေးတွေ၊ အလုံးလေးတွေ ၊ ရှည်ရှည်အချောင်းပုံစံလေးတွေ ထုတ်လုပ်ကြပါတယ်။

သယ်ယူပို့ဆောင်ရတာ၊ သိုလှောင်ရတာ လွယ်ကူဖို့နဲ့ လက်ဖက်ခြောက်တွေ လက်ဆတ်မှုရှိအောင်ဆိုပြီး Pu_erh Tea ကို မာမာကျစ်ကျစ် လက်ဖက် အခဲ၊ အပြား (Tea cake/ tea disc) လေးတွေဖြစ်အောင် ထုတ်လုပ်ခဲ့ကြတယ်လို့လည်း သိရပါတယ်။

အဲဒီတော့ Pu_erh Tea သောက်သုံးမယ်ဆိုရင် Pu_erh Tea needle (ဖူအာတီးအခဲတွေကို ဖဲ့ထုတ်တဲ့ အပ်ချောင်း) လေးနဲ့ သေချာဖွင့်တတ်ဖို့ လိုအပ်ပါတယ်။

မြန်မာနိုင်ငံမှာ ပင်ကြီးလက်ဖက်ခြောက်ကို ကိုးကန့်၊ ကျိုင်းတုံ‌ဒေသတွေမှာ အများဆုံးထုတ်လုပ်ပြီးတော့ ဟိုးအရင်ကတော့ ကုန်ကြမ်းအနေနဲ့ပဲ Border trade ကနေ တရုတ်ကို ရောင်းချခဲ့ပါတယ်။

Pu_erh Tea အဓိကထုတ်လုပ်နေတဲ့ လက်ဖက်ကုမ္ပဏီကြီးတခုကတော့ ၂၀၀၃ ခုနှစ်မှာ ကုန်ချောအဖြစ် စမ်းသပ်ထုတ်လုပ်ခဲ့ပြီး ၂၀၁၄ နှစ်လောက်မှာ မြန်မာပြည် Brand တခုအနေနဲ့ တရုတ်စျေးကွက်ကို ထိုးဖောက်ခဲ့တယ်လို့ သိရပါတယ်။ မြန်မာနိုင်ငံထုတ် Pu_erh Tea ဟာ ဆုတံဆိပ်များ ရရှိခဲ့ပြီး တရုတ်စျေးကွက်မှာ နေရာတခု ရရှိနေပြီ ဖြစ်ပါတယ်။

Pu_erh Tea ရဲ့ အရည်အသွေးဟာ ထုတ်လုပ်တဲ့ နည်းပညာ၊ အသုံးပြုထားတဲ့ လက်ဖက်ရွက်တွေရဲ့ အရည်အသွေး၊ လက်ဖက်ပင်ရဲ့ သက်တမ်း၊ လက်ဖက်ပင်ပေါက်ရောက်နေတဲ့ တောတောင်ရေမြေ၊ ထုတ်ပိုးသိုလှောင်မှုတွေပေါ်မှာ မူတည်ပါတယ်။ လူသူအရောက်အပေါက်နည်းတဲ့ တောတောင်တွေမှာ ပေါက်ရောက်နေတဲ့ Wild Forest old tea tree လို့ခေါ်တဲ့ ပင်ကြီးလက်ဖက်ပင်တွေကနေ ထုတ်လုပ်ထားတဲ့ Pu_erh Tea ကတော့ တကယ့်ရှယ်ပဲပေါ့။

သက်တမ်း နှစ်၂၀၀-၃၀၀ လောက်ရှိတဲ့ ပင်ကြီး လက်ဖက်ပင်တွေကနေ အလယ်လတ်တန်းစား လက်ဖက်ကို ထုတ်လုပ်ပြီး Premium Pu_erh Tea ကို တော့ နှစ် ၅၀၀-၁၀၀၀ လောက်ရှိတဲ့ ပင်ကြီး လက်ဖက်ပင်ကြီးတွေကနေ ထုတ်လုပ်ကြတယ်လို့ သိရပါတယ်။ မြန်မာပြည်ရဲ့ လက်ဖက်စိုက်ပျိုးတဲ့ တချို့ဒေသတွေမှာဆို နှစ်ပေါင်း ထောင်ချီရှိနေတဲ့ ပင်ကြီးလက်ဖက်ပင်ကြီးလည်း အများအပြားရှိပါတယ်။

ပိုပြီးစိတ်ဝင်စားဖို့ကောင်းတာက Pu_erh Tea ရဲ့ စျေးနှုန်းပဲ။ အလေးချိန် ၂၀၀ ဂရမ် (တဆယ်သားခန့်) ရှိတဲ့ Pu_erh Tea ရဲ့ စျေးနှုန်းဟာ အရည်အသွေးပေါ်မူတည်ပြီး ကြမ်းခင်းစျေး ငါးသောင်းကနေ နှစ်သိန်းအထိ စျေးပေါက်တယ်လို့ သိရပါတယ်။

ပြီးတော့ Pu_erh Tea ဟာ ဝိုင်တွေလိုပဲ သက်တမ်းကြာလေ စျေးမြင့်လေပဲ။ တချို့ ၁၀ နှစ်ခန့်သက်တမ်းရှိတဲ့ ဖူအာတီးတချပ်ရဲ့ဈေးနှုန်းဆိုရင် ဒေါ်လာ ၁၅၀၀ ခန့် ပေါက်ဈေးရှိပါတယ်တဲ့။

တနှစ်လောက်သိုလှောင်လိုက်ရင် ၂၀ ရာခိုင်နှုန်းလောက် စျေးတက်သွားတယ်။ အဲတော့ Pu_erh Tea လုပ်ငန်းရှင်တွေဟာ အရည်အသွေးမြင့် Pu_erh Tea တွေကို Customer တယောက်ကို ဘယ်လောက်ပဲ ရောင်းမယ်ဆိုတဲ့ အကန့်အသတ်တွေထားရှိတယ်လို့ သိရပါတယ်။

နန်းစုစံ (စိုက်ပျိုးရေး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ