ဆန် အတက်ဈေးမှာငြိမ်နေ၊ ကြက်သွန်နီဈေးများ ဆက်တိုက်ကျ

ပြင်ပငွေလဲလှယ်နှုန်း ကျဆင်းမှုနဲ့အတူ ကုန်စည်အချို့ ဈေးပြန်ကျလာပေမယ့် ဆန်ဈေးကတော့ တချို့ အမျိုးအစားတွေ မနေ့ကစလို့ ထပ်တက်လာသလို တက်ပြီးသားတွေကလည်း အတက်နဲ့ပဲ ငြိမ်နေ ပါတယ်။ တချို့အမျိုးအစားတွေတော့ အနည်းငယ်လေး ဈေးကျသွားပေမယ့် အများစုကတော့ အတက် ဈေးမှာပဲ ငြိမ်နေတာဖြစ်ပါတယ်။

ပြီးခဲ့တဲ့လကုန်ပိုင်းတုန်းက တစ်ပိဿာ အမြင့်ဆုံးဈေး ၃၅၀၀ ကျပ်ထိ ရောက်သွားတဲ့ ကြက်သွန်နီကတော့ အခုလဆန်းမှာ ကျပ် ၃၂၅၀ ထိ ရောက်သွားခဲ့သလို ဒီနေ့ စက်တင်ဘာ ၂၈ ရက်မှာတော့ ၂၇၅၀ ကျပ်ထိ ပြန်ကျသွားပြီဖြစ်ပါတယ်။

အခု စက်တင်ဘာ လဆန်း ရန်ကုန်ဘုရင့်နောက်ဈေးကွက် ဆန်ဈေး၊ ကြက်သွန်နီဈေးတွေနဲ့ ဒီနေ့ စက်တင်ဘာ ၂၈ ရက် ဈေးတွေကို ဇယားကွက်မှာ နှိုင်းယှဉ်ကြည့်ရှုနိုင်ပါတယ်။

ဆန်ဈေးတွေက တစ်တင်းခွဲ (၁.၅ တင်း) တစ်အိတ် ဈေးတွေဖြစ်ပြီး ကြက်သွန်နီကတော့ တစ်ပိဿာ ဈေးနှုန်းတွေ ဖြစ်ပါတယ်။

အိန္ဒိယနိုင်ငံမှာ မိုးနည်းပြီး စပါးအစိုက်ကျဆင်းခဲ့တဲ့အတွက် အစိုးရက ပြည်ပဆန်တင်ပို့မှု ကို ပိတ်ပင်လိုက်ပြီးနောက် ထိုင်း၊ ဗီယက်နမ်၊ မြန်မာ စတဲ့ ဆန်အဓိကတင်ပို့ရာနိုင်ငံတွေမှာ ဈေးနှုန်းတွေ မြင့်တက်လာနိုင်တယ်လို့ ကုန်သည်နဲ့ ဈေးကွက်ကျွမ်းကျင်သူတွေက ခန့်မှန်းမှုတွေ ပြုလုပ်ထားပါတယ်။

ဆန်(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။