စပါးတင်း ၅၀၀၀ (သို့) ဆန်တန် ၅၀ အထက် သိုလှောင်ရုံများ စာရင်းကောက်တော့မည်

သိုလှောင်ရုံတစ်နေရာမှာ စပါးတင်း ၅၀၀၀ (သို့) ဆန်တန် ၅၀ အထက်ပိုပြီးသိုလှောင်မှုပါက စာရင်းပြုစု တင်ပြရန်နဲ့ ဒါနဲ့ပတ်သက်လို့ တိုင်းဒေသကြီးတချို့မှာ စတင်စာရင်းကောက်သွားတော့မယ်ဆိုပြီး မြန်မာနိုင်ငံဆန်စပါးအသင်းချုပ် (MRF) က ဒီနေ့ ဇွန် ၂၁ ရက်ရက်စွဲနဲ့ ကြေညာချက်တစ်စောင် ထုတ်ပြန်လိုက်ပါတယ်။

‘စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှုအရ ဆန်စပါးဈေးကွက်တည်ငြိမ်မှန် ကန်စွာဖွံ့ဖြိုးတိုးတက်ရေး၊ ဆန်စပါးသိုလှောင်မှုကို စနစ်တကျ မှတ်ပုံတင်စာရင်းပြုစုထားနိုင်ရေး၊ သင့်တင့်မျှတတည်ငြိမ်သော ဆန်ဈေးကွက်နှင့်ဈေးနှုန်းများ ဖြစ်ပေါ်စေရေးအတွက် မြန်မာနိုင်ငံဆန် စပါးအသင်းချုပ်အနေဖြင့် ပုဂ္ဂလိကကဏ္ဍမှနေ၍ စီစဉ်ကြိုးပမ်းဆောင်ရွက်နေကြောင်း၊ ထိုသို့ ဆောင်ရွက်ရာတွင် လွယ်ကူလျင်မြန်သော ဒစ်ဂျစ်တယ်နည်းလမ်းဖြင့် မှတ်ပုံတင်စာရင်းတင်ပြ ဆောင်ရွက် နိုင်မည့် Online Registration စနစ် (MyRO) ကို ဆောင်ရွက်လျက်ရှိပြီး ၂၀၂၃ ခုနှစ် အတွင်း မကြာမီ စတင်အသုံးပြုနိုင်မည်ဖြစ်ကာ သိုလှောင်ရုံများအား Digital Certificate ထုတ်ပေးနိုင်သည့် ဝန်ဆောင်မှုဖြင့် သိုလှောင်မှုလုပ်ငန်းများ စနစ်တကျဖွံ့ဖြိုးတိုးတက်နိုင်စေရန် စီစဉ်လျက်ရှိကြောင်း’ စသဖြင့် MRF ရဲ့ ကြေညာချက်မှာ ဖော်ပြထားပါတယ်။

‘MyRO Online Registration စနစ် ပြင်ဆင်တည်ဆောက်နေချိန်တွင် စာရင်းကောက်ယူမှု လုပ်ငန်း များကို ကြိုတင်ဆောင်ရွက်ထားသည့်အနေဖြင့် Trial Operation (စမ်းသပ်လုပ်ဆောင်မှု) အဖြစ် နေပြည်တော်ကောင်စီနယ်မြေနှင့် ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်းတို့၌ ၂၀၂၃ ခုနှစ် ဇွန်လနှင့် ဇူလိုင်လများတွင် သိုလှောင်မှုအခြေအနေများကို စတင်ကောက်ခံ စာရင်းပြုစုသွားမည် ဖြစ်ပါသည်’ လို့လည်း ကြေညာချက်မှာ ပါရှိပါတယ်။

အသေးစိတ်ကိုတော့ အောက်ပါပုံမှာ ကြည့်ရှုနိုင်ပါတယ်။

ဒီလိုလုပ်မှာဖြစ်တဲ့အတွက်...

သိုလှောင်ရုံ/သိုလှောင်မှုလုပ်ငန်းအလိုက် ကုန်ရ၊ ကုန်ထုတ်၊ ကုန်လက်ကျန် စာရင်းဇယားများနဲ့ အပတ်စဉ်၊ လစဉ် ကုန်ရ၊ ကုန်ထုတ်၊ ကုန်လက်ကျန်စာရင်းချုပ်များ ပြုစုထားရှိရန်၊

ပူးတွဲလျှောက်လွှာပုံစံဖြင့် အချက်အလက်များ ဖြည့်သွင်းတင်ပြမှုကို ဇွန်လ ၂၆ ရက် နေ့ အပြီးတင်ပြရန်နှင့် သိုလှောင်ရုံကွင်းဆင်းစစ်ဆေးအတည်ပြုမှုကို စားသုံးသူရေးရာဦးစီးဌာနနှင့် အသင်း ချုပ်တို့၏ အစိုးရ - ပုဂ္ဂလိက ပူးပေါင်းစိစစ်မှုအတွက် ကြိုတင်ပြင်ဆင်ထားရန်၊

စာရင်းပြုစုခြင်း၊ သိုလှောင်ရုံမှတ်ပုံတင်လုပ်ငန်း ဆောင်ရွက်နေစဉ်ကာလဖြစ်ပါသဖြင့် အရောင်းအဝယ် ဆိုင်ရာစာရင်းများ၊ ဈေးနှုန်းများကို စနစ်တကျမှတ်တမ်းတင်ထားရှိရန်

စသဖြင့်လည်း ကြေညာချက်မှာ ထည့်သွင်းဖော်ပြထားတာ တွေ့ရပါတယ်။

ဆန်စပါးသိုလှောင်ရုံမှတ်ပုံတင်ရန် လျှောက်လွှာပုံစံကိုတော့ အောက်မှာကြည့်ရှုနိုင်ပါတယ်။

အရင်တုန်းကတော့ ဒီလိုဆန်စပါးသိုလှောင်မှုနဲ့ပတ်သက်လို့ စာရင်းကောက်ခံတာမျိုး မရှိခဲ့ဘူးလို့ သိရပါတယ်။

Photos Crd_MRF

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...